فى اخر لحظه غيرت رايى من تيدا لكورولا

**sabryfouad** · 22-08-2010 12:12 AM

السلام عليكم ورحمه الله وبركاته
كل عام والاخوه كلهم بخير
نزلت اليوم متوجها لتوكيل البابطين لشراء التيدا وانا عجبانى السياره جدا وفعلا حجزت السياره والمفروض كنت اروح بكره لانهاء المعامله مع التوكيل وادفع الفلوس وخرجت ودخلت توكيل التويوتا المجاور للنيسان ولقيت التويوتا نزل عليها تخفيض 300 دينار وسعرها يشمل التأمين وبصراحه انا كنت هاشترى التيدا على اد فلوسى بس لما اتفرجت على الكورولا وبنصيحه صديق لى وتشجيعه لى حجزت كورولا 2010 4 سلندر فل اوبشن 1600 سى سى يابانى يابانى بس اللى خلانى اختار الكورولا انى لقيت التيدا بجنوط عاديه مش الومنيوم ومفيهاش فرامل الاى بى اس والعربيه شكلها فاضى من جوه مفيش اى تصميمات غير صندوق التابلوه بس وميزتها انها واسعه جدا من جوة بس بصراحه تصميم الكورولا عجبنى جدا وطبعا سمعه السياره مفيهاش كلام
سعر الكورولا 4800دينار كويتى شامله التأمين فل اوبشن مع سى دى وكاسيت عادى كمان و2 اير باج وفرامل اى بى اس ومجسات خلفيه ونظام حمايه بالمفتاح ضد السرقه ونظام فتح الابواب بالريموت عن بعد ومصابيح شبورة
وطبعا معظم المزايا دى ملقيتهاش فى التيدا مع انى لما رحت اول مره وشفتها قالولى ان المزايا دى موجوده بس اول ماشفت السياره النهارده حسيت انها مش نفس السياره اللى شفتها من شهر
اخيرا اشكر جميع الاعضاء اللى غطونى رايهم وكان نفسى انضم للتيداويه بس قدر الله وماشاء فعل ورمضان كريم

**MaZaGAngeE** · 22-08-2010 12:21 AM

الف مبروك و العربيتين كويسين و ممتازين و ان كانت الكورولا أفضل لأن التيدا لسه جديدة

**Bishoy.Girgis** · 22-08-2010 12:45 AM

الف الف الف مبروك لحضرتك و لو انا مكانك كنت هاخد نفس القرار و نتمني انك تكون معانا في القسم حتي لو جبت كورولا و فعلا الكورولا بالذات عربية محترمة جدا جدا و كويس انها ياباني 100% مش تقفيل جنوب افريقيا

**ahmed.mohy** · 22-08-2010 03:04 PM

الف مبروك علي الكرولا وهو اختيار موفق طبعا بس اللي انا ملاحظه في كلامك انك شوفت التيدا الفئة الاقل من اول مرة شوفتها .
يعني اللي عايز اوصله ان التيدا بتنزل بكل الكماليات دى واكتر كمان بس في فئة اعلي
يعني احنا في مصر اعلي فئة في التيدا اللي هي تيدا بلس "بكل كماليات Safty والكماليت.العادية زي الCD chnger و جنوط ١٥ وفوج لايت مثلا" تمنها اقل من اول فئة في الكرولا بحوالي ٢٠ الف جنية مصرى

علي كل حال الف مبروك

**egypt0777** · 22-08-2010 04:57 PM

ما شاء الله احسنت الاختيار

هى الهربية ب 4800 دينار فول اوبشن هاى لين تعادل 96000 جنيه

ربنا يباركلك فيها

**Ahmed.TV** · 22-08-2010 05:47 PM

التيدا اللى بتنزل فعلا فى الخليج مختلفة شوية فى الكماليات وبسمع ان مفهاش abs , لكن اللى عندنا فى مصر وحتى اول فئة منها بيكون فيها عومال امان
بس على العموم اختيار موفق الكورولا عربية محترمة بردوا

**wdramiz** · 23-08-2010 04:07 PM

معني كدة ان التويوتا الموجودة في مصر افضل من التيدا ولا انا غلطان لانني متردد بين الاثنين

برجاء االايضاح

**sabryfouad** · 23-08-2010 06:44 PM

المشاركة الأصلية كتبت بواسطة mazagangee

الف مبروك و العربيتين كويسين و ممتازين و ان كانت الكورولا أفضل لأن التيدا لسه جديدة

المشاركة الأصلية كتبت بواسطة peaceman

الف الف الف مبروك لحضرتك و لو انا مكانك كنت هاخد نفس القرار و نتمني انك تكون معانا في القسم حتي لو جبت كورولا و فعلا الكورولا بالذات عربية محترمة جدا جدا و كويس انها ياباني 100% مش تقفيل جنوب افريقيا

المشاركة الأصلية كتبت بواسطة mohyel9

الف مبروك علي الكرولا وهو اختيار موفق طبعا بس اللي انا ملاحظه في كلامك انك شوفت التيدا الفئة الاقل من اول مرة شوفتها .
يعني اللي عايز اوصله ان التيدا بتنزل بكل الكماليات دى واكتر كمان بس في فئة اعلي
يعني احنا في مصر اعلي فئة في التيدا اللي هي تيدا بلس "بكل كماليات safty والكماليت.العادية زي الcd chnger و جنوط ١٥ وفوج لايت مثلا" تمنها اقل من اول فئة في الكرولا بحوالي ٢٠ الف جنية مصرى

علي كل حال الف مبروك

المشاركة الأصلية كتبت بواسطة egypt0777

ما شاء الله احسنت الاختيار

هى الهربية ب 4800 دينار فول اوبشن هاى لين تعادل 96000 جنيه

ربنا يباركلك فيها

الله يبارك لحضراتكم جميعا واشكر المنتدى الرائع اللى فهمنى حاجات كتير مكنتش اعرفها

المشاركة الأصلية كتبت بواسطة ahmed.tv

التيدا اللى بتنزل فعلا فى الخليج مختلفة شوية فى الكماليات وبسمع ان مفهاش abs , لكن اللى عندنا فى مصر وحتى اول فئة منها بيكون فيها عومال امان
بس على العموم اختيار موفق الكورولا عربية محترمة بردوا

التيدا اللى شفتها من شهر كان فيها اى بى اس بس لما رحت اشتريها لقيتها مفيهاش ويمكن ده عشان نهايه السنه والموديل قرب يخلص ففيها تصفيات

**medo_2060** · 24-08-2010 02:48 AM

الف مبروك وربنايباركلك فيها....بس افهم من كدا ان اسعار العربيات فى الكويت اغلى من السعوديه؟ لانها كدا عامله 96 الف وفى السعوديه تقريبا الكامله بتبقى فى الستينات

-

الموضوع: فى اخر لحظه غيرت رايى من تيدا لكورولا

LinkBack

أدوات الموضوع

عرض

-

-

-

-

-

المواضيع المتشابهه

رجعت فى رايى وهجيب روووووووووووووووسى

يا جماعة العربية دة غيرت رايى فى الصينى

رايى فى الغاز الطبيعى

لحظه من فضلك

الكلمات الدلالية لهذا الموضوع

المفضلات

المفضلات

ضوابط المشاركة