-
استلمت ياريس
ستلمت ياريس من حوالى 3ايام ...بس لسة مرخصتش --اللون اسود
المهم استلمت ورق العربية النهاردة والضمان بعد 3 ايام
العربية عملت بيها 595 كيلو ناعمة اوى وعالية عن المطبات وواسعة والكاسيت والتكييف محترمين
احسن حاجة فى العربية دى الباور ناعــــــــــــــــــــــ ـــــــــــــــــــــــــ ــــــــــــــم اوى اوى اوى esp
وجبت من التوكيل (فرش جلد بيج ودواسات وطفاية حريق وستارة وفرش للشنطة )=900 جنية
والحمد للة راضى اوى عن العربية
ملحوظة(انا مبخافش من الحسد ):D:D:D
-
الف الف مبرووووووووووك يا سعداوى باشا :) انا اهو اول واحد يباركلك
-
هههههههههههههههه
ايوه كده اظهر و بان عليك الامان
ألف مبررررررررررررررررروك
بس خف عالعربيه ما شاء الله فى 3 ايام 595 كم
انا بقالى اسبوعين و لسه 300 كم
ههههههههههه
-
الف الف مبروك يا سعداوي و ربنا يباركلك فيها
-
ألف مبروك يا باشا إختيار موفق إن شاء الله
-
-
الف الف مبروك
ربنا يبارك لك فيها و تستعملها في الخير دائما ..
بس اسمح لي اقول لحضرتك .. يااااااا مفتررررري
600 كيلو في 3 اياااام ؟؟؟ ولسه مستلم الورق النهارده ؟؟ .. يعني 600 كيلو و كمان من غير ورق!!!!!
انت شكلك كنت مقيم فيها في الـ3 ايام دول ..
عموما .. بارك الله لك فيها .. و رزقك خيرها .. و خف علي العربية في التليين شوية .
-
الف مبروووووووووووووووووك ياابو السباع بقي تعمل بيها 595ك من غير نمر دا انا من اول طلعتين قابلني الظابط المروور بيقولي طالما مافيش نمر ف المرور اجر عربيه اعمل بيه مشاويرك شوف يا اخي قمه برود ظباط المرور
-
الف مبروك وربنا يعطيك خيرها ويكفي عنك شرها ان شاء الله
-
الف مبروك ربنا يباركللك فيها ويديك خيرها ويبعد عنك شرها
-
مبروك با سعداوى باشا
بس خاف من الحسد
وبسم الله الذى لا يضر مع اسمه شىء فى الأرض ولا فى السماء
واليومين دول يومين الياريس بعد الكورولا واللانسر ما بقت اسعارهم تبدأ من 125 وطالع
-
الف الف مبروك سعداوي باشا
ربنا يديك خيرها و يكفيك شرها و يحرسها من كل سوء
الياريس حلوة
بس يا باشا خف عليها شوية عشان 600 كيلو في 3 ايام يعني يا باشا لو كملت بالمعدل ده حتقفل ال 50000 في نهاية السنة و ده معدل عالي انت المفروض متعديش 20000 في السنة
محمد فهمي
-
أللة يبارك فيكوا يا جماعة
بالنسبة لل600 كيلو انا مش عارف الكيلوات بتخلص بسرعة معايا كدا لية:D:D:D:
هوا مش عداد الكيلوات الى هوا تحت الساعة دا؟d
وبعدين انا لسة فرحان بيها بقا مش سايبها فى حالها :D:D:D:D
اول امبراح العربية كانت واقفة تحت البيت واحد بتاع ميكروباص خبطهالى فى الرفرف الامامى :(
هيا اطبقت لجوة بس مفيش خدش فى الدهان ...رحت عملتها عند واحد كدا رجعها تانى بس مرجعهاش 100%:(:(
مش عارف اعمل اية وانا كدا اظاهر هغير الرفرف واريح دماغى
بس على فكرة كل الظباط الى بيشوفونى بدون نمر بيقعدوا يهزروا معايا يعنى مش حاجة
-
الف مبروك يا سعداوي باشا...
ربنا يعطيك خيرها ويكفيك شرها....
خلي بالك علي العربية.....
بالنسبة للخبطة.....ولا يهمك ....قدر الله وما شاء فعل.....
ماتعملهاش خالص....وخليها زي ما هي....علي الاقل شوية كدة....تاخد العين ...وبعد شوية ابقي اعملها علي البارد....ولو مش باينة ....خليها ...
ربنا يحفظهالك....
-
الف مبروك يا سعداوي علي الياريس
نحن السابقون و انتم اللاحقون:)
بس خف شويه عليها 600 كيلو كتير اويداانت قربت تخلص تليين قبل ما ترخص يا راجل :)
-
ألف مبروك يا أخ سعداوى :) , ربنا يباركلك فيها و يعطيك خيرها و يبعد عنك شرها.
-
الف مبروك ربنا يباركللك فيها ويديك خيرها ويبعد عنك شرها
Content Relevant URLs by
vBSEO 3.6.0 PL2