الموضوع: نيسان صنى هل يمكن زياده اتساع الكنبه الخلفيه؟

انا شايف بقى ان التعديل يكون في مسند الظهر يعني لو اتغيرت مثلا بحاجة ارفع تدي مساحة للراكب يرجع لورا كام سم فتسيب مسافة قدام ركبته ولا ايه رايكم
وممكن بردو زي ما الاخ محمد ابراهيم 1 تصغير سمك الكراسي الامامية تدي مسافة للركبة بردو غير كدة مفيش حل غير تقص في الصاج اللي شايل ظهر الكنبة وتدخل الظهر في الشنطة شوية

هى المشكلة فى الكراسى الامامية واعتقد لها احد حلين الاول تقليل سمك ظهر الكرسى بحيث يكون سمك اعلى ظهر الكرسى تماما مثل اسفل ظهر الكرسى بكدة هنوفر حوالى 3 الى 4 سم الحل الثانى ان يتم تعديل الظهر من الخلف بحيث يتم الحفر فى ظهر الكرسى كأماكن للاقدام يعنى زى كراسى المرسيدس

لا

فعلا الكنبة الخلفية ممكن تاخد 3 متوسطين الحجم بس مزنقين فى بعض

المسافة بين الكرسى الامامى و الكنبة فعلا صغيرة

يعنى لازم تضبط الكرسى كل مرة حسب حجم الراكب اللى ورا بس ده بيبقى على حساب راحة راكب الكرسى الامامى

السلام عليكم

هو تقريبا اللى مسبب الضيق هو الكرسى الامامى,,لان قبل كده كان فيه عضو قال فى موضوع ليه انو لما ركب كراسى ريكاردو فى العربية,الصالون وسع و فرق كتير و بقت المساحة كبيرة وراء للى يقعد حتى لو كان طويل و ذلك كمان مع ترجيع الكرسى الامامى للاخر لورا,,,,و فيه حل تانى زى ما الاعضاء تفضلوا و قالوا ان الكرسى الامامى مليان شوية عن كراسى موديل قبل كده و هو موديل 99 ,, فممكن الواحد يجيب كرسى الموديل ده و يركبوا ,ده لو بيباع حتى استيراد

و شكرا

هي فعلا مش ضيقة قوي بس فعلا مع رجوع الكرسي الامامي وكمان لو الركاب اللي ورا طوال بتبقى مشكلة وطبعا الموضوع مش بيعيب في السيارة خالص لان كل السيارات الجديدة كدة ما عدا حالات قليلة بس احنا بنحاول نلاقي حل اكثر راحة ورفاهية لينا مش اكتر

المشاركة الأصلية كتبت بواسطة peaceman

يا جماعة لو سمحتوا لحظة لأننا كده الردود مش مرتبة خالص :
هو مشكلة الكنبة الخلفية ضيقة من العرض (من الباب الايمن الي الباب الايسر) ولا من الطول (بين الكنبة و الكرسي الامامي)
معلش انا مش شايف اي مشكلة خالص خالص من حيث الطول .. الموضوع هو تظبيط حركة الكراسي الامامية فقط لا غير و انا عندي شايف ان اللي قاعد ورا بيبقي مستريح جدا لو الكرسي الامامي في وضع مظبوط
و برده عمري ما لقيت مشكلة في ان تلاتة يقعدوا ورا و مزنقين خالص .. انا شايف ان الكنبة الخلفية مش عاملة اي مشكلة في الصني
و لا هو الموضوع كلام و خلاص و سمعه ملهاش لازمة .. ياريت منجاريش في حاجه الا لما فعلا نكون جربناها
يعني من الاخر العربية عندي بالنسبة للناس اللي بيقعدوا ورا في الكنبة الخلفية مفيش ادني مشكلة ليهم خالص خالص
العربية عائلية جدا بنسبة مليون المئة

انا عايز اقول نفس الكلام والله
انا شايف ان العربية مش بالصورة اللى بنتكلم عليها
والله انا قعدت فى الالنترا
لقيت ان القعدة وراء متقاربة
وقدام كنت مرتاح فى الصنى على النترا رجلى مش لامس التابلوه خالص
المشكلة بتظهر بس لما الواحد يرجع ظهر الكرسى لاخر وضع فية مش لما يرجع الكرسى نفسة
وترجيع ظهر الكرسى ده مش صحى ومش كويس
افضل حاجه ان يكون قائم