سؤال و ان شاء الله ارجو ان اجد الرد
هل يمكن زياده اتساع الكنبه الخلفيه؟ و ذلك بقص الجزء الأمامى من الكنبه الخلفيه مما يعطى مساحه اكبر للأقدام
مع خالص الشكر
عرض للطباعة
سؤال و ان شاء الله ارجو ان اجد الرد
هل يمكن زياده اتساع الكنبه الخلفيه؟ و ذلك بقص الجزء الأمامى من الكنبه الخلفيه مما يعطى مساحه اكبر للأقدام
مع خالص الشكر
ليه لأ
بس نسأل سرجى محترم
لان اكيد الخبرة حتفرق
فعلا اى سروجى محترم حيقدر يفكرلك صح ويقولك على اللى فيها صح
على ما أظن ماينفعش.
لأن المسافه من ضهر الكنبه الى ضهر الكرسى الأمامى ثابته (على إعتبار ثبات مكان الكرسى الأمامى) و هى دى سبب الضيق.
لكن لو قصيت قاعده الكنبه هيبقى الى قاعد فى الكنبه مش مستريح عشان هتكون مسافه القاعده صغرت .
ودى بتتحدد على حسب الطول للشخص العادى و المسافه و هو جالس من اول ضهره لغايه الركب و زياده حته للراحه.
أتمنى أكون قدرت اوصل المعلومه
متابع ومهتم وهنفذ بس ياريت حل
+11111111111111111111111111111111111111111111اقتباس:
المشاركة الأصلية كتبت بواسطة emadsamy
انا ركبت صنى موديل 99 ولاقيت ان الكنبه الى ورا واسعه
وعندى صنى 2011 والكنبه الى ورا اضيق
ولما قارنت لاقيت ان الكرسى الى قدام فى موديل 99 رفيع على عكس الكرسى الى قدام فى 2011
يعنى المشكله ممكن تكون فى الكرسى الى قدام
انا بصراحة لو الكنبة ضيقة ورات عمر ما هغير في حاجة في الفبريكة احسن ليك سيبها مش مهم
أعتقد أن هذه المشكلة ليس لها حل
كلامك صح يا استاذ همام يا اما نروح للبرنامج اللي في قناة Discovery اللي اسمه West Coast Customs و نخليهم يحلوا المشكلة ديه بس ان شاء الله بعد 20 سنة كدهاقتباس:
المشاركة الأصلية كتبت بواسطة mohamedhamam
و الله يا جماعة فعلا المشكلة الوحيدة في العربية من وجه نظري هى الكنبه يعنى لو كانوا مثلا صغروا الشنطة شوية و وسعوا الكنبة كانت بقت عربية ملهاش حل في كل حاجةو لكن بقي نعمل
يمكن عشان اليبانيين رفيعين ولا حاجة ؟؟؟
أعتقد لو غيرنا الكرسيين اللى قدام بكراسى ريكاردو مثلا حتوفر مساحة كويسه
انا شايف بقى ان التعديل يكون في مسند الظهر يعني لو اتغيرت مثلا بحاجة ارفع تدي مساحة للراكب يرجع لورا كام سم فتسيب مسافة قدام ركبته ولا ايه رايكم
وممكن بردو زي ما الاخ محمد ابراهيم 1 تصغير سمك الكراسي الامامية تدي مسافة للركبة بردو غير كدة مفيش حل غير تقص في الصاج اللي شايل ظهر الكنبة وتدخل الظهر في الشنطة شوية
هى المشكلة فى الكراسى الامامية واعتقد لها احد حلين الاول تقليل سمك ظهر الكرسى بحيث يكون سمك اعلى ظهر الكرسى تماما مثل اسفل ظهر الكرسى بكدة هنوفر حوالى 3 الى 4 سم الحل الثانى ان يتم تعديل الظهر من الخلف بحيث يتم الحفر فى ظهر الكرسى كأماكن للاقدام يعنى زى كراسى المرسيدس
يا جماعة لو سمحتوا لحظة لأننا كده الردود مش مرتبة خالص :
هو مشكلة الكنبة الخلفية ضيقة من العرض (من الباب الايمن الي الباب الايسر) ولا من الطول (بين الكنبة و الكرسي الامامي)
معلش انا مش شايف اي مشكلة خالص خالص من حيث الطول .. الموضوع هو تظبيط حركة الكراسي الامامية فقط لا غير و انا عندي شايف ان اللي قاعد ورا بيبقي مستريح جدا لو الكرسي الامامي في وضع مظبوط
و برده عمري ما لقيت مشكلة في ان تلاتة يقعدوا ورا و مزنقين خالص .. انا شايف ان الكنبة الخلفية مش عاملة اي مشكلة في الصني
و لا هو الموضوع كلام و خلاص و سمعه ملهاش لازمة .. ياريت منجاريش في حاجه الا لما فعلا نكون جربناها
يعني من الاخر العربية عندي بالنسبة للناس اللي بيقعدوا ورا في الكنبة الخلفية مفيش ادني مشكلة ليهم خالص خالص
العربية عائلية جدا بنسبة مليون المئة
لا
فعلا الكنبة الخلفية ممكن تاخد 3 متوسطين الحجم بس مزنقين فى بعض
المسافة بين الكرسى الامامى و الكنبة فعلا صغيرة
يعنى لازم تضبط الكرسى كل مرة حسب حجم الراكب اللى ورا بس ده بيبقى على حساب راحة راكب الكرسى الامامى
السلام عليكم
هو تقريبا اللى مسبب الضيق هو الكرسى الامامى,,لان قبل كده كان فيه عضو قال فى موضوع ليه انو لما ركب كراسى ريكاردو فى العربية,الصالون وسع و فرق كتير و بقت المساحة كبيرة وراء للى يقعد حتى لو كان طويل و ذلك كمان مع ترجيع الكرسى الامامى للاخر لورا,,,,و فيه حل تانى زى ما الاعضاء تفضلوا و قالوا ان الكرسى الامامى مليان شوية عن كراسى موديل قبل كده و هو موديل 99 ,, فممكن الواحد يجيب كرسى الموديل ده و يركبوا ,ده لو بيباع حتى استيراد
و شكرا
هي فعلا مش ضيقة قوي بس فعلا مع رجوع الكرسي الامامي وكمان لو الركاب اللي ورا طوال بتبقى مشكلة وطبعا الموضوع مش بيعيب في السيارة خالص لان كل السيارات الجديدة كدة ما عدا حالات قليلة بس احنا بنحاول نلاقي حل اكثر راحة ورفاهية لينا مش اكتر
انا عايز اقول نفس الكلام واللهاقتباس:
المشاركة الأصلية كتبت بواسطة peaceman
انا شايف ان العربية مش بالصورة اللى بنتكلم عليها
والله انا قعدت فى الالنترا
لقيت ان القعدة وراء متقاربة
وقدام كنت مرتاح فى الصنى على النترا رجلى مش لامس التابلوه خالص
المشكلة بتظهر بس لما الواحد يرجع ظهر الكرسى لاخر وضع فية مش لما يرجع الكرسى نفسة
وترجيع ظهر الكرسى ده مش صحى ومش كويس
افضل حاجه ان يكون قائم
يا جماعة احنا عاوزين ايه بالظبط وليه بنحير روحنا
الهوندا سيتى اللى ماتورها روعة بردوا نقول اصلها ضيقة وتوكيلها مش عارف ايه
والهوندا سيفك المحترمة جدا يقولوا اصلها واطية على الارض وقطع غيارها نار
ومرة يقولوا اصل الالنترا حلوة بس عيبها التوكيل وانها بتهبط بمجرد ما اتنين ورا يقعدوا , وكمان البور كهرباء وناعم جداااا
ويقولوا اصل السيراتوا عفشة نشفة جدااا
ويقولوا اصل البرسونا والجين فيها عيوب تقفيل واستهلاك بنزين ومع ذلك محققة مبيعات وانتشار قد ايه
وهكذا
احنا بنرضى بايه
لازم نرضى بالنعمة اللى ربنا اعطهالنا ونقول الحمد لله على كل شى
محدش بياخد اللى هو عاوزه كامل
لازم فى حاجة بنتغاضى عنها
يااما كماليات ياما توكيل ياما انتشار يااما قطع غيار يا اما وسع يا اما استهلاك بنزين ,
وكل حاجة من دى بيقابل قدامها حتلاقوا ميزة او عيب
انا فى عربيتى
التيدا اخترت الاداء مع التوكيل والسمعة والوسع
والعيوب كانت الشكل مش عارف ماله والانتشار مش عارف ايه
والحمد لله متاقلم مع الشكل وشايف انه برستيج اكتر منه جمال , وشايف ان انتشارها بقا محترم دلوقتى
وصدقونى بتفرق من واحد لواحد
من الطويل الى القصير
وبتفرق من التخين الى الرفيع
وهكذا
انتوا معاكم عربية رائعة والله ومحترمة جدا
واغلب اللى بيقعد ورا بيكون مزنق فى بعضه لو كان الاحجام فوق المتوسط وده عادى
انا عندى فى التيدا كدا
بس مرتاحين فى حكاية الرجل
بس انا قدام نفسى الكرسى يرجع ورا اكتر عشان افرد رجلى , بس مش عارف لغاية ما اتقلمت
الحياة بسيطة جدا
واستمتعوا بسيارتكم وبلاش حد يلعب فى حاجة فى فترة الضمان عشان الكراسى ليها ضمان
وسمعت لو حصلها حاجة او اتعدل فى حاجة بتخرج من الضمان الكراسى
وثمن الكراسى اصلا غالى
واسف على الاطالة
احترم رأيك بشده...ولكن كل العيوب اللى حضرتك قلتها موجوده بالفعل فى كل العربيات اللى ذكرتها....واحنا عارفين طبعا ان مفيش عربيه كامله....فبنحاول نحسن من العيوب اللى فعربيتنا دى بقدر الامكان...مش بنحب الاستسلام :E_braces[1]:اقتباس:
المشاركة الأصلية كتبت بواسطة ahmed.tv
يعنى عيوب التقفيل تتظبط فى التوكييييل لحد ما تبقى العربيه تمام
الالنترا مثلا نغير المساعدين بجاجه انشف...السيفيك نفس الكلام
يعنى اقصد اننا بنتكلم مع بعض لحد ما نتوصل لشىء كويس ومش مكلف
هو دة المنتدى
وطبعا كله بيحمد ربنا على نعمته
فعلا ده اللي انا اقصدهاقتباس:
المشاركة الأصلية كتبت بواسطة ahmed_nubira
وبالنسبة لموضوع الضمان انا من راي وعن نفسي مش هعمل حاجة في الكراسي لغاية ما الضمان يخلص وفي ناس مش بيهمها الضمان فعادي ممكن تجرب
اكيد طبعا معروف جدا دور المنتدى ودور قسمنا ودور مناقشتنا مع بعض والهدف منها المساعدة والمصلحة العامة وكيفية الوصول الى حلول لاى مشكلةاقتباس:
المشاركة الأصلية كتبت بواسطة ahmed_nubira
ولكن انا وجهة نظرى وكلامى نابع من حاجتين
الاولى
بسبب الاعضاء الجدد اللى بيدخلوا وبيقرا وبيفتكروا ان فى مشكلة فى الكنب وضيقة ضيق صعب
لان فى ناس مش بتابع المواضيع ولا حتى بتقرا المشاركات فى صفحة صفحة
فانا كلامى عشان الناس اللى مخنوقة ومضيقة من الموضوع ده وشايفاه انه عقدة فبوجه لهم الكلام ده وخصوصا اللى مقبل على الشراء حديثا
وجميل اننا نحاول ونخترع عشان نوصل الى راحتنا واستمروا على المناقشة والتفكير فى الموضوع
وبالعكس يمكن نوصل الى نتيجة
والحاجة التانية
ان الموضوع عاوز مجازفة من حد يجرب ويخترع ويوصل الى نتيجة بس يحط فى باله الضمان
لان هى دى النقطة المهمة "الضمان"
وانا عن نفسى كنت بحاول افكر بردوا عندى فى التيدا ولكن اللعب فى المجرة مثلا عندى حيتلكك عليه الضمان
فمستنى بعد الضمان لان يهمنى الضمان
خصوصا لما عرفت ان الكراسى تمنها غالى جدا وسمعت انه بيوصل الى 10 الاف
وعاوز اقولكم انى لما فكرت بالفعل للحل قبل كدا واجيب مجرة وهما فى التوكيل يعدلوها ويبدلوها مكان اللى راكبة
او هما يعدلوا اللى انا عاوزه من عندهم , فمحدش وافق
عشان بس اقولكم ان لو اى تعديل مش حيكون عن طريق التوكيل ولا حيدخلوا فى حاجة
حيكون بره وعاوز مخاطرة
وعلى العموم ربنا يوفقكم
واكيد قلبى وفكرى معاكم