الموضوع: قائمة سوداء باصحاب الورش والمراكز والمحلات في كافة مجالات السيارات

بنزينه التعاون اللى فى المطار توكيل فيات انا عربيتى فيات سيينا العربيه كانت لمبه الانجكشن منوره وبتقطع وبتنتش بعض الاصدقاء قالى على توكيل فيات اللى فى بنزينه التعاون فى المطار قولت اروح التوكيل هناك احسن من لعب الصنايعيه اول ما دخلت قابلونى كويس وقالولى العربيه فيها ايه فوصفت للمهندس المشكله وبدأ فى فحص العربيه بدون الكمبيوتر اول ما فتحت الكبوت قالى العربيه ده ولعت قبل كده وفضل يغير فى بعض الحساسات اللى فى الانجكشن ويجرب برضه اللمبه لسه منوره وفى الاخر قالى العربيه متغير لها الكنترول ومش بتاعها وعايزه كنترول جديد تمنه من 3500 الى 4000 جنيه غير ان العربيه هتفضل عندهم يومين يراجع على الضفيره كلها قولت له اكشف على العربيه على الكمبيوتر وبعدين نشوف ايه اللى هيتم قال معلش الكمبيوتر مش موجود دلوقتى وكمانمش هنضيع وقت فى الكشف بدون داعى المهم علشان مطولش عليكم اخدت العربيه وتانى يوم روحت لواحد ميكانيكى بره راح مغير حساس الكرنك وراجع على فيش الحساسات اكتشف فى سلك مقطوع من فيشه الحساس فى الانجكشن وصله والعربيه بقت زى الفل واللمبه طفت وكله تمام والموضوع كله مكملش تكلفه 400 جنيه حسبى الله ونعم الوكيل

انا كمان معايا مشكله مع تكنو بوش , انا تعرفت عليه عن طريق نايل موتورز واشتريت الستيكر من عنده كان ساعتها معايا كيا سيراتو
المشكله انهم على طول عندهم عماله ناقصه والصيانه الدوريه للعربيه الى المفروض تاخد ساعتبن تلاته ممكن تقعد فيها 8 ساعات . ومكان الانتظار مش مرتب ولا نظيف والناس الى فى البوفيه شكلهم غريب مره كانت ست وبنتها كده مش تمام ومره كانت عيال صغيره .

تانى مره كانت عربيتى الجولف بعد ماتشريتها واتركنت ق ماركنوها علشان تدخل دورها مع انها كانت اول واحده , نزلت للمهندس قابلنى بوش كشر وعمال يطلع القطط الفاطسه فى العربيه وان الدنيا كلها مشاكل ملهاش حل اسمه تامر , وبيحاول يستغفلنى بس لانى فاهم فى العربيات عرفت ارد عليه واحرجته ,

المهم العربيه اتصينت فى من 9 الصبح لحد 9 بالليل , فلاتر وبوجيهات وتيل وكارتيره زيت لكم ان تتخيلوا ولما تنضايقت وقفشت عليهم يقولى ماتستنى 8 ساعات ايه المشكله بمنتهى البرود

ودى هتبقى اخر مره اروح وسامحنى يا نايل موتورز
كمان المصنعيه غاليه اوى

يعنى فحص العربيه الزيرز مستويات و تيل ونظلفه 250 جنيه من غير ما يشتغل فى حاجه
تغيير يوجيهات وفلاتر وكارتيره وتيل 450 جنيه

انا معايا بلوه حصلتلي في مركز الصفا للكربراتير و حياه بنتي الغاليه مش بتجني عليهم بس اتسببولي في نص عمره و شايل العربيه من عندهم علي ونش حسبي الله و نعم الوكيل فيهم

السادة / شركة المهندس طارق اسماعيل للسيارات
تحية طيبة وبعد
مقدمه لسيادتكم / محمد هلال يحيى هلال تليفون رقم 01005336883
إنه بخصوص قيامي بالتعاقد مع فرع الطارق مول العرب (6 أكتوبر) وبعد قيامي بدفع مبلغ 19000 جنيه (فقط تسعة عشر ألف جنيها لا غير) لحجز السيارة المطلوبة ، فإني قمت بالاتصال برجل البيع عبد الونيس وقام بتحديد موعد لي أمس 20 - 7 - 2014 الساعة 11 صباحا وقد وصلت في الموعد المحدد ولم أجده فبدأت بالسؤال عن مدير المبيعات الموجود فقام أحدا بالرد علي أنه لم يصل بعد ولم نعرف متى يصل بل قام أحد أفراد البيع الموجودين بالتهكم علي وقال لي بالحرف الواحد (أنا مالي اتصل بيه انت) وبعد مرور أكثر من ساعة حول السؤال عن من المسئول عن تسليمي السيارة ظهر السيد / أحمد سويلم بوجهه العبوس وقال لي ادفع باقي الزمن في الخزينة أولا ً. سألت كيف يحدث هذا قبل معاينة السيارة وتسليم كافة محتوياتها لي والاستفسار عن كيفية استخدام الخصائص الموجودة بها بل وللأسف شاور لي من بعيد وقال (العربية هناك أهي برة روح اتفرج عليها وتعالى وذلك بمنتهى المهانة والاستهتار بي وبشخصي وكان لزاما ً عليه أن يقوم أحدا من صالة البيع بالتوجه معي ومصاحبتي للسيارة حتى أتمكن من معاينتها والاطمئنان على سلامة السيارة التي سوف أدفع فيها ما أملك. وبعد ذلك قام السيد / أحمد سويلم بالاتصال بالبائع عبد الونيس أمامي للتحدث سويا ً حول كيفية ترخيص السيارة من عدمه حيث أنه كان قد تم الاتفاق سابقا مع البائع على أن أحدا ً سوف يقوم بعمل اجراءات الترخيص كمندوب من الشركة وبدأ كل منهما التشاجر سويا ً عبر التليفون وذلك كان أمامي مما أفقدني الثقة والمصداقية في المكان ككل فقلت لهم أنني سأقوم بتقديم شكوى للمهندس طارق إسماعيل أروي فيها ما حدث فكان الكلام كله منصب حول (اعمل اللي انت عايزو وفلوسك أهي ولا يهمنا) وكأن هذا المكان بدون صاحب ولا رقيب ولا إدارة ليتحدث معها أي عميل يواجه مشكلة مع أحد أفراد المكان وحين بدأت اجراءات استرداد المبلغ المدفوع من تحت الحساب واجهت استهانة في المعاملة ولا مبالاه وقد تركت لأكثر من ساعتين إضافيتين دون أدنى اهتمام ومع أننا قد بدأنا في الاتصال بالسيدة أميرة مديرة مكتب المهندس طارق إلا أنهم استمروا في المعاملة السيئة لنا والاستمرار في التجاهل.
هذه الشكوى مقدمة منا وذلك لاستغرابنا واستنكارنا أنه مكان كبير كالطارق للسيارات يكون من بين جنباته هذه اللامبالاه وهذا الاستهتار من قبل هؤلاء الموظفين الذين لابد وأن يعلموا أن دخولهم وبيوتهم مفتوحة من هذه المؤسسة. فلا بد قبل التارجت والبيع والعمولات اسم المكان والحفاظ على سمعته. أما بالنسبة لي فلا توجد أي مشكلة، فبدلا من المعرض الواحد يوجد ألف معرض يحترمون عملائهم ويقدرون أوقاتهم ويراعون أدنى مستوى من اللياقة والحرفية في التعامل مع زبائنهم الحاليين والمستقبلين لأننا وبلا أدنى شك سوف نذيع ولو على حد ضيق على مستوى معارفنا وأصدقائنا وشبكة التواصل الالكترونية سوف نبلغ الجميع بما قابلناه من مستوى متدني من الخدمة والاحترام وهذا كله يسبق بكثير المنتج الذي سوف نحصل عليه.
ولكم جزيل الشكر
محمد هلال يحيى هلال
21-7-2014
01005336883