.......... تكملة للكلام لأنى نسيت أقول إن سحب البنزين ماتحسنش ولا زاد ولا نقص .. بس فى النهاية المحصلة كانت مصاريف على الأرض / مشاوير رايح جاى للمركز فى شوارع طويلة مدغدغة / يومين أجازة من الشغل على الفاضى / والحالة أسوأ بالنسبة للعربية
رقم العضوية : 52690
تاريخ التسجيل : 10Nov2009
المشاركات : 79
النوع : ذكر
الاقامة : Egypt
السيارة: OPTRA
السيارة[2]: Elantra
دراجة بخارية: No
الحالة :
أنا أؤيدك 100% لأنى رحت مركز الصفا (وياريتنى ما رحت ولا شوفتهم) أشتكى من سحب البنزين العالى فى دايو لانوس .. وقلتلهم قبل ما يفكوا أى حاجة فى العربية إن لو فى تغيير للرشاشات بأخرى إستيراد .. أروح بالعربية الأول أجيبها من الحرفيين لأنى عايز رشاشات البى إم m40 لأنى عرفت من خلال المنتدى ومن تجربة بعض الأعضاء إتها ممتازة مع اللانوس وبتوفر بنزين وكلهم جابوها بسعر 200 ج استيراد .. وبعد الكشف الظاهرى أكدولى إن العربية مش هتحتاج غير تنظيف للرشاشات بالألتراسونيك فقط .. إنتظرت دورى وبعد 3 ساعات بدأ الشغل فيها وفكوا الرشاشات والمسطرة وشوية حاجات تانية عبيطة كده !! وبعدين قالولى هتحتاج تغيير رشاشات !!!!!!!! ... قلتلهم طيب ما أنا قلتلكم من الأول الكلام ده وانتوا قولتولى مش محتاجة !!! ... ما علينا ، قالولى هنغيرها برشاشات أكسنت إستيراد محترمة ومتجربة وكل واحد فيهم متقاس على جهاز مش عارف اسمه إيه وحسسونى إنى هركب رشاشات جاجوار ... قلت ماشى بس أخلص من الهم ده
ركبوا الرشاشات وقفلوا الشغل وبيجربوا لقوا الرشاشات بايظة !!!!!!!!!!!!!!!!! .. يا حلااااااااوة
فكوا الدنيا تانى وقعدت ساعة كمان وبعدين ركبوا الرشاشات اللى بعدها وقالولى تمام بس لازم تغير بوجيهات وفلتر بنزين وفلتر هوا قبل ما تتحرك من عندنا وإلا نبقى مش مسؤولين عن تلف الرشاشات اللى ركبناها !!!!!!!! ولأن مفيش جنبهم حد بتاع قطع غيار إضطريت أوافق على أنواع غريبة بيركبوها من عندهم وعمرى ما سمعت عنها ولا شوفتها قبل كدة .. المصيبة التالية إنى رحت عشان أحاسب لقيت الحساب 700 ج بعد الواجب والتخفيض !!!!!!
المصيبة التالتة: الصنايعى بعد ما طفى العربية قفلها وساب المفتاح جواها والعربية عملت لوك زجاج وأبواب على المفتاح مع إنى كنت منبه على الموضوع ده لكل واحد بيقرب من العربية ، لكن بتكلم مين ؟؟ لا أذن تسمع ولا عقل يفهم !! وطبعا قالولى مفيش مشكله .. عندنا صنايعى ممكن يفتحهالك مش فاكر بصراحة إسمه بس بصراحة شكله كان عامل زى المساجين والأغرب إنهم قالولى روح إتكلم معاه إنت برغم إنه شغال فى المركز!!!
إتكلمت معاه كأنى بكلم نفسى وماردش عليا ولا حتى بص ناحيتى .. سبته شوية وبعدين إتكلمت تانى .. فراح زاغرلى وقاللى جملة واحدة "لما أخلص الشغل اللى فى إيدى هبقى أشوفها" .. الصراحة الأستاذ محمد صاحب المركز إستضافنى فى مكتبه وطلبلى قهوة وقعد يتكلم معايا حوالى ساعتين على بال ما البيه فتحلى العربية وجابولى المفتاح ... شكرت الراجل وأنا متغاظ واديت الصنايعى اللى فتحها ده 10ج بقشيش طبعا ده غير الـ 20ج البقشيش اللى دفعتها للصنايعى اللى اشتغل فى الرشاشات (مع إنهم معلقين يافطة مكتوب عليها: ممنوع الإكراميات) !!! .. واكتشفت إنه بوظلى الكارتيرة اللى ناحيتى لأنه قطمها عشان يوصل لضفيرة الكهربا ويعمل فيها قفلة تؤدى لفتح الأبواب!!! مشيت بالعربية بعد إجمالى حوالى 7 ساعات ومصاريف 730ج بعد ما جابولى سكر وقرحة وضغط ... المصيبة الرابعة: بعد الكلام ده بأسبوع رحت أعمل تشيك على الشغل عند الميكانيكى بتاعى اللى بتعامل معاه من سنين بعد ما لاحظت دخنة سودا بتتطلع من الشكمان .. حط العربية على الكومبيوتر وشغل وطفى وفحص العربية وبص على كل حاجة وبعدين قاللى الرشاشات دى خلع مش استيراد وسيئة ولازم ترجعلهم يغيروهالك (للعلم هما بيدوا ضمان سنة على الرشاشات .. طبعا إبقى قابلنى) وقاللى إن البوجيهات زفت وشالها وركب البوجيهات القديمة بتاعتى لأنها كويسة !! وكمان لقى فلتر البنزين مجهول الماركة واللى لسة راكب من أسبوع مكتوم .. طبعا رحت اشتريت فلتر بنزين وفلتر هوا تانى بدل الزبالة اللى ركبوهالى فى مركز الصفا .. تانى يوم رجعتلهم عشان يغيرولى الرشاشات بناء على الضمان السنة بتاعهم .. طبعا إستغربوا من كلامى وإن الرشاشات بتاعتهم سليمة ومافيهاش حاجة واللى أنا بقوله ده عبارة عن وساوس شيطانية والعياذ بالله !!!!!!!!!!!!!!!
فى الحقيقة طبعا زى ما كلنا عارفين .. مفيش حد محترم بيطول حاجة من منعدمى الضمير ولا بيعرف ياخد حقه ولا حتى بالخناق .. طول ماحنا فى بلد فيها جهاز حماية المستهلك مجرد رقم تليفون ، وطول ماحنا فى بلد شعارها "الشكوى لغير الله مذلة" ... وشكراً
رقم العضوية : 52690
تاريخ التسجيل : 10Nov2009
المشاركات : 79
النوع : ذكر
الاقامة : Egypt
السيارة: OPTRA
السيارة[2]: Elantra
دراجة بخارية: No
الحالة :
.......... تكملة للكلام لأنى نسيت أقول إن سحب البنزين ماتحسنش ولا زاد ولا نقص .. بس فى النهاية المحصلة كانت مصاريف على الأرض / مشاوير رايح جاى للمركز فى شوارع طويلة مدغدغة / يومين أجازة من الشغل على الفاضى / والحالة أسوأ بالنسبة للعربية
رقم العضوية : 117446
تاريخ التسجيل : 04Dec2011
المشاركات : 8
النوع : ذكر
الاقامة : UAE
السيارة: رينو داستر
السيارة[2]: فولكس بيتلز
دراجة بخارية: لا
الحالة :
النصب و لإحتيال هو الأسلوب الشائع في غالبية الورش ومراكز الإصلاح و الصيانة.. وأتعجب أخي.. إذا كان لديك ميكانيكي شاطر فلماذا ذهبت لهؤلاء الدجالين.. هذ إذا كان شاطر فعلا و.. أمين.. وغن نفسي فإني أتوجس من كل من يدعي أنه بيشتغل بالكومبيوتر.. ونحن أصلا لم نبارح مستوى العمل ب"المنفلة" في معظم نواح حياتنا.. الكمبوتر موجود شكلا فقط للوجاهة وفي معظم الأوقات عطلان.. وأخيرا.. أين مركز الصفا هذا ؟!
رقم العضوية : 164399
تاريخ التسجيل : 25Aug2014
المشاركات : 123
النوع : ذكر
الاقامة : القاهرة
السيارة: جراند فيتارا
السيارة[2]: جراند فيتارا
الحالة :
http://www.nilemotors.net/Nile/463111-a.html
يا جماعة كان في واحد في المنتدي بيشكر في الراجل ده
لكن اقسم بالله انه انسان غير امين
رقم العضوية : 134888
تاريخ التسجيل : 13Feb2013
المشاركات : 91
النوع : ذكر
الاقامة : cairo
السيارة: vw parati
السيارة[2]: ford fiesta
الحالة :
اصلا بنزينه التعاون بتاعه فيصل ده بتاخد حصه البنزين 80 و تحط عليه ماده بتجيبها م الصيني تغير لونه و يقوم يببعه علي انه 92 و اللهي زي مابقولك كده الكلام ده وصلني من شركه التعاون نفسها الي فيها ناس بتقبض شهريه من صاحب المحطه عشان يسيبوة يعمل الي هو عايزة الموضوع اصلا من واحد صاحبي كان ماسك حسابات المحطه فخلو بالكم منه
رقم العضوية : 31278
تاريخ التسجيل : 27Jan2009
المشاركات : 82
النوع : ذكر
الاقامة : مصر
السيارة: بروتن واجا
السيارة[2]: هيونادى نيو اكسنت
دراجة بخارية: لا
الحالة :
المكانيكى المتخصص فى الفلوكس عصام الى فى اخر شارع الهرم
انا لحد دلوقتى مستغرب ازاى هوه شغال فى التوكيل
كسرلى فبره ريداتير وهوه بيغير سير الكاتينه
معرفش يصلح عيب فى مأشر العربيه
لعبلى فى ايدل العبربيه وبوظه خالص وخلا صوت العربيه عالي
بجد نصيحه منى اياك وان حد يرحيه
رقم العضوية : 171162
تاريخ التسجيل : 26Jan2015
المشاركات : 44
النوع : ذكر
الاقامة : مصر
السيارة: لا
السيارة[2]: لادا
الحالة :
فى ميكانيكى فى مدينة عامر فى بولاق الدكرور اسمة مصطفى امام مقهى بجوار الورشة بتاعتة ورشة للموتوسيكلات الراجل دة معدوم الضمير خد العربية وكانت محتاجة صيانة بسيطة وقالى انة غير حاجات فيها وخد منى مبلغ كبير وبعدين حصل فيها عطل بعد اسبوع من الصيانة عندة وروحت لحد تانى اكتشفت انة مركبش الحاجات الى قال عليها والى ركب اخد اكتر من حقة كتير جدا يعنى كانت العربية محتاجة تغير طرمبة مية تمنها 80 جنية خد 280 نصيحة محدش يروح هناك
رقم العضوية : 132033
تاريخ التسجيل : 07Dec2012
المشاركات : 42
النوع : ذكر
الاقامة : القاهرة
السيارة: رينو19 -- رينو كليو2 هاتشباك
السيارة[2]: رينو 18
الحالة :
القائمة السوداء لاسوأ تجار قطع غيار الرينو اتعاملت معاهم للحذر من النصب عند التعامل معهم
1- تامر نصر وهو فى بورسعيد بنك الاسكان والحرفيين ببورسعيد
2- محروس واسم المحل رينو الوليد فى عين شمس ش6اكتوبر
3- احمد واسم المحل ابوعمر فى عين شمس الشارع الجديد
4- طارق اسم المحل الطارق فى عين شمس الشارع الجديد
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
خالد الميكانيكي في إسكندرية ..بمنطقة العجمي بشارع اللوادر أمام مستشفى الأمل بعد شارع البيطاش..الشارع على الشمال وإنت رايح على بوابة 8 ..وشهرت الميكانيكي أبو آيه ..إشتريت عربيه سوزوكي التو 2008 ..وبعد ما إشتريتها إكتشفت إن هي فيها جوان وش سلندر ..بتدخل زيت على المياه وكنت بلاقي طحينه في الريداتير ..كنت بتعامل معاه من أيام ما كان معايا 128 وكان ضبطها لي والله .....رحتله ..قالي العربيه مفيهاش حاجه وزي الفل ..وعشان نحكم إن هي فيها جوان فعلا لازم تسخن منك يعني المؤشر يعلى ..وقالي إن الطحينه اللي في الريداتير دي ممكن تكون رواسب لإن اللي قابلك كان عاملها جوان وش سلندر ومغسلش الريداتير ..بصراحه ..صدقته ..وقلت لنفسي دي أول مرة أركب عربيه حديثه وممكن يكون كلامه صح ..وفعلا ..مفيش تلات أيام سخنت مني وأنا ماشي في الشارع معايا مراتي وعيالي ..وبصرف النظر عن البهدله اللي إتبهدلتها يوميها ..وديتله العربية ..وإشتغل فيها ومسح الوش وحط جوان وربط وكله تمام ..العربية إسبوعين وجابت جوان وش سلندر تاني ..بصرف النظر عن التفاصيل وإن هي كانت بتضرب كاوتشات المياه ومكنتش عارف السبب رجعتله ..قالي نغير جوان وش السلندر تاني ..أنا عارف إن قمة الغباء إنك تعمل الشغل عن نفس الصنايعي اللي معرفش يعمله أصلا من أول مرة ..المهم ..عملت جوان وش سلندر تاني ..مشيت شهر ..جابت جوان وش سلندر تالت ..بس المره دي كانت بتدخل كبس المحرك على دورة المياه فكانت المياه تروح القربه وتسيب الريداتير وكانت طبعا بتسخن جدا ..قعدت أسأل ناس والف على ميكانيكية وكل واحد أحكيله قصتي ..كنت عامل زي اللي عنده مرض وبيلف على الدكاتره ..كنت أطلع من شغلي ألف على الميكانيكية أحكيهلم ..وطبعا مكنتش بقدر أمشي بيها عشان بتسخن مني من خمس دقائق مشي ..وكنت راكنها تحت البيت زي الطوبه ..ما بمشيش بيها أصلا ..وبدأت أفكر جديا إني أعمل إعلان عشان أبيعها وأكتب في الإعلان ..السيارة بحاجه لمحرك ..بل وممكن أكون عملتلها إعلان على كونتاكت وناسي ..وخصوصا بعد ما بدأت أسمع من الصنايعية إن كده البلوك عندك فيه مشكلة ..وإن هي فعلا محتاجه مكنه ..بحكي لصديق ليا المشكلة ..قالي عندي ميكانيكي باشا ..بإذن الله ربنا يجعل الحل في إيده ..رحت للميكانيكي ده وجكيتله على المشكلة ..وطبعا قعدت عشر أيام على ما عرفت أدخل العربيه عنده الورشة عشان ما شاء الله عليه الورشه بتاعته مش بتفضى أصلا ..وبعد ما الميكانيكي قالي هات العربيه وبإذن الله هناخد فيها قرار ونشوف فيها إيه قلتله طيب العربية لو مشيت خمس دقائق بس بتسخن وما عرفش أمشي بيها ..أجيبها على كساحه ..قالي لأ ..هوي غطا الريداتير شوية ..يعني تخليه منفس ..وإمشي بيها عادي ..وهي إنشاء الله مش هتلحق تسخن ..وخصوصا إن المسافة بيني وبين الميكانيكي ده كانت تلت ساعة مشي بالعربيه ..أو تزيد شوية ..وفعلا رحت للميكانيكي ده ..وبعد ما فك غطا التاكيهات قالي أنا شاكك في حاجه ..قلتله إيه ..قالي ثواني كده ..راح جاب مفتاح ولقيته بيربط على مسامير وش السلندر ..وكانت المفاجأة الكبرى ...وش السلندر مش مربوط أصلا ..والراجل قعد يربط في مسامير الوش كأنه لسه مركبه ..والمسمار الواحد كان بيلف معاه لفه وإثتين وتلاتة ..والغريبه إن العربية الله أكبر ..إتضبطت من يوميها ..لا حرارة ولاطحينه
اللي مخليني أقول إن خالد الميكانيكي مش محترم وإن كل همه الفلوس إيه ؟؟؟
إن لما كانت العربيه بتسخن مني كنت أقوله يا خالد يمكن الوش عايز يتربط عليه أو يتحرق عليه بعد كده ..أنا أسمع إن وش السلندر بيتحرق عليه بعد التركيب بفترة ...يقولي لالالالالالالالالالالا..ال مكنه عندك صغيره وتلاتة سلندر وما ينفعش نحرق عليه .هي آخرها كده ..طيب يا خالد هي بتجيب جوان ليه ..يقولي معرفش ..في عندك مشكلة في عداد الحرارة ..أقوله طيب يا خالد نفك غطا التاكيهات ونعيد على الورش رباط .نطمن بس .يقولي لالالالالالالالالالا..هي كده تمام ..الوش ما يتبربطش أكتر من كده ..إكتشفت بقى بيني وبين نفسي كده إن ده ميكانيكي ملوش في ا لعربيات الصغيره ..وإنه واخد الشغلة دي بالدراع وواخدها عافيه ..ونظام أي حاجه في أي بتاع وخلاص ..وأهو الزبون بيدفع ..الله يسامحه بقى ..كان هيبيعني عربيتي اللي مكانتش كملت معايا 50 يوم على بعض ..وبخسارة كبيره كمان ..ده غير حرقة الدم والعكننه
--------
m_m_sh_a سابقا
المفضلات