الموضوع: قائمة سوداء باصحاب الورش والمراكز والمحلات في كافة مجالات السيارات

موضوع رائع جدا للاستفادة يا استاذ كريم
انا بقي اتعاملت مع كهربائية كتيير في ش دمشق لكن اسؤهم واحد اسمه الشرقاوي عند ابراهيم
بصراحة مش عارف اقول ايه
كنت بركب لمبات للفوانيس و كام شريط ليد اكتر من ساعة و نص عشان اركبهم
تيجي عربية بي ام يروحلها و يعمله اللي هو عايزه يا عم خلصنا هنا الأول
يجي ظابط يجري يعملوا لمبته يا عم خلصني بقي عايز امشي و بعدها أصل عايز سلك و عايز مش عارف ايه و بعدها محتار يركبها ازاي و مش عارف انهي سلك
تييجي عربية كبيرة في داهية الشغل اللي في ايده ايه يا عم احنا مش بني ادميين و لا لازم اجيلك بهامر يعني
و شديت معاه في الكلام و خلاص جبت اخري منه
و في الاخر يبعت عيل و لا عارف ازاي يركب اللمبة بتاعت الفانوس حتي
و في الاخر طلعلي شغل زي الزفت و العتب اللي بيركب كبس عندي مبقاش ثابت

و ابراهيم ده كان زمان عنده كهربائي اسمه محمد بجد صنايعي محترم جدا و عنده ضمير و كنت دايما اروحله يعملي اي شغل كهرباء انا عايزه و شغله كان عالي اوي و مياخدش في ايديه دقايق و اي حاجة تضر العربية كان بيقول عليها و مكنش طماع في المصنعية حتي و في الاخر طفش

و كله كوم و محل ابراهيم ده كوم اولا تعامل زي الزفت حتي سلام عليكم مش بيردوها لازم الواحد يكررها مرتين تلاتة عشان يرد و يرد بقرف كمان و يتعاملوا مع الشخص كأنه شغال عندهم و هو اللي محتاجهم
مفيش غير واحد في بعض الاحيان بيقف هناك دقنه بيضا و طويلة اوي تقريبا اسمه الشيخ احمد و الله ما فاكر هو الوحيد اللي لقيته هناك بيتعامل باحترام و كويس لكن الباقيين لأ
بطلت اجيب حاجة من عنده حتي لو هيدهاني ببلاش الله الغني
حتي2 صحابي اول ما عرفته قولتلهم عليه راحوا من اول معاملة قرفوا
صاحبي اشتري من عنده علامة ليد بتاعت لانسر فكان عايز يركبها في نفس الوقت الكهربائي اللي هناك قاله لا تعالي بكرة عشان الشغل كتيير المهم جيه تاني يوم الكهربائي قعد يهوله فيها و لا هتبوظ الصاج و لازم اخرملك و اعملك و
الضفيرة تبوظ و رجعها و عامله من البحر طحينة و حاسسه ان العربية هتنفجر لو ركبه
شكله و الله اعلم مكنش عايز يشتغل الواد طبعا خاف ع العربية ديه لسه جايبها جيه عشان يرجعها قاله لأ مفيش حاجة ترجع قاله جربها طيب انا لسه واخدها امبارح و الكهربائي اللي قالي برده لأ قاله طب ابدلها بحاجة تانية برده مفيش فايدة حاول معاه بكل الطرق و طبعا بالرد كان بالرفض و بقرف

و صاحبي التاني راح بس عشان يسأل ع التفييم
دوخوه يروح للي واقف جوة يقوله اسأل ده يروح لده يقوله دور ع مش عارف مين برة
يروح برة يقوله اسالهم جوة تكلف كام يدخل جوه يقولوه دور ع مش عارف مين بيفييم عربية برة يروح يساله العربية تكلف كام تفييم يقوله استني لما اخلص العربية اللي في ايدي الأول لسه قدامي حوالي نص ساعة و بيساله
بس العربية تكلف كام يعني الواد يقف نص ساعة عقبال ما البشمهندس يخلص تفييم و بعدين يقوله تتكلف كام
يا حلاوة يا ولاد ع الاساتذة اللي بيتنططوا علي الناس عشان بس بيعرف يحط فيميه اومال لو مهندس بجد كان عمل ايه ؟و لا اللي جوة مش عارفين التفييم يتكلف كام ؟