رقم العضوية : 77361
تاريخ التسجيل : 09Aug2010
المشاركات : 79
النوع : ذكر
الاقامة : المنصورة
السيارة: شاهين
السيارة[2]: نوبيرا
الحالة :
السلام عليكم شباب احب انقل تجربتي الاولي مع محل اسمة ابو نازل جانب سور المحطة بالمنصورة
حبيت اركب في السيارة بتاعتي جرس اللي هو بيشتغل مع الاشارات ومع الانتظار نزلت المنصورة علشان اشترية
رحت لمحل اسمة الجزار انا جربتة قبل كدا ومعاملتة كويسة علشان اشتري جرس وكمان حلية للجنوط المهم رحت بس لم اجد عندة الجرس رحت لمحل بعدة حوالي عشرين متر محل مكتوب علية ابو نازل وكان معايا والدي المهم سالتة عندك جرس اللي بيشتغل مع الاشارات قالي موجود في نوعين حاجة اسمها زنان وسعرة 15 جنية وحاجة اسمها جرس وسعرة 35 جنية قولت له هاتلي ابو 35 جنية دخل المحل حوالي خمس دقائق ومجبش حاجة قولت له فين الجرس قالي بعت اجيبه من المخزن انتظرت ربع ساعة قولت له طالما هيتاخر اجيلك بكرة قالي مينفعش امال انا بعت الواد لية قولت له هو انا قولت لك ابعت حد المهم انتظرت وجة الواد وجاب الجرس المهم قالي سعرة 15 جنية قولت له يعني نفس صوت ابو 35 ولا في فرق قالي نفسة خدتة ومشيت رحت اركبة الكهربائي قالي ده مش جرس ده بيعمل صفارة بس وكمان جربة مشتغلش خدت السيارة ونزلت المنصورة تاني ورحت له قلت له ياعم الجهاز مش شغال قالي ماليش دعوة انا مجربة مع ان الجرس كان في ورقة ومبتبرشم قلت له جربة انت كدا قالي انا غير مسئول وكدا قولت له ياعم دي اول مرة اتعامل معاك عيب كدا وانا بالنسبة ليا مش فارقة الفلوس بس اللي مضايقني انه كمان مش بايع لي جرس زي ماقال لي المهم دخل وجاب واحد وقالي اهو شغال وحاجتي سليمة وخد الجرس اللي انت بوظته قلت له ياعم سيبك من اللي باظ ا بس جرب لي واحد وانا هاشترية منك جاب لي واحد قالي ده شغال قولت له سمعني صوته مش عاوز يسمعني صوته المهم الححت عليه شغله صوته كدا عامل زي الموبايل الصيني بتاع الاطفال قولت له يعني هو ده الجرس اللي انا اتفقت عليه معاك قالي هو كدا هوا انا دخلت جواه قولت له ياعم خلي معاملتك حلوة مع الناس قالي انا ماليش دعوة باللي باظ انا مش واخدة اخر لما زهقت معاه قولتله ياعم انا عضو في نايل موتورز ومش عاوز احط اسمك في القايمة السوداء والناس تعرف اسلوبك اللي مش كويس قالي انا ميهمنش حد وانا اسمي سعيد وكدا يعني قلت له وانا قات لك الموضوع مش موضوع جرس بايظ الموضوع اسلوب يكون حلو وضمير وخدت منه الجرس مقطع الاسلاك منه ورميتة في الارض ودست علية في الارض وكسرتة وكدا نفست عن نفسي وده اللي حصل وربنا اللي يعلم وعذرا طولت علي حضراتكم
احمد
رقم العضوية : 4491
تاريخ التسجيل : 19Jan2008
المشاركات : 2,738
النوع : ذكر
الاقامة : Mansoura
السيارة: ----------
السيارة[2]: Excel 1300
دراجة بخارية: ------------
الحالة :
رقم العضوية : 52690
تاريخ التسجيل : 10Nov2009
المشاركات : 79
النوع : ذكر
الاقامة : Egypt
السيارة: OPTRA
السيارة[2]: Elantra
دراجة بخارية: No
الحالة :
عن تجربة شخصية (الله شاهدى على كل ما أقوله) – أنا كان معايا إلانترا 2005 كاملة أوتوماتيك بس بعتها خلاص ولكن للأمانة كانت عربية جميلة جدا - وأنا هحكى تجربتى معاها عشان الإستفادة العامة لكل أحبائى من أعضاء المنتدى – والحكاية بدأت لما الفتيس الأوتوماتيك بتاعها حياته انتهت فجأة وأنا فى منطقة نائية ، وبعد ما اتصلت بالتوكيل وقالولى هاتها عشان نصلح الفتيس ، رفعتها على ونش ووديتها أبو رواش وهناك قالولى هنشوف فيه إيه وهنتصل بيك بكرة – وتانى يوم المهندس كلمنى وقاللى للأسف مش هنعرف نصلحه ولازم تركب واحد جديد وسعره 25 ألف جنيه !!!
وطبعا حاولت معاه إنهم يصلحوه حتى لو كتبتله إقرار إن تصليحه على مسئوليتى الشخصية ولكنهم رفضوا وقالوا ماينفعش ولازم واحد جديد عشان سمعة الوكيل !!!
الأغرب إنه ماكانش قدامى إختيارات – يا إما أدفع 25 ألف عشان الفتيس فى عربية تساوى بالكتير أوى 70 ألف يا إما أشيلها على ونش تانى وآخدها برة التوكيل ومالهومش دعوة.
وفعلا شيلتها على ونش تانى وحطولى الفتيس القديم متفكك حتت بالزيت بتاعه فى شنطة العربية بمنتهى الإهمال مع فاتورة بـ 660 جنيه تمن فك الفتيس!! وكمان اكتشفت إن العربية اتسرق منها حاجات قيمة كانت موجودة فى تابلوه العربية ولما اشتكيت قالولى إنهم معلقين يافطة فى مدخل التوكيل بعدم مسئولية التوكيل عن محتويات السيارة !!!
وطبعا عشان غبور محتكر قطع غياره إضطريت أشترى فتيس استيراد من الحرفيين من محل (الدوينى) لصاحبه "حمادة الدوينى" سامحه الله ، لأنى عرفت بعد كدة ان التاجر ده بيجيب قطع غيار خردة من الوكالة ويبيعها فى الحرفيين على إنها إستيراد - والميكانيكى بعد ما ركبه إكتشف إنه فتيس خردة مش إستيراد وتالف تماما ولما اتصلت بالدوينى قاللى هات العربية عندى فى الحرفيين على ونش لتالت مرة ونغيره بواحد تانى وبعد ما وديتها مالقيتوش وقعد يحدفنى بالتليفون من تاجر لتاجر وبعدين قاللى فك الفتيس وهاته وخد فلوسه وهو دة اللى ليك عندى! بعد ما كان واعدنى ساعة الشراء وعد شرف إنه هيتحمل الفك والتركيب والنقل لو الفتيس فيه أدنى مشكلة وأنا ماتضايقتش من إنه رجع فى كلامه قد ما اتضايقت من أسلوب الكلام اللى كان أسوأ من أسلوب الحوارى بشوية وأخيرا لقيت فتيس كويس عند تاجر تانى بـ 1800 جنيه وركبته واشتغل كويس بعد ما صرفت إجمالى 4300 جنيه ( تمن الفتيس + 3 أوناش + 3 مرات تغيير زيت أوتوماتيك + مصنعية توكيل + مصنعية ميكانيكى فك وتركيب مرتين + تاكسيات + نثريات أخرى).
ملحوظة: أنا اكتشفت كمان بالصدفة صدق كلام الميكانيكى لما قاللى إن الدوينى بتاع الحرفيين بيجيب قطع الغيار خردة من الوكالة وبيبيعها فى محله فى الحرفيين على إنها إستيراد لأنى شوفته بنفسى بيحمل قطع الغيار الخردة على عربيات سوزوكى من الوكالة وعرفت إنه بيروح يجيب الخردة دى كل يوم إثنين من كل أسبوع.
وأنا هنا حكيت تجربتى للإستفادة وعشان غيرى مايقعش فى نفس المقلب اللى أنا شربته وأرجو إن الأعضاء يوضحولنا برده أى تجارب ليهم مع التجار المحترمين عشان الكل يستفيد ويقدروا يعرفوا بسهولة ممكن يشتروا من مين ويبعدوا عن مين.
رقم العضوية : 107014
تاريخ التسجيل : 08Jul2011
المشاركات : 36
النوع : ذكر
الاقامة : EGYPT
السيارة: OCTAVIA
السيارة[2]: TOYOTA COROLLA
الحالة :
السلام عليكم ....
احب ان اضيف الى القائمه توكيل عقل والله عملت عنده اول صيانه لاسكودا فانتازيا حسيت انى راكب سياره 90
المهم كنت عاوز اعلى العربيه علاها بس بقت ناشفه جداً وبسمع خبط فى المساعدين وكان عاوز يغير زيت totalوانا مبحطوش فى فيات وشغلوا مثبت السرعه طلعت بالعربيه من عندهم عطل تانى
رقم العضوية : 83895
تاريخ التسجيل : 20Dec2010
المشاركات : 108
النوع : ذكر
الاقامة : Cairo
السيارة: Fluance
السيارة[2]: Lancer
دراجة بخارية: no
الحالة :
بنزينة شل الهرم الى جنب الخزان ...رحت اظبط ضغط العجل قبل ماسافر..العامل قالى العجلة اليمين امامى مريحة (العجل كلة كان تمام قبل مادخل البنزينة) المهم قالى فية 4 اخرام(مافيش ولا مسمار ولا ازاز ولا اى حاجة )قلتلة ازاى, قالى اكيد كنت راكن على حاجة...حسيت انة نصاب, سبتة ورحت لواحد تانى قالى على الى حصل و الكلام الى التانى قالوا بالضبط و قالى ..وانت مش واخد بالك بيروخ خارم الكاوتش الىقدام يمين علشان يبقى بعيد عن عنيك و انت جوة العربية ويجى يكشف تلاقى الاخرام قدام عنيك...رحت رايح على مديرالمحطة و حكيت له قالى اصل الكاوتش مأجر مش تبع المحطة, رحت رايح على الى ماسك الكاوتش حكيت له قالى معلش واحنا هانحاسبة....ومعملش حاجة ,انا ناوىابعت ل شل مصر شكوى...بس يا جماعة كل واحد لازم يخلى بالة و يبقى شايف الصنايعى بيعمل اية
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 57406
تاريخ التسجيل : 30Dec2009
المشاركات : 305
النوع : ذكر
الاقامة : Eygpt
السيارة: ....................
السيارة[2]: هيونداى النترا 2005
دراجة بخارية: ........................
الحالة :
اشرف اوبل اللى فى شارع الجيش....اسوأ مركز صيانة اوبل فى مصر كلها....اولا غالى جدا فى اسعاره...ثانيا مش امين نهائى وشوفته بعينى بيفك موتور عربية مفيهوش اى حاجة ولا اى مشاكل عشان يعمل شغل زى ماالصبيان اللى عنده قالولى....وكمان بيركب حاجات خلع وحاجات مضروبة على انها اصلية او استيراد باسعار عالية قوى..وده عن سابق تعامل معاه
رقم العضوية : 52685
تاريخ التسجيل : 10Nov2009
المشاركات : 9
النوع : ذكر
الاقامة : benha
السيارة: none
السيارة[2]: nissan sunny
دراجة بخارية: لا يوجد
الحالة :
انا مهندس معماري من بنها -قررت اشتري سيارة زيرو و استقريت علي النيسان صني 2011 و دفعت مقدم 20 الف جنيه مقدم و قسطت الباقي علي خمس سنوات مع البنك الاهلي و اشتريت السيارة من معرض نيسان اوتو ايجيبت في المهندسين
دفعت المقدم يوم 10/يناير2011 و استلمت السيارة يوم 11 الساعه 8 صباحا و كان معايا مندوب المعرض علشان هنروح نرخص العربية في بنها
لما ادوني ورق العربيه سالت الناس في المعرض انا هروح ارخص العربية في بنها في مشكلة اني امشي من غير نمر . قاللولي مفيش مشكله خالص معاك ورق العربية و محضر الاستلام و مندوب المعرض و لو فيه اي مشكله او حد وقفك او كلمك وريله الورق هيسيبك علي طول و مفيش مانع تحليله بقه و صدقتهم و اخدت العربية و مشيت ...
خرجت بالعربية من المهندسين و طلعت كوبير اكتوبر و معرفتش انزل كورنيش فنزلت نزلت شارع رمسيس فعلقني السيد مساعد وزير الادخلية مدير امن القاهرة اللواء اسماعيل الشاعر و امر الرجاله بتوعه يجيبو الواد ابو عربية من غير نمر ده ...
طبعا تحاول تكلم مين او تفهم مين انا طبعا احتسبت و توكلت علي الله و قولت مطرح مترسي هدقلها بس اللي حصل انهم عملولي محضر سير بدون لوحات و اخدو العربية مني و حطوها في وحدة مرور معروف و اخدوني علي قسم الازبكية و لما الظابط عرف ظروفي امر الامين انه يخلص المحضر و يوديني نيابه صباحية بدل ما ادخل الحجز . و تم ترحيلي علي نيابه العتبة مقيدا بالكلبشات و لم تفك من يدي الا امام وكيل النيابه الذي امر بغرامه 600جنيه و هي الحد الادني و قالي لازم مكنتش تخرج من المعرض الا مرخص العربية او مركب نمر تجاريه او مؤقته ولما قلتله اني سالت وقولتله اللي قاللولي عليه قالي الكلام ده غلط و عدم علمي بالقانون لا يعفيني من العقوبة . وامر بالافراج عني بعد دفع الغرامه بس رجعو لبسوني الكلبشات مرة تانيه لحد ما ادفع الغرامة و يصدر قرار الافراج عني رسميا و ده حصل بعد حوالي 3 ساعات و طلع ان قرار النيابه لازم يتنفز من القسم فرجعت لقسم الازبيكية و كانو هيلففوني كعب داير برضه لولا الظابط افتكرني و قالهم كفايه كده افرجو عنه و ادوله جواب للعربيه علشان يفرجو عنها في مرور معروف.
كان الساعة بقت حوالي 2:30 تقريبا و جريت علي مرور معروف بسرعه بس دخول الحمام مش زي خروجه . قالولي لابد من اتباع اجرائات الافراج اولا نعمل فحص للسيارة و نبعته يعتمد من نيابه العتبة ثم نرسله لمرور الدراسه و عملت كده و لما وصلت مرو ر الدراسه كانت الساعة بقت 3:45 و الباشوات هناك كانو مشيو و قالولي فوت علينا بكرة و انا طبعا لسا ماسك اعصابي مش عارف ازاي و رجعت مرور معروف اطمن علي العربية و امن حراستها و اظبط الناس هناك لان الناس خوفتني ان العربية لو باتت هناك ممكن تتقلب بس مدير وحدة الحجز كان ظابط محترم و طمني و قالي متخفشي خلص اجرائاتك و تعالي استلمها .
تاني يوم روحت مرور الدراسه من الصبح معايا الفحص و ورق العربية و المستندات كلها اول حاجه طلعو عنيا علي ما قدرو ضريبة العربية و فهموني انها هتضيع عليا لانها مش في المرور اللي هرخص فيه و دي حوالي 340 جنيه و بعد التخفيض لما عرفو ظروفي و صلوها 200 جنيه بس لاني هدفع ضريبه في مرور بنها تاني لما اجي ارخص العربيه . و بعد ما دفعت بعتو الورق كله للمباحث يتاكدو لتكون العربية مسروقه او ان يكون عليا انا شخصيا احكام و خلافه و بعد كده ادوني شهاده افراج اسلمها للناس في مرور معروف و ده كان حوالي الساعه 12:30 وصلت مرور معروف و قابلني مندوب المعرض و معاه نمر تجاريه لانهم قالولنا هناك العربية مش ممكن تخرج من هنا من غير نمر و شهاده افراج . الحمد لله خلصت و خرجت من عندهم الساعة 1:45 و مندوب المعرض كان عازني ارجع العربية المعرض و نروح نرخصها تاني يوم الصبح فرفضت و قولتله يقابلني في بنها تاني يوم علشان انا هروح بيها بنها دلوقتي .
اليوم التالت بدء الحمد لله كويس و رخصت العربية و خلصت الساعه حوالي 12:30 بعد ماطلع عيني و فعلا دفعت الضريبة تاني في بنها .و مندوب المعرض اخدد ورق البنك و صورة الرخصة و النمر التجارية بعد ما ركبت النمر الجديدة .
لما فقت و ارتحت و كلمت المعرض و حاولت افهمهم ان دي غلطتهم حلقولي و قالولي معلشي اصل حظك انت اللي وحش و دي قرف لمؤخذه و كلام فارغ من ده و احنا بقالنا ستمئاة قرن بنبيع عربيات عمر ده محصل مع حد من زبائنهم و علشان متزعلتش و تبقي مبسوط ادوني غطي عربيه و دوسات وسينسور باك عرفت بعدين انهم بيدوهم هديه للعربيات اللي بتتباع كاش ....
كلمت جمعية حماية المستهلك ...ايدك منهم و الارض ملهومشي ايتها لازمة معملوش حاجه مرة رجعو الشكوي لعدم الاختصاص و مرة لاني انا اللي غلطان و المفروض معملشي كده تاني...
كلمت نيسان الشركة و المصنع اعتذرولي اعتذار رقيق و قالولي ان ده متعارف عليه و كلام مفهمتوش تقريبا لاني مكنتش مهيا اسمع غير انهم غلطانين ...
الخلاصه :
1- السير بون لوحات جريمة يعاقب عليها القانون حتي في هذه الحاله ولابد من تركيب لوحات تجارية او مؤقته و لايوجد استثنائات و عرفت ان فيه معارض كتيرة مبتخرجشي العربيات من غير لوحات لحد ماتترخص او يرخصولك هما العربية نظير رسوم و بالمرة لابد من نزع الاستيكر الابيض من علي العربية قبل الخروج من المعرض لان السير بها تغيير ملامح السيارة و ده طبعا في حاله الحوادث و خلافه
2 لابد من تشريع يحمي المستهلك او يعرفه بالقانون قبل استلامه السيارة لان مش كل الناس بتشتري سيارة زيرو كل يوم ..
3-من يعوضني عن كمية المصاريف و الوقت حوالي 2500ج و ثلاثة ايام عمل
4و من يعوضني عن الاضرار المعنوية فقد لبست الكلبشات لاول مرة في حياتي لاني اشتريت سيارةجديدة زيرو
5- لو كان ده عرف تسليم السيارات من المسئول عن التعسف معي في استخدام القانون بدون استعمال روح القانون
6- مازلت عند رايي ان المعرض لو اعلمني بانه علي استاجار لوحات او طالبوني بمبلغ نظير استخدام لوحاتهم لفعلت او كنت اخذت السيارة علي مسئوليتي لكن هم لم يفعلو بل ضللوني سواء عن جهل او عن علم و تلك مسئولياتهم تجاة العميل التي انكروووووها تماما و انا غير متقبل اعتذارهم او انكارهم للجريمة في حقي كعميل ...
....اسف للاطاله بس لو مكنتش حكيت كنت هطق ...برجاء الافادة و التعليق و اتخاذ مايلزم
م اسامة عبدالفتاح حسن عفيفي 0123311963 بنها قليوبيه
http://www.nilemotors.net/Nile/245927-a.html
رقم العضوية : 40901
تاريخ التسجيل : 23May2009
المشاركات : 109
النوع : ذكر
الاقامة : القاهرة
السيارة: بيجو 307 SW
السيارة[2]: LOGAN BLACK LINE
دراجة بخارية: no
الحالة :
يا جماعة كالمعتاد فى فتيسات هونداى فيرنا والنترا القديم والماتركس الأتوماتيك
فتيس سيارتى الفيرنا باظ
حاولت اصلاحه فى ورشة متخصصة اصلا فى اصلاح فتسيسات فقط
الحقيقة بعد شهر من المحاولات والتباديل والتوافيق فيما يخص او لا يخص الفتيس
لم يستطع اصلاحه للأسف مع طبعا شوية تقليب فى المشتريات والفلوس وبوظ اشياء اخرى فى السيارة
نصيحة بالبعد تماما عن هذه الورشة وحاليا يوميا خناقات مع العملاء اقصد الضحايا مثلى
أسم الورشة المروان والميكانيكى المسئول على وأبنه حسين
العنوان خلف قسم ثان مدينة نصر فى الشارع اللى على ناصيته بروست
امام القهوة محل مرسوم عليه جهاز تحديد الأعطال
طبعا العربية اقصد حقل التجارب بايظة ومرمية تحت البيت حاليا بعد ما صرفت عليها حوالى 2500 جنيه فى محاولات فاشلة مع هذا الشخص
الذى بالكتير يغير طقم بوجيهات
وحسبى الله ونعم الوكيل
التعديل الأخير تم بواسطة aymansami ; 18-09-2011 الساعة 11:53 PM سبب آخر: أضافة
رقم العضوية : 25723
تاريخ التسجيل : 20Nov2008
المشاركات : 268
النوع : ذكر
الاقامة : مدينة نصر الحي الثامن
السيارة: دايهاتسو
السيارة[2]: دايهاتسو
الحالة :
أنا بقالي كتير معملتش مداخلات وسامحوني وبالأخص ملاك الدايهاتسو
بحب أحذر أصحاب السيارات وبالأخص رواد شارع جسر السويس وقبل شارع أحمد عصمت في محطة بنزين موبيل بيسرقوا في عدد اللترات يعني لما تطلب عشرين تلاقي عدد اللترات 15 لتر مثلا وحصلت معايا مرتين وربنا يستر علينا وعليكم
المفضلات