قائمة سوداء باصحاب الورش والمراكز والمحلات في كافة مجالات السيارات

**BEBO0O** · 19-02-2012 05:34 PM

الفكره جامده جداً بس الاسهل نعمل قائمه بالصنيعيه الشطار والكويسين
لانهم ممكن يعملو حوالى 15 اسم فى مصر كلها
لان الصنايعى الشاطر سايبها للصبيان
والغبى بيبوظ العربيه زياده وممكن يخلى الواحد يعمل كارثه
والمتوسط بيكون مش فاضى غير لسرقه العربيه ممكن فوطه ممكن شوية بنزين يجى حوالى 20 لتر بيشفطهم من التانك مفتاح عده مرمى فى الشنطه
واللى هو مستشيخ ومابيسرقش بيبقى تنك جداً وفاكر انه كل الناس وحشه وهو بس اللى حلو
ياااااه ده الواحد مرارته مفقوعه وانت صحيت المواجع

**ramamiro** · 03-03-2012 06:02 PM

في المنصورة عند ميدان ام كلثوم امام بنزينة موبل واحد ميكانيكي مبيفهمش اي حاجة في البطيخ اسمة ميمي الزفتاوي ودتلة العربية اغير بوجيهات و كانت عملة 35000 الي ان سير الكتنة مشدود اوي و لازم يترخة شوية و اعد يلعب في المكنة لحد لما لمبة الانشكشن نورت و بعدين الي كدة العربية تمام جيت اجرب العربية لاي مفيش سحب خالص و من الاخر هو كان عاوز يمشيني من عندة و خلاص لانة كان عاوز يمشيني المهم وديت العربية التوكيل صفرت 3000 جنية لانة بوظ سير الكتينة و البلية وحساس الفلف و ترس الكامة و لما خليت المهندس في الشركة يكلمة الي الراجل دة حمار و مش فاهم اي حاجة في الدنيا و دة رقم تليفونة 01006157122و طبعان انا مسيفة الحمار

**benmatar** · 05-03-2012 02:56 PM

مركز الجيزة لخدمة البيجو أول شارع الهرم، يتم تركيب أجزاء مستعملة بدل الجديدة، وما خفي كان أعظم من كذب وغش، وكان لي وقفة مع السيد المهندس عندما تسائل عن هجومي عليهم بالمنتدى وبعد ردي عليه لم أجد تفسيرا أو دفاعا أو ردا واحدا منه، فحسبي الله ونعم الوكيل فيهم...

**almoez** · 06-03-2012 10:00 PM

ليا تجربه عرضتها هنا من فترة مع مركز المصريين لتجديد السيارات

عموما الصور اتكلمت في الموضوع

المركز دا بعد ماكتبت تجربتي علي الانترنت بقي بيعلن عن المركز باسامي تانيه غير اسم المصريين علي سبيل المثال : الجياز موتورز

علي العموم دا عنوانه:

المركز فى المعادى قبل عمارات صقر قريش من طريف الاستيراد

الفرع الرئيسى فى وسط البلد عابدين

الارقام:

01003607635

01118474484

موضوعي:

http://www.nilemotors.net/Nile/270139-a.html

**minded** · 09-03-2012 04:45 PM

يا ريت نتكلم علي الصنايعية والمراكز الكويسة بردو

**hesham79** · 24-03-2012 09:08 PM

الموضوع فكرته ممتازة بس للأسف مع تعدد صفحاته مش هيكون متاح لأغلب الاعضاء والزوار التعرف على كل اصحاب القايمة السوداء
ولحل المشكلة دي ممكن الادارة تعمل جدول في بداية الصفحة وتقول ان دول اصحاب القايمة السوداء بناء على رأي الاعضاء ودون أي دخل أو مسئولية لادارة الموقع

المهم انا بقى هضيف مرشح جديد لاعضاء قائمة معدومي الضمير
للاسف انا مش فاكر اسم المحل بس ممكن أوصفه
محل اطارات في شارع فيصل الرئيسي عند محطة الكوم الاخضر ( بعد بشبش ) قبل كوبري المريوطية وانت رايح على الرماية بحوالي 400 متر
انا كنت ماشي بعربيتي في الشارع ولقيت واحد بيشاورلي على الكاوتش ( تقريبا متفق مع المحل ) انا لسه هركن لقيت محل كاوتش قدامي قلت اركن عنده واشوف فيه ايه لقيت الفردة مريحة شويه
لسه بكلمه راح حاطط صابون على الفردة وقالي مخرومة واستغل انشغالي مع المدام والاولاد اللي معايا في العربية وراح نازل خوابير في فردة الكاوتش ( وطبعا مش هقدر اكلم ولا اعمل مشاكل قدامهم خصوصا في ظروف البلد المنيلة دي )، قلتله انت بتعمل ايه وقف لقيت ابن النصابة بيقولي دول 5 اخرام ولسه فاضل قلتله انا مش عاوز اعمل حاجة قالي الخرم ب 10 جنيه ادفع 50 جنيه، دفعت ومشيت ووديت الفردة لواحد تاني ثقة قالي الفردة دي باظت

يعني مش يكتفي انه خد فلوسك بدون وجه حق لأ ده كمان بوظلك فردة الكاوتش ووقف حالك تاني يوم وخلاني انزل الاستبن اللي مكانش لمس الارض قبل كده ودلوقتي عاوز اجيب فردة بريدجستون وسعرها فوق 600 جنيه

**A7MED_PHARMA** · 06-04-2012 07:54 AM

الاسطى سمـــــــــــــيـــــــــ ر الميكانيكي .. النكاريه- الزقازيق
اول طريق الزقازيق - ميت غمر

اول ايام ركبت فيها عربيات..العربية كان صوتها عالي
عديت عليه بناءا على توصية زوج أختي الله يرحمه .. قالي العربية عاوزة عمرة
قلت هو أدرى بشغله ..مع إنها ماكانتش بتجيب دخان ابيض ولا ازرق ولا اي حاجة
عمل عمرة
وغير عمود الكرنك فيها (؟؟؟؟) وكلفت عليا اكتر من 3000 ج
وطلب مصنعية 600 ج (أيامها كان اجدع صنايعي في الزقازيق بياخد 350 ج مصنعية العمرة وده الي عرفته بعد كده ) لكن طبعا كانت اول مرة اعمل عمرة .. فماكنتش عارف الاسعار ايه
الاتفاق كان على 3 ايام شغل و2 يوم تليين
الــ 5 أيام .. قلبوا بـــ 15 يوم

خلصت العربية

الصوت هو هو هو بدون تغيير ..لسه عااااااااااااااالي
روحت أكلمه وأقوله ياعمنا الصوت عالي .. قالي انا مالي يابيه انا ليا اني عملت العمرة وماليش دعوة بصوت العربية
اقوله...يعني هو انا الي قولت انها محتاجة عمرة..انا قولتلك العربية صوتها عالي ..إنت قولت عاوزة عمرة علشان الصوت يروح..ترجع دلوقتي تقولي وانا مالي صوتها عالي ولا لا
بعدها بشهر العربية كانت مع اخويا الصغير..سير الكاتينة اتقطع(إلي المفروض كان متركب جديد مع العمرة)
ارجعله
يقولي وانا مالي يابيه ان السير اتقطع
اوريله السير الي اتقطع..واقوله وحياة $%$%$@ ده سير لسه راكب من شهر ؟
السير كان مهري ومتاكل

......................... بعد المشكلة دي
روحت لميكانيكي تاني..قالي تغير بس عمود التاكيهات
غيرته وصوت المكنة اتعدل بعد ماعملت عمرة تانية بسبب قطع سير الكاتينة

حسبي الله ونعم الوكيل فيه .. غرمني أكتر من 6000 ج على الموتور

ربنا يحرق قلبه زي ماحرق قلبي ايامها

**A7MED_PHARMA** · 06-04-2012 08:03 AM

السيد الكهربائي - شارع المنصورة المتفرح من شارع المحكمة - ميت غمر

فكيت الفوانيس وديتها ليه..علشان يفكها وينضفها من جوه
فكها ونضفها .. وقفلها
بعدها بيومين .. وش الفانوس اتخلع من جسم الفانوس
البيه كان لاحمه بسيليكون من بتاع المواتير ..فك على طول ومانضفش مكان السيليكون القديم
وحسبي الله ونعم الوكيل فيه بوظلي الفانوسين الديبو الامريكي كنت جايبهم استيراد بــ 550 ج

احمد الكهربائي - المعاهدة - ميت غمر

ده بقا قصته معايا قصة
التلاكس كان فاصل مرة .. وكنت مستعجل اووووووووي علشان كنت مسافر اسكندرية ومفيش تلاكس في العربية
سبتله العربية ووروحت شربت قهوة في جراند كافيه
ورجعت
قالي ركبتلك ايه ومش عارف ايه وايه وايه اصل ايه كان بايظ وغيرته
وأخد 100 ج

يدوبك طلعت بالعربية من ميت غمر..بلف الدركسيون جامد في شارع ضيق
التلاكس فصل تاني
فكيت التارة..لقيت سلك مدلدل ..عملته واشتغل تاني لحد دلوقتي
وحسبي الله ونعم الوكيل في الــ 100 ج