الموضوع: قائمة سوداء باصحاب الورش والمراكز والمحلات في كافة مجالات السيارات

المشاركة الأصلية كتبت بواسطة ahm_fa2002

السلام عليكم شباب احب انقل تجربتي الاولي مع محل اسمة ابو نازل جانب سور المحطة بالمنصورة
حبيت اركب في السيارة بتاعتي جرس اللي هو بيشتغل مع الاشارات ومع الانتظار نزلت المنصورة علشان اشترية
رحت لمحل اسمة الجزار انا جربتة قبل كدا ومعاملتة كويسة علشان اشتري جرس وكمان حلية للجنوط المهم رحت بس لم اجد عندة الجرس رحت لمحل بعدة حوالي عشرين متر محل مكتوب علية ابو نازل وكان معايا والدي المهم سالتة عندك جرس اللي بيشتغل مع الاشارات قالي موجود في نوعين حاجة اسمها زنان وسعرة 15 جنية وحاجة اسمها جرس وسعرة 35 جنية قولت له هاتلي ابو 35 جنية دخل المحل حوالي خمس دقائق ومجبش حاجة قولت له فين الجرس قالي بعت اجيبه من المخزن انتظرت ربع ساعة قولت له طالما هيتاخر اجيلك بكرة قالي مينفعش امال انا بعت الواد لية قولت له هو انا قولت لك ابعت حد المهم انتظرت وجة الواد وجاب الجرس المهم قالي سعرة 15 جنية قولت له يعني نفس صوت ابو 35 ولا في فرق قالي نفسة خدتة ومشيت رحت اركبة الكهربائي قالي ده مش جرس ده بيعمل صفارة بس وكمان جربة مشتغلش خدت السيارة ونزلت المنصورة تاني ورحت له قلت له ياعم الجهاز مش شغال قالي ماليش دعوة انا مجربة مع ان الجرس كان في ورقة ومبتبرشم قلت له جربة انت كدا قالي انا غير مسئول وكدا قولت له ياعم دي اول مرة اتعامل معاك عيب كدا وانا بالنسبة ليا مش فارقة الفلوس بس اللي مضايقني انه كمان مش بايع لي جرس زي ماقال لي المهم دخل وجاب واحد وقالي اهو شغال وحاجتي سليمة وخد الجرس اللي انت بوظته قلت له ياعم سيبك من اللي باظ ا بس جرب لي واحد وانا هاشترية منك جاب لي واحد قالي ده شغال قولت له سمعني صوته مش عاوز يسمعني صوته المهم الححت عليه شغله صوته كدا عامل زي الموبايل الصيني بتاع الاطفال قولت له يعني هو ده الجرس اللي انا اتفقت عليه معاك قالي هو كدا هوا انا دخلت جواه قولت له ياعم خلي معاملتك حلوة مع الناس قالي انا ماليش دعوة باللي باظ انا مش واخدة اخر لما زهقت معاه قولتله ياعم انا عضو في نايل موتورز ومش عاوز احط اسمك في القايمة السوداء والناس تعرف اسلوبك اللي مش كويس قالي انا ميهمنش حد وانا اسمي سعيد وكدا يعني قلت له وانا قات لك الموضوع مش موضوع جرس بايظ الموضوع اسلوب يكون حلو وضمير وخدت منه الجرس مقطع الاسلاك منه ورميتة في الارض ودست علية في الارض وكسرتة وكدا نفست عن نفسي وده اللي حصل وربنا اللي يعلم وعذرا طولت علي حضراتكم
احمد

انا كريم من المنصورة وبيحصل كتير معايا الحركات دى بس مش بسكت بفضل وراة بالزوق واخر ما بزهق واحس انى اتنصب عليا باخد اى حاجة قدامى وامشى ودا حقى مدام انت عايز تشتغلنى لاء يا سيدى انا اصيع منك المهم انا هعمل بنصيحتك ومش هاجيب حاجة من عند ابو نازل دا ابدا واكيد هقول لكل الناس الى اعرفها انو حرامى ونصاب وفعلا الجزار ارحم النصابين هوا حرامى بردة بس مش زى الباقيين والى اوسخ من كل دول هادى الفلاح والى العن منهم المكاوى بتاع الالمانى يا باى المنطة دى بجد كلها حرامية ونصابين

أحذر جميع الأعضاء من تركيب أفلام العازل الحرارى المسماة sun tek والتى يقوم بتركيبها أحد أعضاء المنتدى وفنى معاه من المنتدى برضه
هما كانوا بيركبوه لوحدهم لغاية أول السنة وبعدين نقلوا لمركز عامل اعلان معانا
أنا ماعرفش حاجة عن المركز وماتعاملتش معاه لكن اتعاملت مع الاتنين وركبوا لى عازل مالوش لزمة ب 1300 جنيه واتهرب منى بحجة انه عيان يوم التركيب عشان مايجيبش جهاز قياس الأشعة جوه العربية وبعت لى واحد من طرفه ياخد الفلوس بعد 3 ساعات وبرضه مابعتش معاه الجهاز ولما كلمته بعد كام يوم أشتكى ان مافيش فرق قاللى أى كلام و اتهرب من القياس برضه وبعدها مابقاش يرد على تليفونى خالص