الموضوع: قائمة سوداء باصحاب الورش والمراكز والمحلات في كافة مجالات السيارات

انا برده لسه خارج من تجربة .... اشتريت تيل فرامل أمامى من محل اسمه :
سامى هلال لقطع غيار السيارات
60 ش دمشق - ميدان الجامع - مصرالجديدة
ت : 22572227

للأسف التيل طلع مغشوش ولما حبيت ارجعه مرضيش طبعا وطلعنى غلطان وقللى مفيش حاجه اسمها تيل مغشوش ..
حسبى الله ونعم الوكيل فيهم

المشاركة الأصلية كتبت بواسطة rompo6

في طنطا في واحد اسمه عادل اوبل عند قاعه المماليك حسبي الله ونعم الوكيل فيه خلاني اغير فتيس لعربيتي الاسترا بدوا اي داعي وكل حاجه يقولك غيرها غيرها واكيد طبعا متفق مع ناس وليه نسبه وحامد اخو حسام اوبل بجد الاسعار عنده زياده 100في100

دي حصلت معايا بس عند واحد تحت كوبري الطريق الزراعي مصر اسكندرية في عربية اوبل فيكترا انا من اسكندرية مش من طنطا فانا مش عارف اسم المكان بس هوا كان واحد عندة كمان قطع غيار مستعملة ودوخني علي فتيس لغاية مرحت لواحد في حتة اسمها علي ما اظن السلخانة اسمة تقريبا حسام اوبل قلي دا مش فتيس دي مجرد رجلاش وفعلا اتظبت الفيتيس من غير تغيير بس المعلم الاولاني كان عايز يلبسني فتيس من عندة

كان عندى عربية فولكس بيتلز كانت عايزة عمره رحت لواحد اسمه محمد الفار ميكانيكى فولكس فى الحي السابع فى مدينة نصر عملى العمرة بعد ماعمل البحر طحينه وان هو أحسن ميكانيكى فولكس فى مص المهم الراجل ده ياجماعة لازم يعمل مصلحة على الزبون فى قطع غيار يقول انه عمل حاجات وياخد مصنعية وهو ما عملهاش ده غير انه طلع صنايعى تعبان ومالوش غير فى تغيير تيل فرامل او تركيب طقم كهربا يعنى الحاجات الخفيفة لكن شغل كبير اتضح لى ان هو مش أده المهم خدت منه العربية بعد مااتكلفت الشىء الفلانى عمرة موتور كاملة ومافيش اسبوع وانا بلين لقيت العربية صوتها مش مظبط ولمبة الزيت بتنور وبتدخن ازرق قمت رايح لميكانيكى فولكس تانى فى الهرم مشهور راح فاتح الموتور ادامى وورانى الشغل الزبالة اللىىكان محمد الفار عامله والله كان فى حاجات فى الفارغة اللى هو جسم الماتور لقيته لازقها بدل مايغيرها المهم اضطريت اراجع على شغل العمره تانى ودفعت مبلغ محترم فى العمره ديه واتضح لى ان محمد الفار ده ميكانيكى جاهل ومالوش فى الصنعه غير ان زمته واسعه وما بيراعيش ربنا فى شغله واراجل ده ياجماعه فاتح ورشة فولكس فى الشارع الواسع اللى عند مساكن السوايسة فى الحى السابع مدينة نصر

تجربتى استمرت فتره مع واحد اسمه أحمد جادو لصيانة المرسيدس

مركز أحمد جادو أمام القريه الفرعونيه شارع البحر الاعظم فى الجيزه

موقعه ممتاز جدا وظاهر لان يقف امامه عربيات مرسيدس كتير ملفته للنظر

الاستاذ احمد جادو بعمل حاجه ممتازه

يبيع لك قطعة الغيار من المحل بتاعه و التركيب شبه مجانا

يعنى تخيل تغير دسك و اسطوانة دبرياج مرسيدس زلموكه ب خمسين جنيه فقط مصنعيه المهم انك تشترى من المحل بتاعه اللى هو جوار الورشه

لحد كده و ممتاز لكن ندخل فى المصيبه الكبرى

ان قطع الغيار عنده اغلبها غير اصليه و معفنه و زفت

و اغلب الصنايعيه عنده عباره عن عيال نصهم مش عارف حاجه و النص التانى بيتعلم فيك

صلح لك حاجه تكون النتيجه حاجه من اتنين

الاولى انه ترجع تصلح فيها تانى و تالت

الثانيه ان يبوظ حاجه تانيه بدلها

و انا لى معه تجارب كثيره و ما اتذكره منها الحالتين الاتيين

الاولى تغير بستم دبرياش علوى

اشتريته من عنده و التركيب طبعا و لا حاجه

و بعد شهرين خرب البستم و اصبح الدبرياش لا يعمل

التاينه تغير فلنشة كردان

الفلنشه تمنها 300 جينه

و بعد شهرين تلاته انقطعت لانها طبعا غير اصليه و رديئه جدا

انصح بعد التعامل معه فى شراء قطع غيار جديده

ممكن لو مستعمل بالضمان و المعاينه و التاكد من سلامة القطعه انما جديد لا و الف لا

و ايض

احب احذر الاعضاء من مركز تكنو وان بفيصل لصيانه السيارات وهو متخصص في البروتون
انا كنت عملت حادث بالعربيه شغلهم في السمكره كويس بس ال finishing
وحش جدا ده غير انهم بيخربو حاجات انا عندي واجا خرب فيها مرايه اماميه يمين بالاضافه الى سلك السنتر الخلفي يمين ده غير منظر السياره من الداخل بالاضافه لمشاكل بالكهرباء في السياره وعندهم كهربائي اسمه وحيد حرامي جدا في اسعاره بالله عليكم كان بيركبلي لمض في الفانوس الامامي ٤ لمبات وعايز ياخد ١٥٠ جنيه اترك ليكم الحكم ،والله على مااقول شهيد