قائمة سوداء باصحاب الورش والمراكز والمحلات في كافة مجالات السيارات
السلام عليكم ورحمه الله
الموضوع ده هايكون قائمة مثبتة لكافة المحلات واورش ومراكز الخدمة والصيانة ومحلات قطع الغيار في كل المجالات لغاية مانبدء نعمل فهارس فرعية منه لكل نشاط على حدة
عشان نعرف السيء وخاصة بعد ورود اكثر من شكوى منه
رجاء تحري الدقة عند كتابة اسم احد لعدم ظلم احد
ومرحبا باي صاحب نشاط تجاري يحاول ازالة ما فعله وتغييرة للافضل
تحياتي
كريم منير
مدير الموقع
........................................*
يرجي كتابه اسم الورشه/المركز/الصنايعي
عنوان الورشه
الموقف الذي حدث
ورجاء عدم كتابه اي كلام خارج سياق الموضوع لسهوله البحث في الموضوع
مشرف 14 ب
مركز تكنو بوش بالحرفييين قلة الضمير
اسوأ مكان ممكن اروحة و لن اذهب هناك تانى فى حياتى
انا حاحكى لكم ملخص لتجربتى الوحيدة معاهم و اقسم بالله انى لا اتجنى و ازيد عليهم فى شىء و اقسم بالله انى اقول الحقيقة
انا كنت شاري فورد مونديو جيا و بعد ما ركبتها شوية فكرت فى بيعها لان مصروفاتها كانت اكبر من امكانياتى و غير متعود عليها مقارنة باليابانى اللى انا اصلا باحبة
و عندما عرضت السيارة للبيع اتصل بي شخص يريد الشراء و طلب منى ان يذهب للكشف عليها فاخبرتة بان يكشف عليها فى اى مكان يرغب فية
و اتفقنا على موعد و تقابلنا و ذهبنا هناك ( مركز تكنو بوش) و هناك وجدت اسوا ما يمكن وصفة فى فحص السيارة التى هى اصلا مملوكة لى و ليست ملكهم حيث فوجئت ب 5 افراد يكادوا يمزقوا السيارة بمجرد دخولها حيث فكوا كاوتش الابواب و الشنطة و كسر الكلبسات التى تربط فرش الشنطة من الداخل و نزع الفرش بالكامل و بدات الجولات و الحوارات و النقاش الساخن بينهم بان السيارة دى مقلوبة و الاخر يقول لا و اللى يقول انها مغيرة سقف و التانى يقولوا لا و اللى يقول دى مغيرة ابواب و راشة دواخل و ابواب و الاخر يقولوا لا
تخيلوا كل هذة الحوارات امام المشترى ؟؟؟؟؟؟؟؟؟؟؟؟؟؟؟؟؟
و تخيلوا مدى احساسى بلالم و الندم الذى اصبت بة و انا اسمع هذا الهراء و الجهل و الفهلوة عن سيارتى ملكى اللى انا راكبها و اعلم تمام اليقين انها سليمة 100 %
الى ان حسمت النقاش بحزم و ادب و اعتذرت للمشترى عن اضاعة الوقت و انى لا يعجبنى الكلام دة و لن اشترك فى هذا الهزل مع شوية صنايعية جهلة و اخذت سيارتى المفكوكة التى تم تشريحها و خرجت بها من المركز و انا امر باسواء حالاتى النفسية و باسأل نفسى ان دة عمرة ما كان طريقة فحص او كشف
و ركبت كاوتش ابواب سيارتى و فرش الشنطة بدون الكلبسات اللى اتكسرت و رحت اشتريت غيرهم و جة بعد كدة صاحب النصيب اللى فحص العربية باحترام و تاكد من حالتها و اتباعت و فرحان بيها لحد دلوقتى
بس فى النهاية انا خرجت من عندهم و حلفت انى عمرى ما حاتعامل معاهم ابدا لانهم خلونى وصلت لاسوأ حالاتى النفسية لنى عمرى ما شت الطريقة دى و لا سمعت عنها
و لما راجعت اللى حصل افتكرت ان فيهم واحد كان عندة عربية فورد زيها و اخد الراجل اللى كان عايز يشترى عربيتى و فرجة على عربيتة فكدة انا فهمت انهم كانوا بيفطسوا عربيتى علشان مصلحتهم
حسبى الله و نعم الوكيل فى كل اللى معنوش ضمير
و الله على ما اقول شهيد