مواصفات سيراتو sx وكيل 2011 ب118,000

**hazem89** · 22-08-2010 02:43 AM

انا روحت النهارده عند الطارق فى كارفور اسكندريه قالى ان سيراتو 2011 لسه جايه و ممكن استلمها فى خلال اسبوعين

انا كنت عاوز استفسر بس سيراتو sx بقت ب جنط 16 بدل 17 بس ولا غيروا حاجات تانيا فيها(سمعت تكيف التاتش شالوه) ؟؟؟

مفتاح سيراتو sx نفس مفتاح ex؟

تنصحونى ب ايه ex ولا sx ؟؟

انا بصراحه عرفت قيمت ل ABS لما عملت حادث ب اوبل كورسا موديل 2005 على منزل كوبرى العربيه قعدت تزحف و انا شايف العربيه رايحه تخبط العربيه الى قدامى مكنش قدامى فرصه يا اخبط العربيه الى قدامى يطلع بره الكوبرى بس بصراحه انا مكنتش بجرى انا كنت ماشى على 40-50 كم بس الفرامل مساعدتنيش خالص العربيه زحفت كتير قبل مخبط عشان على منزل كوبرى مش عارف لو كان فى ABS كان ايه الى حيحصل (قدر الله و ماشاء فعل) معلش دوشتكو بمشكلتى
بس انا بستفسر عشان مغلطش نفس الغلطه و اجيب عربيه فيها ABS

يا ريت تنصحونى

**Deshahcoka** · 22-08-2010 03:05 AM

باشا معلش ممكن اسألك سؤال و اتعبك !

هل الطارق قالك حيسلمك في خلال اسبوعين ب 118 مفيش اوفر بريس ؟

**hazem89** · 22-08-2010 03:14 AM

ايوه انا اتاكدت منه قالى لا مفيش اوفر برايس استغربت برضو بس قالى هو جالو كميات كبيره مش عارف حاسس انو بيشتغلنى

**Deshahcoka** · 22-08-2010 03:51 AM

انا بصراحة مش مستريح لانوا كان ايام ما اشتريت عندوا كميات كبيرة اوي و انا اشيتريت ال sx 2010 ب 116 و عليها 6 اوفر بريس و استلمت على طول مش عارف بيقلك ازاي من غير اوفر بس لو كدة ربنا يوفقك و يباركلك يا باشا :)

ال abs مفيد جداً متفكرش لاز العربي يكون فيها

بالنسبة للمفتاح اعتقد ال ex مفيهاش رموت و ان شاء الله الاعضاء يأكدولك برضه :)

فعلاً سمعت انهم خلوها جنط 16 و تاكيب بكر ! و ده يعتبر انهم نزلوها من فئة sx للي قبلها في 2010

**m_m_k_z** · 22-08-2010 11:07 AM

لا ياباشا ال اي اكس اللي معايا فيها ريموت بس منفصل عن المفتاح انا شريها من شهر ونصف من فور برزرز ناس محترمة اوي اوي اوي
ممكن تتصل بيه واسأل عندوا لو قلك نفس الكلام ان ال اس اكس ب ١١٨ يبقي الطارق مش بيشتغلك لان الكلام دة بينزل للناس كلها مش معرض بعينوا طالما دي وكيل فسأل في كذا معرض وشوف الدنيا ماشية ازاي