التكاتك دي بتخنق منها
بس من فتره كنت في شارع عز الدين عمر في الهرم ومعايا المدرعه بتاعتي( عربيتي الفولكس)
والاقي واحد طالع بتوكتوك يكسر عليا افتكرني هخاف كسرت عليه لبست في صندوق الزباله الحديد الكبير ده
وكملت مشي ولا اكني عملت حاجه
عرض للطباعة
التكاتك دي بتخنق منها
بس من فتره كنت في شارع عز الدين عمر في الهرم ومعايا المدرعه بتاعتي( عربيتي الفولكس)
والاقي واحد طالع بتوكتوك يكسر عليا افتكرني هخاف كسرت عليه لبست في صندوق الزباله الحديد الكبير ده
وكملت مشي ولا اكني عملت حاجه
كنت مااشي في امبابه وكنت داخل علي تقاطع وكان فيه توكتوك كان جااي بسرعه كان داخل برده التقاطع دخلت فيه وقلبته ومشيت ولا كاني عملت حاجه والحمد لله العربيه محصلهاش حاجه وقبلها باسبوع عيل من بتوع الدليفيري كنت ماشي في شارعنا وهو كان طالع من شارع جانبي راح دخل فيا وكسرلي الاكصدام الي قدام من الجنب وخد شتيمه وضرب للصبح
المفروض يعملو بعثات للسائقين المصريين للأستفادة من الخبرات الهندية في القيادة(الألعاب السحرية)
YouTube - India Driving
ماهم ماشين زي الفل ولاحد بيخبط في حد !........طالما مش عارفين نطبق النظام والقوانين المرورية يبقي نتعلم الفوضي المنظمة وعجبي
وده علشان سائقي التكتك والعجل يحسنو خبراتهم
YouTube - Reading By The Roundabout, Watch Out
ادي ميزة العربيات ال 4*4
عرفتوا لية الناس بتحب تركب جيب في مصر
مش بس علشان المطبات و انما علشان الموتوسيكلات و التكتك و النص نقل و الميكروباصات
العيب مش في الموتوسيكلات الصيني و لا في التوك توك
العيب في الناس اللي سايقة
الناس اللي ماعندهاش اي ثقافة مرورية و زمان كانوا يقولوا آداب السواقة
النهاردة بلطجه السواقة
جيت على الجرح ... أول الأسبوع اللى فات موتوسيكلين فى نفس اليوم دخلوا فى الأكصدام من ورا ... وقالولى معلش يا بيه أأصل .. ومأدرك .. وكلام من ده ، ومنزلتش ليهم .
ولما روحت ملاقتشى حاجة فى الأكصدام والحمد لله .
حضرني موقف حصللي من اكتر من سنة بخصوص الموضوع دة
كنت في المقطم بالليل و رايح لواحد صاحبي في شارع متفرع من شارع 9, شارع مكسر و كلة مطبات كعادة الشوارع دي
كان الوقت اول الليل حوالي اذان العشاء
دخلت الشارع ومش باجري طبعاَ و بعد شوية جاي في وشي موتوسيكل و بيجري و عمال يقلب نور في وشي تقريبا مركب زينون ازرق ابن .... انا رحت مقلبلة نور في وشة بقوة و ربما بفوانيس الشبورة الكبيرة برضة هو متسنتر في وشي و مش عاوز يبطل تقليب و لا ياخد جنب
انا كل اللي عملتة اني وقفت مكاني و لقيتة برضة مش عايز يهدي و لا يوسع و راح الموتوسيكل لابس في الاكصدام و الدفندر الستانلس و اللي راكب راح ناطط عالارض على جنبة , هو تقريبا قفز قبل الموتوسيكل ما يلبس في العربية من الخوف
الواد بقى نازل جايلي رحت شاخط فية انت عبيط يالة !!! اية اللي انت بتعملة دة ماتمسك جنب بدل النور اللي انت فرحان بية دة !!! لقيتة راح زي المرعوب راجع الموتوسيكل و عادلة و مشي
و لغاية دلوقتي انا مش فاهم هو لية اساسا عمال يقلب في وشي و متسنتر في نص الشارع و مش عايز ياخد يمينة, اي نعم انا كمان عندت معاه و فضلت في نص الشارع و مالزقتش يمين للأخر علشان كان فية حفر , بس على شمالي كان مكان يعدية بالادب من غير الهيصة اللي عملها دي
انا بقى كان اخرها يوم التلات كنت مودية ماما للدكتور وكنت راجعة وماشيه فى امان الله فى الحارة اللى فى النص وفجأة بدون اى مقدمات موتوسيكل كان فى اليمين ماشى عادى قطع عليا الطريق بسرعة اصله افتكرانه عاوز يدخل فى الملف الشمال من غير اشارات ولا كلاكس ولا اى حاجه طب مالو عاوز يدخل الترن مكنش فى الحارة الشمال ليه!!!!!
والمصيبه بعد ده كله وبعد مالفرامل سمعت الشارع والحمد لله انه مطيرليش الفانوس لانى وقفت والفانوس تقريبا لامس الموتوسيكل طبعا اتعصبت ولو كان طير الفانوس مكنتش سبته مش عشان الفانوس لا عشان اعلمه الادب زعقت وبقوله ينفع كده مبتفهمش!!!
المصيبة انه كان بيضحك اوى ومبسوط:POINTIy2[2]:
:I_angr1[1]: طبعا ده موقف من مواقف كتير اوى
يارب اصحى الصبح الاقى الموتوسيكلات والكارو والنص نقل اختفوا