يا شباب دي طلعت طبة المياه اللي في الماتور وعشان تتغير لازم نفك المانفول والكربراتير والفرن بتاع الشكمان هل الكلام دة صحيح؟؟؟
عرض للطباعة
يا شباب دي طلعت طبة المياه اللي في الماتور وعشان تتغير لازم نفك المانفول والكربراتير والفرن بتاع الشكمان هل الكلام دة صحيح؟؟؟
والله هيا حسب الحاله .. في ناس تجيب روسي وتقوللك ده الافضل . ده طبعا لانه عاش معاهم .. وناس تقولك التركي وناس تقول الايطالي واللي يقولك الالماني ..... بس كل في الاخر بيرجع للصناعة الجيدة او الرديئة .. ومافيش شك طبعاً ان قطع الغيار كلها اصبحت رديئة الصنع .. سواء روسي او ايطالي ..........الخ ....................منذر
ملحوظة : هذه وجهه نظر وتعبر عن رأي الشخصي
انا كان عندى نفس العيب بالضبط وفعلا لازم نشيل الفرن والكبراتير وهكذا علاشان نوصل للطبة المياة وتتغير وفعلا غيرتها وهى عبارة عن طبة لاتتعدى ثمنها 3 جنيهات والمكنيكى اخذ 50 جنية
وكانت بتنزل مياة بشدة ومكنتش عارف امشى لان العربية اصبحت من غير مياة
بس الى اكتشفتة بعد التغير وحابب انى انصح بة انه يمكن ان هذة الطبة تتلحم بمادة تلحم الحديد وهى عبارة عن انبوبتين ويخلطوا ببعض وتضع هذة المادة على الجزء الى بيسرب مياة طبعا بعد ان يكون السيارة من غير مياة خالص علاشان المادة تنشف وعلى فكرة هذة الطبة عبارة عن ثلاثة طبات اثنين فوق المارش مباشرتا وواحدة تقدر توصلها باصابعك
شوف المادة دى ممكن تلاقيها عند اى حد بتاع قطع غيار
هى فعلا افضل من اللحام بس انا كان قصدى انك لو كنت مشغول وعاوز تعمل كام مشوار فى خلال مدة شهر مثلا
انا عملتها معايا اثناء سفر وكانت مشكلة بالنسبة لى
يعنى انا كنت بقول للاخوة لو فرض وعملتها مع اى حد وكان فى سفر او مشوار بعيد عن المكانيكى يكون دة حل وقتى يمكن ان تستمر معة لمدة المشوار او حتى مدة اسبوع بس هى لازم تتغير فى كل الاحوال
ممكن تفيدنا هى اتكلفت كام معاك وكانت اى طبة بالضبط من الثلاثة وهل المكانيكى ابدى ملاحظة على الطبيتين الاخريتين
لان انا بشوف طالما واحدة حصل بها صداء اكيد الاثنين الاخريتين تقريبا عمرهم اقرب وهل ممكن يعطوا اشارة زى المياة تنقط مش عارف
و اللحام اكيد هتفيد فى وقت زى دة لو كنا على سفر او فى مشوار بعيد بس التغير بالتاكيد افضل انا معك فى هذا
دة كان يوم حد وانا بوصل واحد صحبي مشوار ومستنيه لقيت العربية بتنقط مياه بس خفيفة قلت أكيد الريداتير اتخرم وبما انه يوم أحد يبقي أروح وفعلا تاني يوم لقيت العربية الصبح مفهاش نقطة مياه قمت مزود الصبح وماشي رحت الشغل ولما خلصت زودت بتاع 2 لتر مياه ورحت للميكانيكي قالي دي طبة مياه ولازم نفك........... عاوز كام قالي 50 جنية قلت يبقي اروح للميكانيكي بتاعي وكان الكلام دة بليل ومععندوش نور قلت له الصبح قالي لا نشتغل بالبرادوس قلت طيب تكلفني كام قالي 20 جنية قلت له توكل علي الله ,فكينا الحاجة لقيناها الطبة اللي من ناحية خرطوم التكييف المهم المعلم دخل الطبة جوة الماتور وقالي خلاص احنا نركب عليها طبعا بصيت له كدة قلت له لو حتفك وش السلندر لازم تطلع المهم قعد يعوج فيها لغاية ما طلعت خدتها ورحت جبت واحدة ورجعت ركب كله تمامم بس طبعا لما بروح للميكانيكي لازم اطلع بمشكلة وهي الدينامو سلكه حصل فيه مشكلة رحت لكهرباء ركب سلك في ثانية خد 5 جنية وروحت وبقي الوضع تمام الحمد لله
منصحكش تلحمها لأنها انتمونيا وغالبا اللحام هيفك
اتخرمت مني من 3 اسابيع ولحمتها ارنديد لكن كل ما أسئل حد يقولي غيرها
جبتها اسباني ب 100 وركبتها ب 20