الموضوع: شالوا مصر يا رجالة !!!!!

المشاركة الأصلية كتبت بواسطة aaet1

مش ممكن يكون السوق المصرى مش مهم والدليل العربيات الكيا وخصوصا السيراتو والكارينز اللى متباعة فى السوق المصرى سواء من ناحية الوكيل أو من الخليج ودى أكيد حاسبينها .. الناس دى مش بتهرج



أنا عملت كده فعلا وياريت الكل يعمل كده علشان ينتبهوا للمشكلة

ممكن بس اوضح وجه نظرى اولا سوق مصر لا يهم شركه كيا و لا هيونداى ولا الشركات العالميه فى حاجه من اصغر شركه لاكبر شركه حتى لو باعوا مليون عربيه ده يا باشا لما امريكا قالت لتيوتا اوقفى تصدير و مبيعاتك فى ايران اوقفتها فورا فكل اتجاههم الى السوق الاوروبيه و الامريكيه و يا باشا كارينز ايه و سيراتو ايه و محدش يزعل احنا معندناش عربيات فى مصر اصلا و اسف جدا احنا عندنا السيارات الفارهه 1300 سى سى احنا بنشترى اقل فئه سيارات فى العالم

الناس فى العالم كله بتشترى العربيات اليابانى و الكورى الكبيره زى الكادينزا و الجنسيس و السوناتا و كيا اوبتيما و و تيوتا كامرى و افالون و هوندا اكورد و نيسان التيما و من الجيب لاند كروزر و السورينتو و سبورتاج و و برادو كروزر و الميتسوبيشى باجيرو و نيسان باترول و ديه اقل عربيات بس يبقى يهمهم سوق مصر فى ايه بقى معلش انا اسف جدا لكلامى بس ديه الحقيقه

المشاركة الأصلية كتبت بواسطة computerking

باشا انتا كلامك صحححححححححححححححححححححححح حححححح

انا معاك احنا مش راكبين عربيات خالص قال 1600 و انتا نازل و مارتوتي 800 و الناس فرحانة بيها ! الناس بره راكبه عربيات 6300 سي سي مش الهبل بتاعنا و قال عاوزين مرسيدس تعمل موتور 1600 علشان سواد عيوننا يعني !

انا شايف انوا اقل عربية علشان الواحد يحس انوا راكب عربية مش كراركة تكون 3000 سي سي و ستة سلندر بحكم السي سي ! و الفاره يبقى ال تناشر سلندر :) و ال 6300 مرسيدس amg مش الي معاه مرسيدس من العصر الحجرير و ملزق بادج amg فاكر انوا معدي :)

مش قصدي حاجة ولا اهانة بس انا حبيت اطلع شويت كبت :)

كلام سليم

المشاركة الأصلية كتبت بواسطة medociv

مع اني حاسس ان السوق المصري اكتر سوق باعو فيه
تعالو بصو هنا في الامارات في سنتين مشفتش اكتر من 15 عربية سيراتو!!!!

وعاوز ازيد كمان على كلامك العربيات الي باعوها فيها مشاكل كتير فمش عارف فيه اخ معلق انه الخليجي لايعلى عليه وان ممكن الامراء يعملوا .... والكلام الفل ده بتاع المصريين
العربيات بره مصر فيها مشاكل زي مصر بالضبط والفيلم بتاع ان الخليجي انظف ده فيلم هندي وانا بتكلم عن تجربه اكتر من 12 سنه ركوب عربيات في الامارات وقبلها مع الوالد اكتر من 25 سنه وشكراااا


وبالنسبه لان العربيات 1600 او اقل دية مش عربيات ده برده كلام في الهوا علشان اعلى عربيات مبيعا في العالم كله هيه 1600 علشان كده معظم شركات العربيات بدأت تلعب في المواتير 1400 و 1600 وتركب تيربو وتزود الهورس باور بتاعها علشان السوق ده مش سهل على مستوي العالم وفيه ذبح...

مثال الفيات 500 ودية من اعلى العربيات مبيعا في اوروبا 1200 و 1400 الجولف الي بتنزل اوروبا 1400 وغيرهم كتير

.....