نمرة لواحد في المغسلة طلع قفاه بيقمر عيش !

**megamoudy** · 22-08-2010 06:42 PM

المشاركة الأصلية كتبت بواسطة computerking

ربنا يخليكوا يا رجالة :) انتوا رجالة زي الفل :)

تصدق انوا المدير بتاع المغسلة قله الكلام ده اني الباشا الي هوا انا محدش بيغسلوا الا الواد ده :) و الباشا ده صاحب مكان مش زبون ! هوا يرد و يقل طز يعني ايه ما انا لوا محدش قدي :) ( ولا لوا ولا حاجة ده مقضيها منضرة ) و كلام فاضي لغاية ما المدير سابه و مشي !

على فكرة يا باشا انتا بتقلي كنت افهموا :) ازاي افهم واحد شايط زي ده و مش على حاجة و هوا محدث نعمة و عنده عقدة نقص اني ازاي راكبين سيراتوا و قارفين البلد بيها و تبقا كما في المغسلة :) هيا ديه النقطة الي خلتني اكتب الموقف ده :) انا استغربت انوا لسه في ناس من النوعية ديه ! انا قلت انقرضوا خلاص !

يارب احفظنا كلنا !

لا منقرضوش ولا حاجة يا باشا ممكن يكونو ف زياده كمان

ربنا يباركلك ف عربيتك

بس تفسير الموضوع ده كمان غير الحقد اللي هو بقى مالي نفوس معظم الناس

سوء الظن الناس بقت تحب سوء الظن بطرييقة بشعة حاجة تخنق والله

معلش طولت على حضرتك

**maka** · 22-08-2010 07:29 PM

الاول رمضان كريم

بصراحة حاسس انك جاى على الراجل اوى و الله اعلم

وثانيا طالما ان الواد بيشيل الدواسات يعنى بداء فعلا يشتغل فى العربية و حقك الوحيد هو انتظاره لو عاوزه او انك تستسمح صاحب الدايو لان المبداء المعرف ان فلان بيمسك العربية من اولها لاخرها فميجيش زبون فى النص يقوم فلان منفض لصاحب العربية الاولى و يروح للتانية

بلغة ولاد البلد الاول ده هفية و مش مالى عين اللى بيغسله و كان ممكن العامل يحل المشكلة بطريق اظرف و هى يظبط العربية من جواه و لما يجى للغسيل بره يسلمها لزميله مش يسيب الحاجة و يخلع

ثالثا العملية مش بالدايو و السيراتو لان ناس كتيير راكبة دايو و بتحمد ربنا على نعمة العربية اللى غيره مش لاقيها و كمان السيراتو دلوقتى بقت مع طوب الارض زيها زى الدايو و الناس المنفسنة ممكن تكون غنية او فقيرة دى بترجع لبيئة و تربية البنى ادم

و اخيرا احب اعرف حضرتك عندك كام سنة ؟؟؟

**Akram** · 22-08-2010 08:48 PM

المشاركة الأصلية كتبت بواسطة maka

الاول رمضان كريم

بصراحة حاسس انك جاى على الراجل اوى و الله اعلم

وثانيا طالما ان الواد بيشيل الدواسات يعنى بداء فعلا يشتغل فى العربية و حقك الوحيد هو انتظاره لو عاوزه او انك تستسمح صاحب الدايو لان المبداء المعرف ان فلان بيمسك العربية من اولها لاخرها فميجيش زبون فى النص يقوم فلان منفض لصاحب العربية الاولى و يروح للتانية

بلغة ولاد البلد الاول ده هفية و مش مالى عين اللى بيغسله و كان ممكن العامل يحل المشكلة بطريق اظرف و هى يظبط العربية من جواه و لما يجى للغسيل بره يسلمها لزميله مش يسيب الحاجة و يخلع

ثالثا العملية مش بالدايو و السيراتو لان ناس كتيير راكبة دايو و بتحمد ربنا على نعمة العربية اللى غيره مش لاقيها و كمان السيراتو دلوقتى بقت مع طوب الارض زيها زى الدايو و الناس المنفسنة ممكن تكون غنية او فقيرة دى بترجع لبيئة و تربية البنى ادم

و اخيرا احب اعرف حضرتك عندك كام سنة ؟؟؟

+1 يسلم فمك , هو الكلام ده اللي كنت عايز اقوله بالضبط ..

**Deshahcoka** · 23-08-2010 01:21 AM

رأيكوا فوق دماغي يا رجالة :) فل عليكم كلكم و شكراً على وقتكم :)

**abokoko** · 23-08-2010 01:28 AM

معايا ::: الموقف معكوس ومختلف شويتين تلاته

عربيتى كانت 125 ورحت المشحمه وكانت فاضيه وسالت اللى شغال عن تشحيم عربيتى
ولحظتها جت عربيه لانسر تقريبا وجواها واحده ست وقافله القزاز ومشغله التكييف وداخله
ورايا == ففوجئت بالرد بانى المسدس الخاص بالتشحيم عطلان بمعنى انى امشي ووسع
للعربيه الشيك اللى ورايا اللى اكيد هتغير زيت وخلافه
كل اللى عملته انى بصيت بغيظ واحتقار للولد وابتديت اركب عربيتى من سكات
لكن جه بسرعه واحد تانى وقلى اتفضل دخل عربيتك
جوايا كان احتقار رهيب للاول وتقدير عالى للثانى لكن اسلوب كان كله صمت وبس

**A.Saad** · 23-08-2010 01:46 AM

عذرا
انا شايف ان اسم الموضوع غريب شوية

**dr.hany** · 23-08-2010 11:21 PM

هههههههههه
ياعم انا معايا لانوس برضه

بس الحمد لله عمرى مابصيت لحد وعندى قناعه عاليه جدا باللى ربنا قسمهولى

**Deshahcoka** · 23-08-2010 11:30 PM

يا باشا والله كل الناس على راسي :) لانوس ولا 128 كلهم عربيات و كل واحد ربنا بيديه و ده نصيبة و الحمدلله و الرضي ب 128 احسن من العنطظة ب s500 :]

الحمدلله و ربنا يحفظنا كلنا !

**eslamsubaru** · 24-08-2010 06:44 PM

احب اعلق على كذا موقف:

أولا: موقف الراجل انه مش عايز يسيب الراجل اللى بيغسله العربيه فرأى ده حقه 100% لان من كلامك عن الولد بتاع الغسيل انه احسن واحد فى البنزينه فمن حق الراجل انه يتمسك بيه. لانه هو اللى موجود من الأول و ميصحش انه يسيبه و يروح لزبون تانى .. اعتقد لو ده حصل مع اى حد فينا اكيد هيزعل.... هو اسلوبه بس اللى كان غلط فى الدفاع عن حقه

ثانيا: موقفك انت كان صح 100% انك تستنى الولد لما يخلص الراجل ..

ثالثا: موقف صاحب البنزينه : كلامه غلط 100% لأنه لو كل اللى يعرفهم يفضلهم على الزباين التانيه يبقى يقلبها بنزينة خاصة بالأقارب و الأصدقاء.