الموضوع: نمرة لواحد في المغسلة طلع قفاه بيقمر عيش !

حصل معايا واحد نمرة فله :) بصوا بقا

بعد الفطار و قعدت حبه لحد العشاء و بعدين الواحد نزل يصلي و بعديها رجعت للعربية شفتها متوسخة قلت ما الواحد يروح المغسلة يغسلها مهيا ليها حق عليا برضه :) المهم شغلت المكنة و جبت الاغاني الي بحبها و انطلقت للمغسلة و الواحد ماشي على البحر في الهوا و مبسوط اخر حاجة ( بحاول انسى مشاكل التوكيل و عقدته ) المهم و صلت للمغسلة موبيل :) ( معلومة : انا في واحد بس بيغسلي عربيتي ! يعني واحد كدة انا برحلوا المغسلة مخصوص و مظبطه و الواد عشره على عشرة نفسيته كويسة مش منفسن يعني و بينضف بضمير و بيعتبرها عربيته ) المهم المغسلة ديه فيه بتاع 9 بيغسلوا غير الواد بتاعي ! هما بيشتغلوا بالدور بيدوروها يعني لازم كل واحد يغسل مرة و بعد كدة التانية :) المهم انا رحت ملقتش غير 3 عربيات واحدة قربت تخلص شغال فيها مش الواد بتاعي و واحد في النص برضه مش الواد بتاعي التالته بقا لسه يادوبك بيشيل الدواسات و الواد بتاعي ! العربية ديه دايوا قديمة كدة و انا داخل عليهم بالسيراتوا الواد بتاعي يسيب العربية الدايوا و يناي واد من ال 7 الي مش شغالين علشان يشتغل في عربية الراجل ده و هوا يشتغلي في عربيتتي زي كله مرة :) الواد اتفضل يا باشا البانزينة منورة فينك و الحوراات ديه :) المهم لسه بنزل من العربية و هوا راحل يجيب الفواطا الفله علشان عربيتي ! لقلي واحد بيسرخ و يجعجع في الواد و يقله ايه يعني علشاااااااان البني ادم ده راكب سيراتوا اغلى من عربيتي و شكله نضيف تسيب عربيتي و تشتغله ! ليه يعني هيا ماشية كوسة و لا ايه ولا بيدفعلك زيادة يا كلب انتا ! هيديك اكتر مني يعني ! فين مدير الورشة فين صاحب الورشة يا ناس يا هوا شوفوا الي بيحصل ده ! المهم مدير المغسلة صاحبي برضه جاله صرخ حبه و المدير مقلوش حاجة و بعدين قاله الباشا محدش بيغسلة عربيته غير الواد ده و المغسلة فيها 7 مش شغالين و حضرتك مش فارقق معاك حد فيهم يشتغل! المهم الراجل ابداً المهم انا قلتله خلاص ولا تزعل نفسك انا حستناه يخلصلك عربيتك انا قلتله كدة بصلي بأحتقار و كأني بشحت منه المهم قلت برضه انا مش فارقه معايا خليني قاعد انا مواريشيش حاجة اشوف النمرة ده ! مع اني ممكن اغسلها واقتي و يضرب دماغه في الحيطة :) المهم الواد غسلة و الراجل بقا يتلكك امس تحت العتب امسح الباب من ناحيت المفصلات الاكر مش بتلمع ده الفانوس و الازاز مشبر ! ده العربي شبرت ده الكاوتش مش اسود و انا صعبان عليا الواد بتاع الغسيل بيامره كأنه عبد و بيقله غصبن عنك بلسانك ! المهم انا في نفسي بدحك على الراجل :) المهم بعد ما طلع روح الواد قام موزع 5 جنيه على كل الشغالين في المغسلة الا 2 المدير صاحبي و الواد الي غسلة ! و قام ماشي و بيبصلي :) انا بقيت ادحك يعني المعلم ده فرتك 50 جنيه علشان يغيظ فيا مثلاً ؟ انا مخسرتش حاجة بالعكس المغسلة بقت بتقولي الله يكرمك كسبتنا 5 جنيه :) و الرادل دمه محروق و متعصب و انا زي الباشا :)

و ادي قصت الراجل بتاع المغسلة الي بعد ما غسل طلع و قفاه بيقمر عيش :) و معلش على الاطالة و التفاصيل :)