مازدا 3 2010 هاى لاين - رأى و اسئله
انا لسه كنت عامل موضوع فى قسم المقارانات بين المازدا و الكورولا (دول فى نهائى البحث) و رحت بصيت على الاتنين و بالنسبه للمازدا لاحظت الاتى:
1- كان فى قلق من وسع الكنبه الخلفيه انها ضيقه و لقيتها فعلا اصغر من الكورولا بس فى وسع البومه (انا كان عندى بومه موديل 2008) و ده بالنسبه لى انا معقول
2- العربيه الهاى لاين مافيهاش سمارت كى (جابتلى احباط نفسى)
3- الموتور مغطى بوش فبر فى الكبوت
4- فتح الشنطه يدوى من جنب الكرسى جنب زرار تنك البنزين
5- الفرش قماش مش جلد بس التابلوه و الابواب و المخادع كلها جلد
6- الاستبن مش جنط انما عجله صغيره قوى كده زى ماتقول عجله توك توك
7- فيها 6 سماعات بس مش bose
8- ارتفاع العربيه معقول جدا زى البومه برضه
عندى بقى اسئله بتاع المعرض مكانش فاهم حاجه فاردوده كنت مش مقنعه لو حد يعرف ياريت يقول
1- العربيه كام سى دى؟
2- هل الكمبيوتر بيقيس ضغط الاطارات؟
3- هل المرايه فيها تعتيم ذاتى؟
4- طبعا مافيش جى بى اس و لا ايه؟
مع السلاموا عليكوا
