لاب توب توشيبا ستالايت احدث موديل للبيع

**elpasha009** · 11-03-2008 04:34 PM

يا جماعة مفيش مليم واحد بيندفع على أي حاجة تخص أجهزة الكمبيوتر من أول سلك الباور لحد السيرفرات مهما كان العدد أو الكمية غير 10% ضريبة مبيعات وحاولي 2% عبارة عن رسوم ودمغات واللازم منه.سواء كانت الحاجة جاية شحن جوي أو بري أو بصحبة راكب أو حتى جاية على جمل:).
كل الموضوع إن لو الكمية أزيد من 3 قطع من نفس المنتج لازم يكون معاك بطاقة استرادية وتدخل مواويل بتاعت الإستراد لكن في الأخر هتدفع برده 12% اللي قولت عليهم.
الحاجة التانية هي ازاي بيقدر ال12%؟؟؟؟للأسف ممكن تكون جايب جهاز ب500 دولار يعني ال12% بتاعته 60 دولار وتلاقيع بيقولق حضرتك هتدفع 120 دولار!!!ليه؟؟؟؟هو كده من غير ليه لأن مفيش قانون بيمشوا عليه في الحاجات ده وبيبقى عندهم حاجة اسمها المجلة مكتوب فيها ان متوسط سعر الابتوب 1000 دولار مثلا مهما كان نوعه أو سعره أو مواصفاته وهو ملتزم انه يمشي بيها.
على فكرة ده شغلتي من 6 سنين:)

**emadkamel** · 11-03-2008 10:50 PM

المشاركة الأصلية كتبت بواسطة elpasha009

الحاجة التانية هي ازاي بيقدر ال12%؟؟؟؟للأسف ممكن تكون جايب جهاز ب500 دولار يعني ال12% بتاعته 60 دولار وتلاقيع بيقولق حضرتك هتدفع 120 دولار!!!ليه؟؟؟؟هو كده من غير ليه لأن مفيش قانون بيمشوا عليه في الحاجات ده وبيبقى عندهم حاجة اسمها المجلة مكتوب فيها ان متوسط سعر الابتوب 1000 دولار مثلا مهما كان نوعه أو سعره أو مواصفاته وهو ملتزم انه يمشي بيها.
على فكرة ده شغلتي من 6 سنين:)

حتى لو معاك فاتوره؟ ولو لازم فاتوره هل ليها اشتراطات (مختومه مثلا من وزاره التجاره بتاعة الدوله اللى اشتريت منها او حاجه زى كده)

**elpasha009** · 12-03-2008 12:07 AM

للأسف يا باشا لو الفاتورة مش عجباه مش هياخد بيها وهيقولك بلها واشرب ميتها:)
المشكلة ان بتوع الجمرك اللي في المطار بيتعمله معاك على انك واحد جاي من بلاد الخوجات أو الخليج يعني على قلبك قد كده ومش هيفرق معاك حاجة لما تدفع.لكن بتوع قرية البضائع بيتظبطوا من تحت التربيزة علشان كده بيعده الحاجة بالأسعار المتفق عليها.

**CryptonX** · 12-03-2008 12:38 PM

QUOTE=karim_monir;186510][SIZE=3]
•
HD DVD-ROM/DVD7 SuperMulti (+/- double layer) drive (in one optical drive), supporting 12 formats
[/B]][/QUOTE]

**CryptonX** · 12-03-2008 12:51 PM

كريم انا مش عايز اضايقك و لا ابوظ البيعة و لاحاجة
بس في حاجة و غلطة في المعلومات و خبر تعيس للي حيشتري النوتبوك ده .

مبدأيا .. انت قلت انه في تكنولوجيا ال Blu-Ray
للأسف ده مش صحيح
ده HD-DVD ودي تكنولجيا بتاعة Toshiba مختلفة تماما عن الBlu-Ray بتاع Sony !

و ميشغلش اسطوانات Blu-Ray
بيشغل اسطوانات HD-DVD فقط ( و لا الBluRay بيشغل HD-DVD )

لحد كدة مفيش مشكلة . بس الواحد يعرف انه جايب HD-DVD مش Blu-Ray

المشكلة الرهيبة و اعقتد بدون زعل ان ده سبب بيع صديقك للنوتبوك ( انا اسف اذا كان ميقصطش )

هو ان TOSHIBA اعلنت في شهر فبراير الي فات
الغاء ال HD-DVD نهائيا ! و بدون رجعة - و سوف توقف انتاجه كليه - كDrives او Blank Media ( اسطوانات فارغة ) و سوف تتوقف جميع الشركات بالتالي التي تتعامل بنظام الHD-DVD ,و سوف تنتقل الي استخدام ال Blu-Ray

و اعلنت توشيبا ان شهر مارس الحالي هو الشهر الاخير و لن يكون هناك اسطوانات او مسجلات HD-DVD بعد كدة - و حينزل بس في بعض انواع الNotebook بس ( لتخليص الكمية منه ) بينما ستبيع توشيبا الاسطوانات الفارغة لمدة محددة فقط عن طريق موقعها فقط ( مش حيتباع في الاسواق ) .

و كل ده كان نتيجة لحرب بين Sony و Toshiba بسبب ال HD-DVD ضد ال Blu-Ray
وفي الاخر Sony كسبت

ولهوات الالعاب - Sony Playstation 3 فيه مشغل Blu-Ray
بينما Microsoft Xbox 360 كان بينزل بHD-DVD و بعد استسلام TOSHIBA

Microsoft اعلنت علطول انها حتبطل تبيع HD-DVD و حتنزل بداله Blu-Ray خلال الشهر القادم .

---

طب ايه العمل ؟

بالنسبة للناس المهتمة بالابتوب ده .
الHD-DVD بيشغل ال DVD العادي
ولو انت مبفكرش تشغل افلام High Definition الا المطروح حاليا فقط
او مش حتسخدم الDVDHD في النسخ ( لأنك مش حتلاقي اسطوانات فارغة ليه اصلا )

يبقى انت مش فارق معاك الموضوع مع العلم ان الnotebook ده حيبقى اغلي بصرف النظر عن مواصفاته بس حيبقى اغلي علي الاقل 150 دولار من اي واحد زيه فيه DVD عادي .

-- بالنسبة للناس الي عايزة High Definition فعلا و عايزة تنسخ اسطوانات 30 - 40 جيجا
انسى الموضوع تماما .

--

حبيت اكون صريح و واضح علشان ده مش مبلغ صغير يا كريم . ماتزعلش مني .

خبر بتاع TOSHIBA :
http://www.engadget.com/2008/02/19/o...at-war-is-over

و المعلومات منقولة من نفس الموقع و مواقع اخرى .

**CryptonX** · 12-03-2008 06:26 PM

المشاركة الأصلية كتبت بواسطة eng_mkhalaf

بس أحب أضيف أن كريم قال أنى فى أبديت يحولة لبلوراى وعلى ما أعتقد توشيبا عملت سوفت وير يعمل الكلام دة علشان سمعتها - وعلى العموم الجهاز كويس قووووى وكفاية أنة توشيبا بس أنا بعيب علية البريسوسور الضعيف بالمقارنة بإللى موجود دلوقتى فى السوق -لأن فى واحد صاحبة جايب جهاز توشيبا Satellite A200-1N1
http://www.ngc-maarouf.com/notebooks.htm
ب 6100 ومعاة شنطة هدية كمان وبضمان العربي وجهاز تحفة بجد

مفيش حاجة اسمها سوفتوير يحول الHD-DVD الي Blu-Ray

ممكن تاخد الفلم من علي اسطوانة HD-DVD و تحرقها غلي جهاز اخر في Blu-Ray
انما مفيش حاجة اسمها سوفتوير يحول لان ده " LENS " مختلفة نهائيا عن الBlu-Ray
يعني كأنك بتقول اجيب CD-Rom و اعمله update يقرأ DVDs !

ده حتى K-mart و Circuit City و دول من اكبر الاسواق في امريكا
عاملة استبدال اجهزة ال HD-DVD ( المسجل فقط ) باجهزة Blu-Ray للمشتريين في سنة 2008 بس .

يعني لو كان موضوع سوفتوير ماكنش حد غلب يا هندسة .

**CryptonX** · 12-03-2008 06:28 PM

المشاركة الأصلية كتبت بواسطة eng_mkhalaf

شكرا كريبتونكس على الأضافة الرائعة دية - وطبعا انا متوقع أن كريم مش هيزعل

لأن كلام صح مش غلط - وربنا يبارك للمشترى وأكيد على ما اظن كان عارف لأن محدش هيدفع المبلغ دة

من غير ما يعمل case study كويس قووووووووووووى

اجهزة ال HD-DVD عليها خصومات تصل الي 80% حايا هي والأفلام \
و صاحبه ممكن يبيعه في مصر لآن في ناس متعرفش اصلا ان في حاجة اسمها HD-DVD او Blu-Ray
انما لو حاول يبيعه في امريكا حيشيل نصف تمنه .

**Karim_Monir** · 13-03-2008 12:14 PM

كريم احب اقوللك شكرا على الخبر
بس احب اوضحلك حاجة ظريفة جدا
ان الجهاز ده بيتباع من غير HDdvd في مصر ب 8200 عند توشيبا العربي
وبهارد 160 ورامات واحد جيجا
والدرايف الHD كان نازل اوفر في اعياد الميلاد وببلاش
يعني الجهاز مش علية كوست نهائي فيه
لكن الجهاز كدرايف لسه بيتباع برة فعلا
---------------
محمد ال N1 غير ده خالص
وفيه حاجة مهمة ناس كتير ما بتاخدش بالها منها
ان كل بروسيسور ليه جيل يعني 1.6 في منه اكتر من موديل
2300 - 3500 - 5500 وهكذا
ده جيل ال 5000
زي بالظبط العربية التويتا 1600 جنوب افريقي في منها الموتور الجديد وفي منها نفس الشكل الموتور القديم

فاحب اوضحلكم بس ان اللي واخد الجهاز مش خسران حاجة فعلا لان الدرايف كان هدية فوق الجهاز
وانت عارف ان ياما بتنزل موديلات دراايفات وتنتهي
يعني فين ال ZIP 100 وال 250 كانو ثورة اول ما نزلو
اخر حاجة بس احب اوضحها ان صاحبي بيبيع الجهاز عشان راجع امريكا مش عشان عيب فيه
وانا بقوللك بكل المقاييس ان الجهاز زي الطلقة فعلا رغم انه علية فييستا
واخر حاجة الجهاز اتباع فعلا