السلام عليكم يا شباب
فى كذا سؤال كده محيرينى و محتاج ردودكم الوافيه فيهم
1 - شارع شبرا هل فيه مناطق اتجاه واحد ؟ و لو فى ياريت توضحوهالنا
2 - كوبرى الليمون بيبدأ فين و بينتهى فين و بيخدم مين بالظبط ؟
3 - شارع الترعه البولاقيه .. فيه حتت اتجاه واحد و اتجاهين .. ياريت توضحوهالنا
4 - مطالع و منازل كوبرى عرابى .. عاوز افهمها بعد اذنكو:B4_556: لأنه مش عليه ولا يافطه توحد ربنا
5 - من احمد حلمى بعد المؤسسه العماليه ..ايه اسرع طريقه للوصول شارع شبرا ؟
6 - من شارع شبرا عاوز اطلع للطريق الزراعى .. انا اللى حصل معايا كالتالى و عاوز حضراتكم تعرفونى الغلطه فين
الطريق الأزرق : طلعت كوبرى شبرا المظلات ونزلت لقيت طلعه كوبرى عرابى فى وشى مطلعتهاش و كملت لقيت نفسى على شمالى محطه مترو الزراعه و يمينى التوحيد و النور و يمين اجبارى بعدهم.. (كان فى شمال جربته على امل انه يكون بيطلع ع الطريق بس طلع زى مركن كده و مقفول .. وقبل اليمين والشمال دول مفيش غير يوتيرن من تحت كوبرى عرابى يرجعك فى اتجاه شبرا) .. دخلت يمين لقتنى فى احمد حلمى بس فى اتجاه عبود و اقرب يو تيرن بعيد جدا .. يبقى الحل ده كده غلط :majd(4):
الطريق الأحمر : قولت يبقى اطلع عرابى (مش عليه يافطه واحده )و كملته للأخر نزلت لقتنى فى شارع 15 مايو ( تقريبا اللى بيودى لمسطرد ) فاخدت يوتيرن و رجعت خدت عرابى تانى من هناك و نزلت اول نزله اللى بتودى على الطريق الزراعى
[mshosh2]http://img155.imageshack.us/img155/8381/35699723.jpg[/mshosh2]
هل الحاله التانيه دى هى اللى المفروض يحصل ولا فى اختصار ؟؟ ولا مفيش طلعه من هنا للطريق اساسا ؟؟ :36_3_10[1]:
و شكرا مقدما لحضراتكم :shine[1]: