مدارس القيادة- التعليم على سيارة أوتوماتيك

**OldVic** · 07-03-2008 04:48 AM

قمت مؤخرا بأخذ دروس قيادة على سيارة مانيوال (13 حصة) و الان أريد أخذ دروس مكثفة على سيارة أوتوماتيك حيث أننى سأقوم بشراء سيارة أوتوماتيك بنهاية الأسبوع القادم. هل يعرف أحد أى مدرسة- أو شخص- يقوم بإعطاء تلك الدروس فى المعادى؟

**casperinoo** · 07-03-2008 01:11 PM

العربيه الاوتوماتيك بتبقي زي عربيات الملاهي ...سواقتها سهله..بنزين وفرامل

وطالما انت اتعلمت السواقه علي مانيوال.... يبقي مش محتاج حاجه تاني ...

**mokhtar** · 09-03-2008 02:50 PM

بما انك اتعلمت على المانيوال اللى هو اصعب يبقى الاتوماتيك مفيش منه مشاكل ومش مستاهل مدرسه قياده ..هو بس عايزك تتعود عليه لان الموضوع بسيط زى ماقال الاخ casperinoo
..الفتيس فى وضع الركن او والعربيه واقفه مش دايره بيبقى على P...كل اللى هاتعمله انك هتنقل على وضع D .. العربيه هتمشى وهتنقل لوحدها مع زياده البنزين ..بس قبل ما تنقل على D يفضل انك تبقى دايس على الفرامل لان العربيه بتتحرك من نفسها بمجرد النقل لوضع ال D
R .. المارشدير ....لو وقفت فى اشاره او شارع زحمه يفضل تحريك الفتيس للوضع N لعدم استمرار الضغط على الفرامل .....الموضوع بسيط وان شاء الله مش محتاج مدرسه تعليم
بس يرجى المحافظه على الفتيس الاتوماتيك لان لما بيفتح بقه بتبقى دى النهايه وماعدش بيرجع بكفاءه الاول وعدم النقل بين D / N / R والعربيه ماشيه لازم تكون واقفه

**nancy** · 26-03-2008 04:04 PM

يا جماعه في فرق طبعا .... الي بيتعلم على مانيوال لازم لما يقلب اوتوماتيك يخلي بالو انتو من سهوله السواقه الواحد ساعات بيفقد تركيزه ....... و ده بيعرض الواحد لمفاجات كتيره في الاول بس مع التعود طبعا مصر شوارعها مش عايزه غير اوتوماتيك عشان الدوالي و الشرايين و الكرامبات

**aif** · 26-03-2008 04:08 PM

اعتقد ان الموضوع محتاج منك تمرين لا أكتر وممكن تعمله لوحدك بالسير في اماكن خالية الي ان تتعود علي الاتوماتك
وما اعتقدش ان فيه مدارس بتعلم علي سيارات اتوماتك .. او بالاحري ماسمعتش عنها
ربنا يوفقك

**marsguy** · 26-03-2008 04:50 PM

المشاركة الأصلية كتبت بواسطة OlaOsman

انا اعرف مدرسة بتعلم على أوتوماتيك في المهندسين، مش عارفة اذا كان ينفع أقول اسمها هنا و لا لأ

لا أعتقد إن في مشكله لو قولتي إسم المدرسه

**sa3dawy** · 26-03-2008 04:54 PM

المشاركة الأصلية كتبت بواسطة OlaOsman

انا اعرف مدرسة بتعلم على أوتوماتيك في المهندسين، مش عارفة اذا كان ينفع أقول اسمها هنا و لا لأ

احنا مش على الmbcقولى عادى:D:D:D

**aliabutaleb** · 26-03-2008 04:58 PM

المشاركة الأصلية كتبت بواسطة OlaOsman

انا اعرف مدرسة بتعلم على أوتوماتيك في المهندسين، مش عارفة اذا كان ينفع أقول اسمها هنا و لا لأ

لأ خللي بالك

ممكن نعتبره إعلان

**sab3aawy** · 26-03-2008 05:16 PM

طالما انت اتعلمت على سيارة مانيوالب فاتعامل معا الأوتوماتيك مش محتاج منك اكثر من ان حد يقول لك شفوى تعمل ايه، وتأكد انك فى خلال دقيقتين بالضبط هتكون تمكنت منها، اهم حاجه فى اول طلعة بسيارة اوتوماتيك انك تنسى تماما انك عندك رجل شمال، مالهاش اى استعمال من اى نوع مع الاوتوماتيك، تانى حاجة فى اول طلعة ، حط رجلك اليمين على الفرامل، وبعدين هات D وبعدين شيل رجلك اليمين من على الفرامل واحدة واحدة هتلاقى العربية بتتحرك معاك، بس خلاص، كدة العربي مشيت بطيئ، عايز تسرعها عن كدة حط رجلك اليمين على البنزين ومع نفسك لحد انشالله 180كم/س،عايز تهديها شيل رجلك من على البنزين وممكن تشعر فرامل، عايز توقفها حط رجلك على الفرامل كأنك بتفرمل عربية مانيوال، لو وقفت لمدة ثوانى بسيطة خلى الفتيس على ال D ورجلك على الفرامل ، لو وقفت لفترة طويلة انقل الفتيس على N وبعدين ابقى شيل رجلك من على الفرامل، وقبل ما تعشق D تانى تدوس فرامل وتعشق D وبعدين تشيل رجلك من على الفرامل وهكذا، لما توصل وتقف خالص حط العربية على N وبطل العربية، مافيش موضوع وزنة البنزين والدبرياش ولا اى حاجة زيه، تشيل رجلك من على الفرامل العربية تمشى، حتى لو شلت رجلك مرة واحدة العربية مش هتبطل ، لكن انت بتشيل رجلك بالراحة علشان التحكم فى السيارة، تحط رجلك على الفرامل العربية تقف، كذلك معندك مشكلة الزحلقة للخلف لما تكون بتحرك العربية فى مطلع، لان الفتيس ماسكها، وبالتالى الموضوع فى منتهى البساطة ومش محتاج علام، محدش لما نقل من مانيوال لأوتوماتيك احتاج حد يعلمه

الموضوع: مدارس القيادة- التعليم على سيارة أوتوماتيك

LinkBack

أدوات الموضوع

عرض

-

-

-

-

-

المواضيع المتشابهه

أين مدارس المرور لتعليم القيادة

تحويل سيارة ملاكي الى سيارة أجرة (تاكسي أبيض) و تغيير رخصة القيادة الى رخصة مهنية

كيا بيكانتو أوتوماتيك أم هيواندي i10 أوتوماتيك أم بروتون ساجا أوتوماتيك أم سوزوكيcele

| إستفسار | مدارس تعليم القيادة وسط البلد

إلي خبراء الـ Hr: التعليم عن بعد .....هل بيقيم زي التعليم العادي..

الكلمات الدلالية لهذا الموضوع

المفضلات

المفضلات

ضوابط المشاركة