كلاكيت للمرة الالف العربية اتجرحت و لازم افضل متنكد

**SeaShark** · 22-08-2010 02:29 PM

والله فعلا انا اكتر حاجة بكرهها في حياتي ان حاجتي تتجرح سواء كان موبايل او كمبيوتر و خصوصا العربية
امبارح و انا بركن حكت مني في الرصيف و كانت النتيجة كما هي موضحة في الصور
انا نفسي يخترعوا عربية تكون ضد الخدش بءي عشان انا زهقت

طبعا المرة دي كانت بسببي ده غير المرات الكتير اللي بلاقيها كده لوحدها بسبب حد مؤذي

المهم انا روحت التوكيل انهارده و دخلت للمهندس اللي جوا انا اعرفه كويس عشان بعمل عندهم كل الصيانات و جابوا اللون و بتاع الدوكو جاب فرشة و جه حاول انه يداريها شويه و دي كانت النتيجه اول صورتين قبل الترميم و تاني صورتين بعد الترميم

طبعا عمرها ما هترجع زي الاول غير لما يترش كل الاكصدام بس يلا اهو نص العمي و لا العمي و كله

**zakiali** · 23-08-2010 01:59 AM

كبر دماغك .. ياما الأول الواحد كان بياخد الموضوع ده بحساسية أوي وضيق لكن مع الوقت هتتعود متخافش .. ربنا يحفظهالك من كل سوء

**hugan** · 23-08-2010 02:04 AM

بسيطه
لسه هاتشوف كتير من كده
تعايش معا الامرلان السيارات في الشارع معرضه لكل انواع الاذي
ربنا يحافظ لك عليها من الناس المؤذيه

**yasser_ds** · 12-09-2010 03:52 AM

على فكره انا تقريبا مافيش اسبوع بيعدى من غير حاجه زى الموضوع ده و بقيت زبون محترم لدى بتوع الدوكو و بعدين لقيت كل العربيات كده العيب مش فى حضرتك و بعدين حضرتك بترش فى التوكيل جمع اكبر عدد من الحاجات البسيطه دى علشان متبقاش العربيه كانها ملطشه

**mody112** · 29-09-2010 01:34 PM

يا باشا ولا يهمك انا بقى كنت بجدد عربيتى فى رمضان الماضى واول مااستلمتها تانى يوم على طول اتجرحت البابين والرفرف الخلفى بسبب اسوا الاختراعات وليس اخرهم اللى دخل مصر وبقى عامل زى الوبا ( التوكتوك )الله يخرب بيته وكمان كان ماشى عكس وانا ماليش اى ذنب فى الموضوع ده لكن اهو القضاء والقدر

وعلى كل الحمد لله على كل حال