تويوتا _ستارليت_ ..... (أراء وتقييمات + صيانات + أسعار قطع غيار)

**pro_samir** · 14-12-2010 05:32 PM

1- نور التابلوه غالبا محتاج تنضيف ، لو صعب تفكه ممكن تروح لكهربائي هيفك الدركسيون ويطلع التابلوه وينضف اللمبات والتابلوه من جوا وممكن يلزق استيكر عاكس اللي شكل النيكل ده علي الأحرف اللي جوه علشان يعكس الاضاءه هتلاقيها فرقت معاك وممكن تغير اللمبتين خالص بأي حاجه أقوي

2- فانوس الصالون ممكن تشوفها استيراد بس الأحسن تشتري واحد علي بعضه بتاع أي ماركه وخلاص مش فارقه ، والاضاءه بتاعته في لمبات اللي هي الليد الأبيض دي حلوه

3- هو لو صوت سير المفروض بيروح بعد شويه غريب انه يستمر كده حتي بعد ما تمشي ، بعد ما تمشي شويه وتقف تاني شوف الصوت لسه موجود ولا ايه .. كده كده أصلا المفروض تروح لميكانيكي تغير كل الزيوت موتور وفتيس وتغير سير الكاتينه والدينامو وتشيك علي الموتور علشان لو محتاج حاجه بوجيهات أو كده

4- الصوت مليش فيه بصراحه انا مركب امبلفير مع mp3 وكاسيت وجوز سماعات حتي مش فاكر نوعهم

**yamr2006** · 19-12-2010 04:14 PM

السلام عليكم

معلش يا جماعة انا بعتذر عن عدم متبعتى ليكم بس والله غصب عنى
انا فى عندى حاجة غريبة فى العربية دلوقتى ومش عارف اعمل اية ساعات الاقى نور العربية بيضعف بمعنى انى لو منور النور الصغير ووالنور الواطى واجى ادوس فرامل الاقى نور التابلوة بقى ضعيف والموتور كانة هيبطل مش عارف لية
اطر انى اطفى النور الواطى علشان متترجش الموضوع دة بقى بيحصل كتير قوى مش عارف اعمل اية وبردوة كلام الميكانيكى انة يعلى العربية شوية وبردوة محصلش حاجة قالى نزودها سنة كهرباء وبردوة نفس الحكاية ياريت لو حد عندة اى فكرة يقولى اعمل اية مع العلم انى عملت كبل ارضى ذيادة وغيرت سلك البوجيهات بالسلك الفحم وبردوة نفس المشكلة

**pro_samir** · 22-12-2010 01:40 AM

دي عايزه كهربائي كويس يشيك يمكن في حاجه بتعمل قفله أو ما شابه بتسحب الكهربا .. وطمنا عملت ايه

**pro_samir** · 24-12-2010 07:01 AM

المشاركة الأصلية كتبت بواسطة nona4455

السلام عليكم الاخوه في قسم التويوتا ارجو ان تقبلوني عضو في اسرتكم المحترمه- فمن خلال قراءتي للحوار الذي دار بين الاعضاء احسست بروح المحبه والتعاون السائده فيما بينكم -وان كل عضو لايبخل بالوقت او الجهد لتعم الفائده علي الكل وهذا ما يحثنا عليه ديننا الحنيف- واخص بالشكر الاخ محمد سميروباقي الاعضاء المحترمين الذين شاركوفي الحوار =وارجو من الاخوه في هذا النتدي ان يفعلو عضويتي من خلال مساعدتي في البحث عن سياره استارلت شرط ان تكون اوتو وان تكون بحاله جيده ولا تحتاج الي مصاريف وذلك لظروف خاصه لدي -وجزاكم الله كل خير وصلي الله علي سيدنا محمد وعلي اهله وصحبه وسلم -

يا أهلا بيك .. شكرا علي الكلام الجميل ده جزاك الله خيرا

بالنسبه للاستارليت الأوتو اعتقد هيبقي صعب شويه لأن العربيه المعروض منها قليل .. علشان تلاقي اوتو هيكون نادر جدا ، مثلا في حوالي 10 عربيات معروضين علي كونتاكت كارز و مفيهمش ولا واحده اوتو .. في ناس مسقطين مواتير بفتيس أوتو بس علشان تدور وتلاقي ويكون حاجه كويسه صعبه شويتين ..

مبدأيا ممكن تعمل اتصالات باصحاب العربيات المعروضه علي كونتاكت وتتأكد ان مفيهمش واحده اوتو قد يكون البيانات مش كامله خصوصا في واحده بموتور 1500 يمكن يطلع أوتو
ContactCars | السيارات المستعملة

ربنا ييسر الحال ويوفقك لعربيه كويسه

**dido76** · 25-12-2010 05:52 PM

المشاركة الأصلية كتبت بواسطة nona4455

شكرا علي الرد يا اخ محمد انا بالفعل شفت كونتاكت كار وكان واحد عارض واحده اوتو بس للاسف عندما اتصلت بيه طلعت مانول وانا قبل كده كان في واحده معروضه من مده بس للاسف مكنتش بفكر في الاستارلت -المهم ربنا يكرم والاقي واحد كويسه وشكرا مره اخري ولو في جديد احنا مع بعض وانا كمان حدورلك علي كرولا عيون وابلغك في اقرب فرصه

حضرتك انا جبتها مانيوال وقلبتها اوتوماتيك

الموضوع تقريباً كلف عليا في حدود حمسة
وظبط العربة الي حد ما كلفني ثمانية

**pro_samir** · 25-12-2010 06:38 PM

المشاركة الأصلية كتبت بواسطة dido76

حضرتك انا جبتها مانيوال وقلبتها اوتوماتيك

الموضوع تقريباً كلف عليا في حدود حمسة
وظبط العربة الي حد ما كلفني ثمانية

يا ريت تدينا فكره عن الحاجات اللي عملتها وتكاليفها

شكرا

الموضوع: تويوتا _ستارليت_ ..... (أراء وتقييمات + صيانات + أسعار قطع غيار)

LinkBack

أدوات الموضوع

عرض

-

-

-

-

المواضيع المتشابهه

كل ماتريد معرفته عن سيارات تويوتا [اراء - تقييمات - صيانات - قطع غيار ]

تويوتا كورولا _عيون_ ... (أراء وتقييمات +صيانات+أسعار قطع غيار )

إستفسار عن أسعار صيانات إلنترا 2012 و 2013

أهم الموضوعات عن تويوتا _ياريس_.... (أراء وتقييمات +صيانات+ أسعار قطع غيار)

الكلمات الدلالية لهذا الموضوع

المفضلات

المفضلات

ضوابط المشاركة