ياريت لاهل الخبره فى التويوتا يدونى خبرتهم قدامى عربيه تويوتا ستارليت موديل 93 هلى العربيه دى وهيا 1000 سى سى تستاهل ان الواحد يشتريها ولا يجيب لادا مثلا 1600 او شاهين يعنى يركب عربيه بنفس السعر والموتور اعلى
ياريت خبراتكم بجد الموضوع يهمنى جدا
ياريت لاهل الخبره فى التويوتا يدونى خبرتهم قدامى عربيه تويوتا ستارليت موديل 93 هلى العربيه دى وهيا 1000 سى سى تستاهل ان الواحد يشتريها ولا يجيب لادا مثلا 1600 او شاهين يعنى يركب عربيه بنفس السعر والموتور اعلى
ياريت خبراتكم بجد الموضوع يهمنى جدا
العربيه جميله جدا و جرايه و ثابته بس فيها عيب قطع الغيار مش هتلاقيها و هتدور عليها
و الله بجد انا عاوز حد يفيدنا من الناس الخبرة العربية دى مع واحد صديقى و بيقولى أسعار قطع غيار بصراحة مش مصدق الارقام الوهمية الى بيقولها لى فا ياريت حد يفيدنا بخصوها
العربيه معايا من أول شهر 6-2009 وفي الفتره دي عامل بيها 45000 كم
باختصار عربيه ممتازه ومش معقده ومفيهاش مشاكل و 1000 سي سي عليها حلو جدا وأداءه ممتاز وانا شايفه احسن من ال1600 بتاع الادا التسعينات اللي بتتكلم فيها وعن تجارب كتير في الشد وكده
اول ماشتريتها انا كنت قلقان جدا من موضوع 1000 سي سي وكمان عجوز من التسعينات لأن اصغر عربيه ركبتها في حياتي كانت لانوس 1500 لكن راضي عن أداءه وجربتها في سفر لنويبع وما أدراك بصعوبه الطريق بس ما شاء الله ، ممكن تشوف الموضوع في قسم الرحلات تحت المنتدي العام
بالنسبه لقطع الغيار متقلقش منها خالص قطع غيار الموتور معظمها مشتركه مع كورولا الملكه لأن العربيه كلها اصلا تقدر تعتبرها كورولا بس اصغر شويه واسعارها عادي مش عاليه وهتلاقيها عند أي حد بتاع تويوتا ، يا راجل انا اصلا من شبين الكوم ومع ذلك كل حاجه موجوده عند بتوع التويوتا حتي طقم العمره والجوانات وكله كله
قطع الغيار الخارجيه مش بتنزل جديده لكن كلها موجوده استيراد واسعارها معقوله برضو مش عاليه وانت اصلا كل فين وفين لما هتحتاج حاجه منها يعني انا لحد الأن مشتريتش اي قطع غيار خارجيه غير جوز فوانيس خلفي غيرتهم أول ماشتريت العربيه وكان سعرهم 350 جنيه للفانوسين استيراد بحالة الجديد
بالنسبه للعفشه برضو كله موجود ويمكن دي اللي تعتبر غاليه نسبيا لكن مش قوي وده لاشتراكها مع موديلات تانيه ، علي سبيل المثال قاعده الموتور الخلفيه كنت شاريها استيراد كامله بالحديد بتاعها ب150 جنيه و هي هي بتاع تويوتا تريسل ... المساعدين كنت عايز اغير الخلفي واشتريتهم جداد ب550 جنيه هم هم بتوع الكورولا الخلفي بس لما فكيت عندي طلع المساعدين حالتها معقوله مغيرتهمش ولكن اكتشفت ان بتوع الكرولا الخلفي هم هم بتوع الاستارليت الأمامي ! السوست الخلفيه كنت جايب سوست اكبر شويه نفس المقاس بالظبط لكن فيها لفه واحده زياده طلعو زي سوست ايه بقي ؟ هي هي سوست الانسر والأتنين ب80 جنيه
نفسي والله اجمع اسعار قطع الغيار بس المشكله اني بنسي بطريقه وحشه
باختصار من وجهة نظري هي افضل عربيه في فئتها السعريه وعايز اقولك اني فكرت في كل اللي انت ممكن تكون فكرت فيه والحمد لله ان ربنا هداني ليها مع انها مكانتش في حساباتي و لاقيتها قدراً ونفس اليوم اللي اشتريتها فيه كنت متفرج علي اكسيل وابيزا (وعربيات تانيه كتير ومختلفه قبلهم)
زي إيه ؟اقتباس:
و الله بجد انا عاوز حد يفيدنا من الناس الخبرة العربية دى مع واحد صديقى و بيقولى أسعار قطع غيار بصراحة مش مصدق الارقام الوهمية الى بيقولها لى فا ياريت حد يفيدنا بخصوها
بيقولى ان ماستر الفرامل العمومى ب 850 جنية و سير الكاتينة ب 650 جنية ههههههه حاسس ان الاسعار بتاعتة فيها بركة شوية هههههههه
طيب ممكن تعرفني علي صاحبك ده عايز ابيعله عربيتي قطع غيار ههههههههههه
واضح ان كلامه فيه حاجه غلط يعني هو الموتور كله بكام أصلا ! السير كالعاده مش فاكر سعره بالظبط بس كان بيتراوح من 45 إلي 75 جنيه علي أقصي تقدير يعني في المتوسط 60 جنيه
ماستر الفرامل مش عارف سعره لكن زي ما قلت بعض الحاجات الغاليه هي غاليه بسبب اشتراكها مع موديلات تانيه زي مساعدين الكورولا ولكن في المقابل هي معمره ما شاء الله ومن النادر انك تحتاج تغيرها
بس بصراحه اللي يضايق فعلا هو كون الناس خلاص علشان سمعت ان قطع غيار العربيه غاليه فا كل ما حد يسأل عليها يقولوله حاجتها غاليه ومش موجوده ! أكيد النيه كويسه بس نقل الكلام بدون التأكد ممكن يضيع علي حد فرصه اقتناء عربيه حلوه وده بيحصل بالفعل مع ناس كتير ويقول ابعد عنها وخلاص
و الله يا باشا انا مش مصدقة مش فاهم لية القرع دة و هو لسة عامل طقم شنبر قالى انة اتكلف 4000 جنية أخر ما فاض بيا قولتلة هو انت راكب عربية bmw وانا مثلا متلخط فى الشكل بتاعها و بيقولى أسأل فى التوكيل فى شارع دمشق و قولت لة بيعها احسن لو قطع غيارها بالشكل دة بس كدة انا فهمت اشتغلات منة و السلام شكرا للتوضيح
4000 دول يسقط بيهم مكنه 1600 تخلي العربيه تطير من علي الأرض طير
طقم الشنبر كنت سائل عليه من فتره وكان علي ما أذكر في رينج ال250 جنيه وقول كمان طقم جوانات كامل بالمره 150 جنيه
بس مش فاهم إيه دماغه في كده يعني ؟ ده علي الأقل خالص هيعقد الناس من العربيه ولو حب يبيع مش هيعرف !