الموضوع: مشكلة كبيرة فى الفتيس حصلتلى النهاردة

انا كان عندي عضه خفيفه علي الغيار التاني(ماهاش دعوه باللي عندك) بس الزملاء الافاضل عرفوني ايه اللي لازم يتم علشان احصل علي افضل وضع للفتيس.
1- نزل الزيت اللي عندك وحط زيت شل لزجه 90 وحط فقط 1.8 لتر علشان كتر الزيت بيجيب نتيجه عكسيه علي سهوله تعشيق التروس
2- المسمار اللي ماسك العقربه اسمه (الخابور) غيره لو الفتيس فيه (بوش) يعني مش ماسك نفسه علشان لما تعمل رجلاش والمسمار ده مش حاكم مكانه كويس ( هاترجع ريمه لعادتها القديمه)
3- لو العربيه عندك بتترج مع الطلعه وبتحس ان الفتيس بيترج معاها وان عزم العربيه في المطالع ضعيف ومع تحميل اشخاص بيحصل الرجه دي ( يبقي طقم دبرياج)
4- راجع منسوب زيت الفرامل في تنك زيت الفرامل علشان الدبرياج عندك مش سلك زي العربيات القديمه ..الدبرياج ماستر بيستمد شغله من خلال زيت الفرامل يعني لو في تهريب او تسرييب الدبرياج هايهيس معاك
5- اتأكد برده من العقربه انها تمام ( هي المسئوله عن نقل الحلركه من العصايه بتاعه الفتيس للفتيس)
6- يستحسن تغير الميكانيكي لان الجواب بيبان من عنوانه

المشاركة الأصلية كتبت بواسطة m0hsen

يعنى اهم حاجة يا استاذ بكار ان الفتيس عندى سليم ؟
وانا اعرف ازاى ان الخابور ده عايز يتغير ياريت لو حد عنده صور ليه وهو بايظ يرفعهالنا
وشكرا

الاعطال المشهوره للفتيس اللي مافيهاش جدال بفرض ان كل اللي قلته سليم هو وجود صوت زي (زعقه) مع تعشيق الغيارات ( كانك بتنقل بدون دبرياج)
وكمان ممكن لما تدي نقله تلاقي الفتيس رجع النقله تاني وماقبلهاش
علشان نحكم علي الفتيس ( لامفر من انك تتاكد من اللي قولتهو لحضرتك علشان نبقي عارفين راسنا من رجلينا وما نبقاش بنخمن ونقول فتيس وممكن المشكله تكون ابسط من كده او بسبب حاجه تانيه)
كمان انت محتاج ميكانيكي فاهم مش بيفتي في اي كلام علشان ما تغرمش علي الفضي....وبردوا نستني رد باقي الزملاء الافاضل اللي بيفهموا اكتر مني

بص يا باشا الفكره اننا عايزين نرجع كل حاجه لوضعها الطبيعي علشان نسهل الوصول لسبب العطل علشان ماتبقاش الدنيا ماشيه سمك لبن تمرهندي

العيب أكيد فى ماستر الفتيس أو فى عمود الفرش ( الشوكة ) التى تقوم بسحب وإفلات بلية الدسك
تأكد أيضا من الماستر العمومى وكمية زيت الباكم وإن شاء الله خير