هو بسأل على ال c180 و ال c250 ,ده اللي فهمته ,
عرض للطباعة
فعلاً البي ام مافيهاش لا supercharger ولا Turbo مجرد ماتور عادي جداً، في المقابل مرسيدس المواتير بتاعتها (الي بتنزل مصر) بينقسم لنوعان:
1- نوع موتور عادي جداً ودا زي الي بينزل في المحركات 3000 CC مثلاً
2- نوع supercharged ودا بينقسم إلى نوعان برده:
(أ.) نوع بيسمىKompressor زي الي موجود في C180 الي في مصر وهي 1600 CC والي اتوقف
انتاجه بره علشان Euro 5 الجديدة.
(ب.) نوع بيسمى (CGI(CGI stands for "stratified charged gasoline injection ودي
التكنولوجيا الجديدة من Superchargerوبيختلف عن الـ Kompressor في طريقة دخول مزيج
الهواء والوقود إلى المحرك والتكنولوجيا دي من مميزاتها تخفيض استهلاك الوقود عن طريق
الحصول على طاقة اكبر من حرق نفس كمية الوقود في النظام السابق وبالتالي قدرة وعزم اكبر بكثير
للمحرك وبالتالي اداء يصل إلى 15% زيادة عن نظام الـ compressor العادي، وكمان بيقلل من
العادم الناتج عن حرق خليط الوقود بالهواء بشكل كبير، وبالتالي فهو بيطابق مواصفات Euro5 الجديدة.
وكانت بداية استخدام التكنولوجيا دي كانت في عام 2002 في بعض سيارات مرسيدس.
والنوع الأخير CGI الموجود في مصر في C250 و E250وهو 1800 CC والموتور دا بيطلع 204 حصان عند 5500 لفة وعزم قدره 310 نيوتن/ متر عند عدد لفات من 2000: 4300 لفة وتسارع من 0: 100 كم في زمنه 7.5 ثانية ودا موتور قوي جداً في نظري على حجمه.
وفي نوع CGI مش بينزل مصر حتى الآن ودا بينزل في اوربا C180 1800 CC برده بس بيطلع 156 حصان فقط عند 5000 لفة وعزم قدره 250 نيوتن/ المتر عند عدد لفات من 1600 إلى 4200 لفة وتسارع زمنه 9 ثوان فقط.
ودا بيتميز عن C180Kompressor 1600 CC الي اتوقف انتاجه في اوربا علشان الـ Euro5 والي كان بيطلع 156 حصان عند 5200 لفة وعزم قدره 230 نيوتن/ متر عند عدد لفات من 3000 لفة إلى 4500 لفة وتسارع زمنه 9.5 ثانيه. ودا الي مازال بيتباع في مصر.
وعلشان كده انا بحترم شركة مرسيدس اكثر علشان البحوث والتطوير الي مش بس بتتعمل على المواتير فقط بل السيارة بالكامل.