الموضوع: اقـــتـــراح بالــــــتـكــريـــــم

استاذ وليد
ده انا بحترم رايك ولا فى اى نوع من الرخامة ولا حاجة , بلعكس , دى وجهة نظرك ولازم تحترم

بس لو حضرتك فضيت من وقت وحياتك الخاصة وقت ونزلت مثلا تلف على رجلك عشان تسال لينا على محلات لقطع الغيار ةواسعارها , ووفرت من وقتك اللى بتقضيه مع اهلك وفى بيتك وشغلك وعملت ده
واجب علينا نقولك ايه
شكرا
و نقدرك ونكرمك
لان ده اقل حاجة نقدمهالك فى تعبك ,
وحتى لما الاعضاء كرمونى فى مقابلة خاصة , انا بكيت من شعورهم تجاهى وده حملنى حجات كتير , وخالانى مش بنام عشان الاعضاء وبحاول اجتهد عشانهم

واى انسان طبيعى بيتعب من غير تقدير هيمل ويزهق
ومجهوده وعطاؤه هيقل


عاوز اقولك ليه تانى التقدير بردوا واجب وحق لابد منه , وحعطيكى امثلة كتيرة تانية

فى معلومات فى اعضاء بينزلوا مخصوص يلفوا عشان يجيبوها و وفى كمان موضوعات كمان لاعضاء بيسهروا عشان يعملوها وبيتعبوا فيها,
وفى جهد قوى بيتعمل من قبل الاعضاء بيتعمل عشان الناس ولخدمتهم من وراهم ومحدش شايف حاجة

ده فى ناس مستعدين يدفعوا فلوس عشان يخدوا معلومة ويجيبوها للاعضاء ومن التوكيل , وانا عارف بده وعارفهم هما مين ,
بحكم الحمد لله انى قريب من الكل وصديق لاغلب الناس , فاعرف كل الاسرار الى حد كبير , ومقدرش اقول هما مين عشان هما مش عاوزين كدا , وبيخدموا لوجه الله
فلازم نعمل ايه , ابسط شى نقدرهم ونكرمهم
والتكريم ده حاجة رمزية , تقدرية

عن نفسى يا جماعة بعتبر المنتدى والقسم ده مش صفحة وخلاص وبتعدى
دى فيها اجمل واهم اصدقاء فى حياتى , وبرغم كل الامور اللى مشغول فيها فى حياتى , بعطيهم وقت كبير وحعطيهم لانكم تستهلوا كل خير , وانتم فعلا مش اصدقاء نت او اعضاء عاديين , الواحد بيعتبركم اخوة بجد
واتشرفت بعدد كبير من الاعضاء هنا فى غاية من الاحترام والتقدير

وصدقونى االشاطر فيكم يترجم كل ده ويعمق صداقته بالاعضاء , ومش حيندم لان حيلاقى ناس فى قمة من الاحترام , زى ما نا عملت كدا والحمد لله عرفت اغلب الناس , واللى يشرفنى معرفتهم وفى اتصال بيهم دايم اكتر من دخولى هنا كمان , ولو احتجتهم فى حاجة بيجروا عليه ويقفوا جنبى من القلب ,

وفعلا انا مع كريم فى اللى قاله جدا جدا , وهو كمان شرح وجهة نظره بحييه عليها احسن منى كمان
وفعلا ده بيتطور الموضوعات جدا وبيحس على حاجات كتير جدا

وفعلا اللى قولته يا كريم بيتم فعلا فى اى شركة محترمة ومبدا التحفيز ده مهم جدا

وبخصوص الهدايا وشهادات التكريم , فى مقابلات نيسان , دى حاجة اكيدة طيعا وانتو شوفتوا فى المقابلات اللى فاتت , ولسه اللى جى اكبر بكتير وفى مفاجات كبيرة فى المقابلة الجاية

والحمد لله بشهادة كل الناس اللى قابلتهم ان مقابلة نيسان اللى فاتت من احسن المقابلات اللى اتنظمت فى المنتدى كله , وكانت جميلة جدا , وكل اللى بيقابلنى بيحكيلى عليها

وادعولنا عشان اللى جى

بس موضوع التكريم ده حيكون شهرى مالوش دعوة بالتكريم اللى بيحصل فى المقابلات

وبخصوصال تكريم
انا بره اى تكريم يحصل هنا خالصصصصصصص ,
انا تكريمى بمقابلتى بيكم وبتعرفى بكل الناس المحترمة اللى هنا اللى اتشرفت بيهم ونفسى اتشرف بكل الناس الجدد كمان ,
وباذن الله مع بعض دائما