كل عام وانتم بخير اصدقائى واخوانى اعضاء قسم نيسان المحترمين
جتلى فكرة حبيت اطرحها عليكم ويهمنى فيها رأيكم لتنفيذها ,وظهورها الى النور إليكم ,
وهى
ممكن ننشئ موضوع عنوانه
" افضل موضوع فى الشهر وافضل عضو مشارك فعال مع الاعضاء"
وطبعا العنوان واضح منه ايه الغرض من اللى حيكون جواه
والموضوع حيكون مخصص لكدا
الفكرة دى جتلى عشان عاوزين نقيم ونقدر الناس اللى بتجتهد فى القسم , واللى كمان بتشارك وبتخدم الناس , وبتبذل جهد كبير ولو حتى ان شاء الله فى كتابة كلمة واحدة مفيدة لينا
الموضع حيكون مخصص ليه اول صفحة حيكون فيها صورة عملتها بالفوتوشوب عشان ننزل عليها اسم الموضوع مثلا الفائز فى الشهر , وكمان صورة تانية فيها اسم افضل عضو مشارك فعال
وفى الصفحات الاخرى من الموضوع , حيكون فيها مشاركاتنا الدائمة بالتصويت ,مين افضل موضوع ومين افضل عضو مشارك ونفضل نجمع طول الشهر الاصوات
وقبل الشهر بيومين مثلا واستقرينا على مين اللى فاز , اخد لينك الصورة وابعتها للادارة عشان تنزلها فى اول الموضوع
طبعا انتوا ممكن تقترحوا عليا افكار عشان نقيم بيها الموضوع والعضو الفائز
وطبعا كل ده بيساعد على تطوير الموضوعات وتنسيقها , وطرح موضوعات قوية , وكمان لتنشيط ودعم المنتدى بالموضوعات النشطة, وكمان قسمنا الحبيب
وطبعا تقيمنا للفائز بيكون بصفة ودية وتقديره وسطنا ,
الموضوع هنا لسه فكرة بطرحها عليكم ,
واذا وافقتوا
حنزل الموضوع وانسقه واحط الصور فيه وشروط الفائز وهكذا
ايه رأيكم ,
مين معايا