عرض للطباعة
السلام عليكم
انا نويت اجيب تيريوس 7 راكب بس معنديش معلومات عنها غير سعرها ...فكنت عايز اعرف شوية معلومات عنها زي هي سهلة في بيعها بعد كده و هل قيمتها هتنزل جامد ولا ايه؟؟؟؟
وكمان قطع غيارها اخبارها ايه ؟؟
وهل هيكون في تغيير في موديل 2011
مع العلم ان موضوع الـ 7 راكب ده مهم بالنسبة لي
و شكرااا
انا واحد صاحبى عايز يشترى التيريوس ال 7 راكب وفى التوكيل قالولو ان العربيه موديل 2010 بتنزل من غير كاسيت !!!!!!!
هل الكلام دة فعلا حقيقى ؟
نداء الى اصحاب القلوب الكريمه
نرجو الرد فى هذ الموضوع
وجبر الخواطر على الله :)
معلوماتي انا ماليزي وليست ياباني ولكن بنفس الموتور .. أما الكماليات والتجهيزات فبتختلف من فئة لأخرى وكلم التوكيل على 19kia
عربيه كبيرة وشكل غير عاطفى لامن برة ولا من جوة مش هاتلاقى مكان تركن فيه بسهوله شوف حاجه صغيرة وملمومه افضل
سيارة جيدة تنزل تحت اسم تويوتا فى بلاد كثيرة وتوكيل عندة خبرة كبيرة لاتتوقع كثيرا من ناحية التسارع او الدينامكية الهوائية للسيارة هى سيارة عائلية متزنة اقتصادية وبس
الناس فيما يعشقون مذاهباقتباس:
المشاركة الأصلية كتبت بواسطة raedegypt
ممكن الشكل اتفق معاك فيه
بس موضوع الركنة اي رصيف واطلع يا ريس
عربية سيئة للغاية ولا تمت لدايهاتسو
بتنزل في دول كتير باسم بردوا
ولو دخلت على موقع بردوا الماليزي هاتلاقيها بتتصنع بواسطة بردوا وفي مصنع بردوا مش دايهاتسو نهائي
فيها خشونة غير ال 5 راكب ومن جوة فقيرة غير ال 5 راكب
والموتور ضعيف جدا على جسمها
مالهاش قطع غيار كتير في مصر
واحد زميلنا في المنتدى عمل حادثة بيها ومش لاقيلها قطع غيار كتير ومحطوطة في مركز الخدمة في انتظار قطع الغيار
؟؟؟؟؟ لو 1500 سى سى على الجسم دة بلاش منها و اصلا تكييف العادية ضعيف مش عارف الكبيرة عاملة اية انا شوفت فيها فتحات تكييف ورا
ده لينك ليها
Perodua Nautica SUV
وده كمان
PERODUA NAUTICA 4WD vs DAIHATSU TERIOS | Ezzy Get A Car
شوف بيقول ايه
ايه الهجوم اللي حاصل على التريوس دا ؟ :)
ببساطة شديدة ...
أولاً : تكييف التريوس الخمسة راكب قوي جداً جداً .... الجراند مجربتهاش ......
ثانياً : موتورها 1500 سي سي و نظام دفع رباعي .... و دا نفسه اللي في سوبارو امبريزا السيدان .... 1500 و دفع رباعي ... غير كدا دايهاتسو مواتيرها فيها تكنولوجيا عالية جداً و ادخلوا على موقع دايهاتسو و شوفوا ..... و بعدين هما مش عبط علشان يحطوا 1500 على حجم كبير زي دا ...... 1500 ماشي بس فيه تكنولوجيا تخلي التريوس زي الجيب بالظبط .... الحل انكم تدخلوا على موقع دايهاتسو نفسه و تشوفوا ......
ثالثاً : لو الموتور اعلى من 1500 .... مبقتش دايهاتسو , لان دايهاتسو هو ركن السيارات الاقتصادية من تويوتا ..... يعني موتور ميزيدش عن 2000 .....
رابعاً : دايهاتسو و تويوتا و غيرهم بينزلوا في بلدان باسماء تانية ...... و شوف الويكيبيديا .....
خامساً : الجراند بقيت اكبر من الموديلات اللي فاتت ....
يعيب الجراند حاجة .... ان تقفيلها اندونيسي ..... لكن لحد دلوقتي مظهرش اي عيوب في التقفيل بتاعها ... و مكوناتها يابانية ...
التريوس الخمسة راكب بكل فئاتها يابانية 100 % مكونات و تقفيل ...... علشان كدا تكييفها قوي جداً ..... ( انا باتكلم عن 2010 و 2009 مش باتكلم عن 99 و 2000 لان فعلاً تكييفهم مش قد كدا ) ...
حرام نظلم التريوس .... :) :) لان الأساس دايهاتسو بتاعت عربيات اقتصادية ... و مواتير اقتصادية بس بكفاءة المواتير العالية :)
لايفتى ومالك فى المدينة بس العربية الحادث دى توكيل او خليجى لانها كانت من ضمن اختيارتى للسمعة الجيدة لعبد اللطيف جميل هنا فى السعودية وميزة السبعة راكباقتباس:
المشاركة الأصلية كتبت بواسطة karim_monir
[الكلام هنا جيد فى السعودية على السيارة دة بس مش بتاعت سرعة وتفحيط
انا بهاجم التريوس ال 7 راكباقتباس:
المشاركة الأصلية كتبت بواسطة alios
عشان كدة بقول انها غير ال 5 نهائي ولا تمت لها بصله من خشونتها وسوء تقفيلها
تسلم بس يا ريت تجربها قبل ماتجيبها لانها مش حلوة فعلااقتباس:
ايفتى ومالك فى المدينة بس العربية الحادث دى توكيل او خليجى لانها كانت من ضمن اختيارتى للسمعة الجيدة لعبد اللطيف جميل هنا فى السعودية وميزة السبعة راكب
هيا بردوا بالظبط
ماينفعش ندفع فيها التمن ده ابدا
اخرها 90 الف ولا حاجة
دا تمنها ب 159 الف و انا كنت ناوي اجيبها علشان 7 راكب و عاليه! رجاءا لو حد يقوللي على عربيه 7 راكب بس الخلاصه
ياعمى الدايهاتسو شكله غير عاطفى لامن برة ولا جوة شوف لك حاجه لها منظر
أنا سمعت قبل كده إنها شاسيه ال Avanza , بس مش متأكد من المعلومة.
انصحك بيجو 308
بيجو 308 روعة اكيد
ومش تنسى الأستخاره
ههههههههههههههههههههههههه ههههههههههههههههههههههههه ههههههههههههاقتباس:
المشاركة الأصلية كتبت بواسطة raedegypt
امال اية العاطفى عندك الالنترا مثلا
على رائيك انت تركب عربية منظر وخلاص ليك فى الشكل وتنسى المضمون
تنسى الامان والخامات المصنوع منها العربية علشان اركب عربية منظر
انا متفق معاك تماماً .......اقتباس:
المشاركة الأصلية كتبت بواسطة medo_sirion
في ناس كتيير في مصر كدا ..... عاوزين حاجة منظر من غير ما نشوف مضمونها من امان و قوة موتور و قدرة ....
لكن ح نقول ايه ؟ ........ كله ماشي بثقافة : دماغك ! :)
يا جماعة بلاش نغلط في بعض وبلاش ناخد العربيات بمحمل شخصي كانها زوجاتنا
دي ركوبه هاتخلص منها بعد شوية وتجيب غيرها
التريوس ال 5 راكب محترمة
ال 7 راكب لاء
وفعلا انت واقع في حيرة كبيرة
وبلاش بيجو
قطع غيارها نار النار وتوكيل زفتين بجد
للاسف في الفئة دي مافيش عربية محترمة اقولك خدها وانت مطمن
حتى تويوتا افانزا لا تمت لتيوتا بصلة
كانك راكب عربية نقل فعلا واللوجان ال 7 راكب خشنة جدا وتحسها اقرب لعربية نقل ميني فان
لو كانت الكارينز بتنزل 7 راكب كانت حلت مشاكل كتير
للاسف اختياراتك محدودة
انا شايف ان افضل الأختيارات لك دلوقتي في 7 راكب هيا التيريوس
وبرضه مهما كان لها عيوب فهيا اقل من اللي موجود في فئتها وتعتبر افضلهم
هيا مش بالوحاشة اللي متخيلها البعض ولا هيا طيارة
هيا عربيه هتعطيك المساحة اللي انت عاوزها بالاداء المتوسط لأي عربيه مع الأخذ في الأعتبار انها هتبقى اعتمادية معاك ومش هتحتاج مصاريف منك ولا هتتعبك في صيانتها
شوف انت عاوز ايه من العربيه وان شاء الله هتلاقيه فيها
هيا عربيه لها هدف من تصنيعها والهدف ده مش انها تبقى طيارة ولكن انها تبقى عائلية بأداء طبيعي عادي لا هو جبار ولا هو ضعيف ممل
ملحوظة صغيرة ماتور التيريوس ليس له اي علاقة من قريب ولا بعيد بالامبريزا خالص
الأمبريزا ماتور بوكسر مش زي ماتور التيريوس نهائي
بيجو 308 واسال اصحابها عنها
انا مقصدش ان موتور التريوس هوا هوا موتور الامبريزا ....اقتباس:
المشاركة الأصلية كتبت بواسطة أبو عبدالله
انا بقول لك شوف السعة اللترية و شوف نظام الدفع .... الاتنين نفس السعة اللترية و نفس نظام الدفع ..... 1500 و دفع رباعي .......
لكن لكل موتور منهم تكنولوجيته الخاصة بيه ....... لكن مقلتش ان دا هوا دا ....
السوبارو دي حاجة تانية و موال تاني .... :) :)
طيب بما انك معاك امبريزااقتباس:
المشاركة الأصلية كتبت بواسطة alios
متجيب لفه بقه علشان عاوز اجرب الموديل ده
وممكن تقولي ايه العيوب بتاعتها انا عارف المميزات بس قولي ايه العيوب او العيوب من وجهة نظرك انت يعني
حمد لله على السلامة...:E_braces[1]:اقتباس:
المشاركة الأصلية كتبت بواسطة medo_sirion
يعنى كدة حارجع تانى للميجان البوكس واعادة بيع بتكون صعبة جدا وخسارة حوالى النصف لو لقيت مشترى
شكرا لاهتمامكم و نصايحكم وربنا يعمل اللي فيه الخير
اقتباس:
المشاركة الأصلية كتبت بواسطة slim_shika
الله يسلمك
بس بجد كلامة غريب اوى وضيقنى
وانا مستعد اطلع اشد معاة حتى لو معاة اللانترا علشان اثبتلة انها مش مش بشكل
وانت فاهمنى اكيد يامارتن:3mla:
اقتباس:
المشاركة الأصلية كتبت بواسطة medo_sirion
ههههههههههههههههه...معلش يا مستر ميدو..اللي مايعرفك يجهلك..:E_braces[1]:
على فكرة أنا منستش, ولسة مستني موضوعك..:3mla:
سوزوكى فيتارا 7 راكب
بس انا معنديش معلومات عنها ولا عن جودتها
فقط انها 7 راكب ويابانى
السلام عليكم ورحمة الله وبركاتة
انا معي تريوس مش جراند
من حيث التوكيل فهو ممتاز من حيث السحب وسرعة التسارع فهي زي الهباب وده في التريوس فما بالك بالجراند اللي المفروض اكبر
وطبعا اختيار حضرتك له معطيات لا يعلمها الا حضرتك فتوكل علي الله واذهب مشوار التوكيل في ابو رواش او العبور وضيع ساعة او اثنين مع الملاك ستجد اللي رايح بمشكلة او بشكوي او ان تجد الحال عال ويزيد ذلك من قناعتك وربنا يوفقك واوعي تقول منا داخل للمنتدي اهه علشان اتحاور مع الملاك اصل فيه ناس لن تقر بمشاكل السيارة علي العموم كده حفاظا منهم علي سمعتها والا لن يستطيعوا بيعها ههههه
م.حاتم السباعي
يا باشا خدها ليك خالص ........ ما تغلاش عليك :) :)اقتباس:
المشاركة الأصلية كتبت بواسطة أبو عبدالله
بس لما اجيبها ان شاء الله :) :) .... انا حاططها باعتبار انها ح تكون السيارة التانية :)
اعتقد ده حل مناسب .. شكراااقتباس:
المشاركة الأصلية كتبت بواسطة hagan