مع إحترامى لحضرتك
وبصفتى مالك للياريس
أقول لك بكل صدق أن فرامل الياريس المانيوال أى التى بدون abs سيئة جدا جدا جدا
وأى فرمله خطر تبدأ السيارة بالزحف بقوة كبيرة جدا بدون تناقص قوى للسرعة
عرض للطباعة
[QUOTE=ahmed_fahmy;3872974687] و الله البى ام الفئة السابعة ماتعرف تعملها .....
[QUOTE=SE_coralsea;3872975071] كده احترامى لحضرتك زاد جدا يا بش مهندس ...
انت عارف لو كنت شلت الواحد اللى على الشمال ده ... كنت ممكن اصدقك ... و عموما عادى ... انا كمان كان معايا 128 مشيت بيها 150000 كيلو من غير ماحط بنزين :36_6_3[1]:
ههههههههههههههههههههههههه ههههههههه ... و الله مرة كنت هاعمل كده فعلا .... كنت رايح راس البر بعربية لادا و بعد ماوصلت العربية سابت فرامل خااااااااااالص .... و كنا بالليل و لازم نرجع .... قلنا نعمل زى مانت بتقول كده .....و انا راجع بقى كنت بكارك للعربية من قبل اى مطب ببتاع 300 متر كده ولا حاجة عشان تهدى مع انى كنت ماشى على 80 بس
فكرتنى بايام حلوة قوى .....
لا هى مش وحشة مقارنة بالعربيات اللى زيها يعنى هى تقريبا زى النيو اكسنت فى فراملها كده و هى كده مش وحشة
ممكن تكون فرامل جيدة مقارنة بالاكسنت او الفرنا مثلا, لكن مش وهمية للدرجة دي .. خاصة ان الكورولا حتى فراملها مش كويسة
ممكن تكون جامدة مقارنة بالهيونداي مثلا ؟ , لكن مش قوي كده لان الكورولا حتى فراملها مش قد كده
ياحبيبى االباشمهندس بيتكلم عن الفرمله فى المواقف الصعبه والسيطره على العربيه
وعاما انتا عندك بى ام هات 3 قراطيس ب 30 جنيه يا سيدى من عند الناس بتوع طفايات الحريق
وحطهم ورا بعض بحيث انك تقدر تعمل كروس وامشى على 80 كيلو مش هقول 100 علشان اخاف عليك
واعمل نفسك انك هتخبط فيهم وتعالى اضرب فرامل على الاخر واقعد عدى ال 3 قراطيس دول كروس يعنى
وشوف هتسعفك ولا لا ولا هتخبط فى قرطاس فيهم وهتقف امتى
وتعالى بياريس اوتوماتيك فول ابشن الى فيها abs وامشى على 80 واعمل نفس الحركه بصراحه وانا براهن وعن تجربه مش مع البى ام لا مع الانسر وحاجات وكتير فيها abs هتلاقى ثبات وسرعه توقف وتحكم فى العربيه بسم الله ماشاء الله زى مايكون الى صمموها عملوها بحيث انك اضغط جاااااااااااااااااامد على الفرامل ولف براحتك ماتقلقش انقذ نفسك باقصى حاجه عندك ماتقلقش هتقف وهتسعفك ومش هتتقلب انا رائى انهم صمموها لكدا
وصدقنى لو مابين كل قرطاس والتانى 10 متر بس هيا تقف عند القرطاس التانى بالظبط يعنى 20 متر بالكتير رغم انك بتحود باقصى قدرتك الانسر بسراحه السوبر اكشن لقيت ظهرها عااااااااااام وهوب بقت بتلف 180 درجه وساعتها قولت العربيه دى فيها vsc يعنى veicle stability control بس اكتشفت ان دا من الكاوتش الى فيها هوا الى عامل الفرق دا
ربنا يحفظك انت وعربيتك
الياريس عربيه ممتازه جدا وسعرها فى حدود المعقول وفراملها تحفه
فعلا أنا بأتكلم عن المواقف الصعبة و ده اللي حصل معايا , لأني كان ممكن البس وش في وش مع عربية تانية دخلت الطريق غلط
و فعلا العربية كويسة جدا جدا لو فرملت فجاه مع كسرة الطارة بس بشروط :
- الزوايا تكون مظبوطة
- الكاوتش يكون ضغطه متساوي و مظبوط
و فعلا لما كان فيه خلل في الضغط بين الاطارات (28 - 29) العربية عومت خفيف لكن بعد كده لما ظبطت الضغوط كلها علي 31 و طلعت تاني يوم و جربت العربية بسم الله ماشاء الله عليها وقفت زي ما انا عايز و لم تهتز سم واحد سواء يمين أو شمال
المهم ... ربنا هو اللي بيسترها و بيلهمنا التصرف الصحيح بس نعمل اللي علينا :
- نسيب مسافة بينية مناسبة
- بلاش جري و سرعات زائدة
- نهتم بالصيانات في مواعيدها و الكشف الدوري علي الاطارات و الفرامل
مع خالص تحياتي
م/ سمير الشهاوي
انا زى ماقلت قبل كده غيرت التيتل فى الكورولا 2003 بتاعتى مره واحده عند 135 الف .. وكان الكلام ده فى التوكيل..وقالولى ان لسه فيه 10%
بس للحق انا 90% من سواقتى على السريع.. وانا سواقتى هاديه مافيش قرص وفرامل مفاجئه والكلام بتاع الشباب ده