التكييف بيعمل بقعة ميه ... ده طبيعى

**aaet1** · 23-08-2010 12:06 AM

السلام عليكم،
اخوانى هل التكييف ممكن يسبب بقعة ميه تحت العربية؟؟

لاحظت انى بعد ما أوقف العربية ان فيه ميه بتنقط من المنطقة اللى تحت التابلوه من ناحية الراكب الأمامى شوية والتنقيط ده بيستمر شوية لغاية ما يقف وبعد ما يكون عمل بقعة حجمها متوسط تحت العربية

لما حاولت أمشى من غير تكييف شوية ماحصلش التنقيط

رجعت استخدمه ولمدة ساعة مشى لقيت التنقيط تحت التبلوه موجود على أرض الشارع لدرجة انى لما بدى مارشدير الاقى العربية راسمة على الأرض خط ميه

أنا مش عارف ده طبيعى، أنا حطيت ايدى واتأكدت انها ميه مش زيت، فمش عارف ده طبيعى ولا لأه

تحياتى

**IsmailIbrahim** · 23-08-2010 12:36 AM

طبيعي جدا حضرتك ماتقلقش خالص من الموضوع ده

**aaet1** · 23-08-2010 12:48 AM

غريبة مع ان حضرتك طمنتنى بس برضه أحب اقول حاجة .... الموضوع ده مالحظتوش غير اليومين اللى فاتوا دول

وبعدين ما الواحد بيشوف عربيات كتير ماشية فى الشارع ومولعة التكييف ما بيشفشهاش ماشية تنقط!!!!

ولا يمكن علشان اليومين دول الرطوبة عالية جدا فى الجو .... مش عارف