فيه حاجة اتكسرت في عفشة الميجان٢ - عطــــلان
السلام عليكم يا وحوش. انا معايا ميجان ٢٠٠٧ ماشي تقريبا ٧٠ الف كم
النهاردة للاسف خدت دبة في العجلة الأمامية شمال - طبعا الجنط الالومينيوم كان الضحية الأولى :(
بس المشكلة الاكبر ان فيه حاجه تقريبا اتكسرت! فيه صوت طرقعة حديد (عالي جدا) في العجلة مع لف الدركسيون أو مع الفرامل أو مع المطبات. طبعا انا اتحركت بيها ببطء جدا لغاية ما ركنتها في مكان أمان. انا حاليا في شبرا وعلشان البخت النهاردة الأحد والميكانيكية قافلين معرفتش الاقي حد يبصلي المشلكة في ايه؟؟؟
١- حد يا جماعة يقدر يقولي ايه اللي ممكن يكون ضرب وبيعمل الصوت ده؟ وهل يتمشي بيها ولا هاضطر أجيب ونش؟
٢- انا من قبل كده كان عندي مساعد نفس العجلة عايز يتغير. فغالبا هابص على العفشة الامامية كلها. أروح لمين يكون حواليه برضه قطع غيار؟؟
٣- انا قلبت في المواضيع هنا ولقيت الناس بتشكر في carboys اللي ف النزهة الجديدة - بس فهمت انه تقريبا معندوش قطع غيار- صح؟؟ انا اعرف ان لوازم العفشة بتبان لما يفك. الناس اللي عملت شغل عنده بيجيبوا اللوازم منين؟ ويا ريت لو حد عنده تليفون ليهم
وشاكر ليكم المساعدة
