بلاش يا احمد السرعات دى وبالذات بليل, الطريق غدار وانت عارف
عرض للطباعة
بلاش يا احمد السرعات دى وبالذات بليل, الطريق غدار وانت عارف
مهو ماينفعش كده غير بليل و انته برضو عارف :mrgreen:
ساعة و كام :) خاف على نفسك يا عم أنا أعرف إن بورسعيد تتاخد فى أقل واجب ساعتين و نص :) أنا معرفش الطريق بس عشان ترجعلنا بالسلامة المقابلة القادمة إن شاء الله :)
أنا بجد فاتتنى المقابلة دى و كنت متضايق أوى إنها فاتتنى و تتعوض قريب أوى إن شاء الله :)
على فكره السبب إن شريف كان خايف .....................إنه شارب بيبسى كثير :D هههههههههههههه بس الصورة صايعه بتاعت البيبسى و شريف :) ممكن تاخد أجمل صورة :P
يا محمود إحنا كنا مظبطين الصورة دي علشان نضحكوا وشريف الحقيقة وافق وجمع مع كريم منير علب البيبسي الفارغة، لكن الراجل ياجماعة ماشربش غير اتنين بس زيه زينا بالظبط :lol:اقتباس:
بس الصورة صايعه بتاعت البيبسى و شريف ممكن تاخد أجمل صورة
- بالنسبة لكريم منير : تعليقك على تكييف العربية ليس في مجمله صحيحاً، إنت سوقت العربية وهى كانت من الصبح لغاية مانت طلعت بيها في الشمس فكان طبيعي إنك ماتشعرش بأداء جيد للتكييف خلال فقط 10 دقائق وإن كان في مجمل أداء التكييف أنه ليس بالقوة اللافتة
أما بخصوص تأثير التكييف على المحرك والسحب، فده غير صحيح بالمرة ، لأنها فعلاً سحبها لا يتأثر التأثير الملحوظ بتشغيل التكييف، دا والله بكل أمانة
- بالنسبة لحبيبي سوكاسون اللي خايف من استدعاء قوات الاحتياط الاسبرانزاوية، وشن هجوم مباغت على كريم منير على غرار الصدمة والرعب، أحب أطمنك إننا وبعد تشاور مع هيئة الأركان الاسبرانزاوية قررنا إلغاء هذه العملية والاكتفاء فقط باتخاذ إجراءات عقابية بسيطة على كريم منير على سبيل المثال لا الحصر سرقة سيارتة والمطالبة بفدية كبيرة جداً تُقدر بـ 3500 جنيه :lol:
يا وائل انت ما شوفتش اللانسر وتكييفها ولا حتي اللانوس ولا بلاش
عربيتي لما تتنقع طول النهار في الشمس قدام الشغل واول ما ادور واشغل التكييف خلال نص دقيقة يبدا يجيب علي طول ساقع غير انة مش بيحط علي العربية كدة
شوف انت حاجة قدامك غير اسيرانزا
عارف تكييفها فكرني بتكييف الاكسيل ال 1500
اول مايشتغل يحط علي العربية
وبعدين يا عم مانا قلت كلمتين حلوين بقي ماتبقاش اسبرانزاوي كدة وتدافع قوي احسن اجيبلك شريف المصري
ده انت ماسمعتوش وهو بيقول ازاي تجيب 160 بعربية اسبيرانزا صيني واحنا جواها
مش خايف تلاقي العجل ماشي جنبنا
يقوم علاء يقول انا سمعت ان المساعدين زهر وممكن نلاقي العربية بتتنطط من غير مساعدين دلوقتي
مش بقولك انا اكثرهم حيادية واعتدالا
[b]كل مقابلة وأنتم بخير .. والواحد فعلا ندم أنه ماراحش وشاف الناس الحلوة قوى دى ..
وأجمل حاجة فعلا ياكريم باشا عملتها هي الصور .. والتعليق عليها ..
علي الأقل الواحد بقي عارف هو بيكلم مين .. شكلا علي الأقل ..
بس وكأنها مفآجات .. الواحد يشوف الأسم ويراجع الصورة .. تكتشف العجب ..
في أشخاص الفرق كبير جدا بين الصورة الحقيقية والصورة إللي خيال الواحد رسمها بتلقائية عن طريق الأسلوب ..
وفي اشخاص قريبين قوى من أسلوبهم ..
علي كل .. مقابلة سعيده وإن كانت شكلها ( برضه من الصور ) .. محدودة .. لأن الواحد كان معتقد أن الدنيا حتبقي زحمة قوى ..
المهم .. فين صور العربيات ...!!!!!!!
يا كريم باشا أنا زعلان منك عشان فتحت موضوع تاني للمقابله
عشان تصالحني أعمل خدمه بما أنك site admin وانقل كل المداخلات إللي في الموضوع ده أضغط هنا للاطلاع على الموضوع
إلى هذا الموضوع أو قم بنقل كل المداخلات من اهذا لموضوع إلى الموضوع الأخر
المهم يكون موضوع المقابله كله في موضوع واحد
وبجد يا جماعه المقابله بقت ادمان عند الواحد