مقابلة العبور-25-5-2007 By Karim

**Karim_Monir** · 26-05-2007 08:14 PM

السلام عليكم ورحمه الله
عن مقابلة امبارح كانت اكتر من رائعة فعلا بس كان العدد قليل قوي حوالي 13
الكل جه بدري تقريبا ماعدا ابو نورا اللي دايما متاخر بسبب نانا الزنانة :lol:
جربت كل العربيات امبارح وكنت عايز اجرب اول واحدة السوبارو وهاكتبلكم بالتفصيل تجربتي مع كل سيارة

1-الاسبيرانزا بتاعت وائل عطية
العربية واسعة - تقيلة -راسية-تسارع حلو فكرني باللانوس جبت بيها لحد 160 كم وكان جنبي شريف المصري وورا محمد علاء وحازم خضر
العربية تجميعها حلو من غير تكييف - بالتكييف زبالة
شريف كان مرعوب لما وصلت ل 160 ويصرخ ويقول مش عايز اموت في عربية صيني (بجد كان احلي فيلم كوميدي عيشتة في حياتي ) ويقولي دول هايلمو لوائل ويجبولوة غيرها عشان يخلصوا من شريف المصري :lol: :lol:
العربية قواعد الموتور مش حلوة والتقفيل الداخلي سيء بس واصعى وكماليات كتير
تكييف تعبان حتي علي 4 وبيحط علي الموتور قوي- العفشة مش اد كدة وفي خشونة بسيطة في الفتيس
بس زاوية الؤية فيها جيدة جدا ومريحة نسبيا بس العزل سيء داخل الكابينة
شايف انه لسه سنتين علي ما نحكم عليها بجد وتدخل مقارنة

2- الانترا بتاعت شريف 2006 حلوة وتجميعها معقول بس ماحستش بفرق عن عربيتي ال 1400 بس في خشونة في الفتيس وصوت الموتور مسموع والانترا الجديدة سحبها طبعا افضل منها وثباتها اعلي عشان ال EPS بس عربية شريف ماتحسش انك شغلت التكييف قوي برضه بس رؤية الطريق مش اد كدة والعزل جوة الكابينة نص نص
3- الماتركس بتاعت هاني مش هاحكم عليها عشان مش حاببها بس عربية واسعة ومريحة بس الفتيس نقلاتة بعيدة عن بعض والهوا بيخبط فيها جامد ومش عارف ليه وانا سايقها حسيت اني سايق نص نقل من العلو الجامد بتاع الكرسي مش الخشونة عشان محدش يفهم غلط

4- السريون بتاعت ابو عبدالله مكنتش متخيل عربية صغيرة الحجم كدة بالجمال ده-ناعمة جدا ثابتة جدا جدا قرصت علي الموتور مع انها اتوماتيك بس لما قرصت كيك داون استجابت بسهولة وال RPM عدي ال 5000 بسلاسة وهدوء بدون نعر في الموتور
اما في المنحنيات فرائعة فعلا العربية دي لو ترخص شوية هاتكتسح فئتها بكل سهولة لان مصر مش بلد الهاتش باك

5 - السوبار خليتها للاخر عشان كانت النجمة
العربية مع دوران الموتور مع انك مش سامع حاجة بس تحس بهدير القوة
الفتيس ناعم جدا والنقلات قريبة بس التجميع العام بطيئ - العربية دي لو 2000 تبقي خرافة الثبات غير عادي ماعدتش ال 140 عشان شريف بيخاف من السرعة :lol:
والتكييف مش مؤثر تماما علي الموتور اما اعفشة فحدث ولا حرج انسي انك تحس بحاجة وكمان العزل جوة الكابينة فوق الرائع
طبعا وانا راجع كان شريف اللي سايق عشان كان عايز يجرب هو كمان

كل الشكر للناس اللي سمحتلنا اننا نجرب عربياتها

دي صور اللي اتصورت بموبايلي عشان الناس تعرف الشخصيات الحاضرة
(علي فكرة كان في اقتراح في اخر المقابلة عن ان المقابلة الجاية هاتكون في فندق اميجو العين السخنة ونعمل داي يوز والفرد بيتكلف 70 جنية للفرد طول اليوم بالغداء علي البحر وكل 3 او 4 يروحو في عربية واحد-اقتراح من العبد لله ونشوف ارائكم اي-وبالمرة نشوف اخبار العربيات علي الطريق ايه)
كريم منير

**Abdallah** · 26-05-2007 08:29 PM

ههههههههههههههههههههه بقة شريف المصرى بيخاف من السرعة ؟؟؟؟؟؟؟؟
بسم الله ما شاء الله يا شريف , ايدك زى رجلك:D

ايه دة يا احمد, هيا السوبارو الى عملت فيك كدة ولا ايه :P

طبعا وائل عطية فرحنى جدا لما عرفت انه بكرش, كنت خايف يبقا منظرى وحش فى الوسط هههههههههههههه

والله كنت اتمنى انى اكون حاضر بس تتعوض ان شاء الرحمن وطبعا مش فى السخنة يا ابو كريم هاا.

**Ahmed Hassan** · 26-05-2007 08:30 PM

تقدم العربيه شويه كده يا كريم و تروح زهوتها.. و اغير الموتور و احط 2000 سي سي نربو و اخليك تجرب تاني

**ecybrarian** · 26-05-2007 08:33 PM

الصور دي خلتني اشعر بالندم لعدم الانضام لهذا الاجتماع وفقد فرصة التشرف بتلك المجموعة. إن شاء الله المرة الجاية أكون معاكوا.

**Karim_Monir** · 26-05-2007 08:34 PM

المشاركة الأصلية كتبت بواسطة Ahmed Hassan

تقدم العربيه شويه كده يا كريم و تروح زهوتها.. و اغير الموتور و احط 2000 سي سي نربو و اخليك تجرب تاني

ربنا يباركلك فيها يا حبي والله
بس انا نقلت رايي للامانة بس
اما عن ال 2000 شكلنا مش هانشوفها في بلدنا الجميلة
ابقي فكرني لو سافرت بعثة للصومال ابقي اجرب العربية هناك اصلي سمعت انها منتشرة قوي هناك :lol: :lol: :lol:

26-05-2007 09:10 PM

:lol: :lol: :lol: :lol: :lol:

وربنا يا شريف انت جااااااااااااااامد انا مش قادر ابطل ضحك من ساعة ما شوفت الصورة ديه

**sokasoon** · 26-05-2007 09:11 PM

تمام يا كريم ميه ميه كده

بس شريف خلص البيبسى كله لوحدوووو :lol: وبيخاف من السرعة العالية ههههههههههههههه صورتها ازاى

ديه :?: وهو شريف ماكنش واخد بالوو خالص

وان شاء الله المرة الجاية اكوون معاكوو بس من غير كرش ههههههههههه :P

على فكرة الكرش بيبقا بسبب العربية

**sh_masry** · 26-05-2007 10:26 PM

كريم كتب :

بس رؤية الطريق مش اد كدة والعزل جوة الكابينة نص نص

اكيد انا عندى الرؤيه للى مش متعود وحشه جدا لأنى مفيم العربيه كلها اسود سوبر دارك فبالتالى محدش هايشوف لا من بره ولا من جوه هههههههههههههه.
بالنسبه للعزل .... هو حلو جدا فى الألانترا بس هو مش تمام فى عربيتى انا شخصيا لأنى عامل فريم اسود على الزجاج من بره و ده بوظ الكاوتش بتاع العزل.
انا فعلا استغربت ان عربيه كريم شدت معايا حلو قوى مع انها 1400 و انا 1600 بس فعلا قويه و طلعت منه بالعافيه ,,, و يمكن علشان انا تقيل جوه العربيه ( انا لوحدى ب 3 انفار هههههههههههه)

ابو عبدالله كتب:

بقة شريف المصرى بيخاف من السرعة ؟؟؟؟؟؟؟؟

انا بترعب لو حد سايق و انا جنبه و هو بيجرى و اصحابى كلهم عارفين انى يا اخرج بعربيتى يا اسوق عربياتهم مع انى متعود على الجرى و سواقتى على طول بجرى و بالذات فى السفر مش اقل من 160 و لغايه 200 او 210 .

sokasoon كتب:

بس شريف خلص البيبسى كله لوحدوووو

يا soka ماتصدقش انى شربت ده كله ,, ياراجل حرام عليك ده انا يجيللى تسمم بيبساوى فى المجارى البو .... قصدى البيبسيه .

a7'ookom
Sherif

-

الموضوع: مقابلة العبور-25-5-2007 By Karim

LinkBack

أدوات الموضوع

عرض

مقابلة العبور-25-5-2007 By Karim - انشر الموضوع فى :

-

-

-

-

-

-

المواضيع المتشابهه

صور مقابلة 29/9/2007 -- 17رمضان ( 2007 )

صور اول تغطية ل اتوماك اخبار اليوم 2007-By Karim Monir

صور مقابلة الجمعة 3 اغسطس 2007-By Karim

صور مقابلة 6-7-2007 بالعبور

صور مقابلة العبور

الكلمات الدلالية لهذا الموضوع

المفضلات

المفضلات

ضوابط المشاركة