مبروك على المقابله يا كريم
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
السلام عليكم ورحمه الله
كل عام وانتم بالف خير وصحة
سعيد بحضور كل واحد ماكنتش شوفته وسعيد اكتر بالناس اللي بقالي كتير ماشوفتهاش
وان شاء الله الي ما شوفتهمش الوشوش تتلاقي قريب
اليوم كان اكثر من رائع
التنظيم هلكني بطريقة لا يمكن تخيلها
لا تتخيلو كام واحد اتصل عشان يسال ازاي يحول الفلوس
وفي الاخر ماحولوش برضه لان اللي حولو الفلوس بالظبط 5
هاهاهاهاهاها
من اجمالي عدد 55
اينعم
وكام واحد اتصل عشان مش عارف الطريق
وكام واحد اتصل عشان مش عارف يوصلنا
لما بقيت شبه سنترال الزقازيق المركزي :-)
وتنظيم الاكل والتخطيط اللي فشل ورجعنا للمطعم تاني
والحمد لله تمت على خير في الطعم
انك تكون مسئول عن 55 فرد ياكلو حاجة مش طبيعية
وده افطار مش اكل
وفي ناس اكلت اكل ناس
هاهاها
بالغلط طبعا بدون اسائة نيه
وفي ناس جت متاخرة مالقتش اكلها
سامعني طبعا يا احمد نيسان ويا شنوري وغازي
وفي ناس ماكلتش خالص
اه والله
انا مافطرتش :-(
للامانة شربت شوية ميه وعصير
وصباعين ورق عنب
بسسسسسسسسسسسسس
وناس كانت طالبه الطلب فراخ مشوية
نزلته عند حد تاني
اتاكل طبعا
هاهاها
ونزل غيره بعدها بشوية
بجد كانت كوميديا
وفي سفنـــــــــــــــنجة كبيرة عملاقة
امتصت 15 زجاجة ميه
اه والله انا دافع تمن 15 زجاجة ميه زيادة
ووجبتين زيادة غير الفراخ
عامة
بالف هنا
جررررررررررر
خلص الفطار وسابوني فوق بحاسب مدير المطعم
محدش طلع يسال عليا
رغم ان المطعم عالي قوي
الحمد لله :-) عدت علي خير
وتشرفنا بحضور فريق طلبه هندسة جامعة حلوان
اللي شرفونا بحصولهم على الترتيب ال 74
رغم عدم توافر اي امكانيات مطلقا
لاء والفرق التانية متوفر لها دعم من دولهم بيوصل ل 3 مليون يورو
وهما مسافرين دافعين تمن ضريبة تذكرة الطيارة
حاجة تشرفنا والله
وكانت لازم على نايل موتورز كاكبر موقع سيارات مصري
تكريمهم
وبالفعل صممنالهم حاجة بسيطة تعبر عن تقديرنا ليهم
و وقفو كلهم شرحولنا هما عملو ايه بالظبط وبامكانيات ضعيفة ازاي
حقيقي كل تقدير واحترام مني ومن ادرة واعضاء نايل موتورز ليهم جميعا
وفضلنا قاعدين مع بعض تجمعنا احاديث واحاديث
لغاية ما الوقت بقي 12 مساء وحان وقت الفراق
حقيقي سعدت جدا جدا بلقاء كل واحد
وعلى هامش الافطار كان في اعلان عن 3 اخبار
الاول: تكريم فريق هندسة جامعة حلوان
ثانيا :ان حصل تخارج ودي رسمي بين الشركاء المالكين لمنتدى نايل موتورز وتم تنازل رسمي عن المنتدى للفقير الى الله
كريم منير
واصبحت منذ 15-8-2010 المالك الوحيد لمنتديات نايل موتورز
ثالثا:ان هناك شركة كبيرة جدا في عالم التسويق على الانترنت حصلت على حق التسويق والاعلان الرسمي للمنتدى واي
تعامل اعلاني سيكون من خلالهم وايضا اصبحو مسئولين عن كافة مصاريف المنتدى وتبقي ادارة اللمنتدى وسياسته بالكامل
دون اي تدخل في يدي ويد ادارة المنتدى
في النهاية احب اشكر العديد والعديد من الفرسان المجهولين
مهندس سمير الشهاوي التويوتاوي الكبير صاحب الخلق الطيب
وصاحب فكرة تكريم طلبه هندسة حلوان نشكرك جزيلا
اخونا نادر الطرابيشي اللي صمم شهادة التكريم لاعضاء جامعة حلوان ورغم انه محضرش لكن كان موجود معانا
اخي وائل ابو ليلى اللي مجرد ما ميلت عليه وقولتلة محتاج هدية تكريم ساب اللي في ايده وشغله ونزل عملها رغم اني بعتلة
الداتا يوم الخميس صباحا فعلا رجل المهام الصعبة
اخي احمد نيسان جرب تميل عليه وهاتلاقيه في ضهرك على طول وشكرا جزيلا على الحاجات الحلوة قوي اللي جبتها وقال
دي اقل حاجة اكرم بيها اخواتي ف المنتدى
وبشكرك لان الحاجات دي هي اللي فطرت بيها فعلا
دكتور محمود صلاح اخي الكبير اللي قطع 500 كم رايح وزيهم جاي(مش متاكد من الرقم ) بس هو جاي من المنيا
عشان يقابلنا بجد شكرا جزيلا على وجودك وعلى الخوتة اللي عيالي عملوهالي وعمو محمود عمو محمود
احمد ياقوت اللي كان كل شوية يتصل عشان يسلم على الاعضاء بس معلش كتير معرفتش ارد عليك تليفوني كان عامل زي
سنترال الزقازيق المركزي :-)
دكتور شريف منسي الراجل اللي مايتشبعش منه بس معرفتش اقعد معاك كتير
زي مانت شايف كنت عامل زي ابو العروسه :-)
اخويا احمد ابراهيم بجد كنت واحشني جدا وكنت عايز معايا وقت الفطار تخليني اعرف اكل حاجة
يلا تتعوض ان شاء الله
بسكوتة افتقدناكي من مقابلة فايد وان شاء الله تجيبي الاطفال الحلوين المرة الجاية نشوفهم ونتعرف عليهم
مامة شنوري نفسي اقولك كلمة واحده
الله يصبــــــــــــــــرك
نييييييييييهههههههههههههه ههه
ايس هيرتد جيرل(سفنجه) كنا نتمنى تكون القعدة اكثر ادرينالين
نييييييييهههههههههههههههه ه
غادة زكي شكرا جزيلا على ضربك مشوار من محافظة لمحافظة عشان تشرفينا الافطار
العقيد خالد مالحقناش نقعد معاك ولا اتعرف على سراج الصغير ومشيت بسرعة جدا
احمد سعد ربنا يباركلك في الحاجة وخليها تدعيلنا
وائل باشا الطويل(فعلا مش لقبا) هاهاهاOilMan حقيقي شخصية تندم كتير لوماتعرفتش عليها
احييك انك مسكت نفسك لما جبتلك شاركي متكتف وماعملتش فيه حاجة
وطالما زملاء في عضوية النادي خلينا نشوفك كتير بقي
وحاضر بالنسبة للجيل الثالث ربنا يسهل الحال
علاء الشناوي شوفتين في اليوم تخليني اخد على كدة وبعد كدة تغيب
دكتور بحري-احمد علاء
عارفين لما تحب حد قوي وماتعرفش تتكلم عنه
هما الاتنين كدة ربنا يديم الحب في الله
اسلام فريد صديقي العزيز حمد الله على سلامتك من الحادث الاليم والميجان طبعا ليها سبب في انقاذك بعد فضل الله
دكتور احمد عبد الغني كنت واحشني فعلا بقالي كتير ماشوفتكش وقعدت معاك
بشكر بقية الاعضاء اللي حضرو عضو عضو
وان شاء الله جاري النظر والبت في في طلبات الجواز اللي استلمتها للانسة كنزي
كل واحد يشخشخ جيوبه بقى
هي مش طالبه كتير
فساتين
سالوبيتات
جزم
ميكاب
قالي يعني ابوها مابيصرفش عليها :-)
خلص الكلام واسيبكم مع الصور
وكل عام وانتم بخير والى اللقاء العام القادم ا كان لنا في العمر بقية
السلام عليكم ورحمه الله
كريم منير
تم اعادة تصغير ورفع الصور مرة اخرى
رقم العضوية : 33656
تاريخ التسجيل : 22Feb2009
المشاركات : 20,472
النوع : ذكر
الاقامة : مصر الجديدة
السيارة: Fiat 128
السيارة[2]: Fiat Linea
دراجة بخارية: no
الحالة :
مبروك على المقابله يا كريم
[img3]http://img21.imageshack.us/img21/3957/28138510150332809507433.jpg[/img3]
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
مبروك يا كيمو
كان يوم جميل فعلا
رقم العضوية : 76888
تاريخ التسجيل : 03Aug2010
المشاركات : 300
النوع : ذكر
الاقامة : AL mansoura&Nasr City
السيارة: Opel Vectra opel 96 - 2000 cc
السيارة[2]: الاسد الفرنسى (504)
دراجة بخارية: مفيييييش
الحالة :
مبروك يا استاذ كريم
وكل سنة وانت طيب
رقم العضوية : 77994
تاريخ التسجيل : 18Aug2010
المشاركات : 718
النوع : انثى
الاقامة : cairo
السيارة: لايوجد
السيارة[2]: لايوجد
الحالة :
مبرووووووووك على ملكية السايت يا كريم وان شاء الله السايت يكبر بيكو ويكون من اكبر المواقع :)
رقم العضوية : 4124
تاريخ التسجيل : 13Jan2008
المشاركات : 1,776
النوع : ذكر
الاقامة : التجمع الثالث
السيارة: Verna 1500 2006
السيارة[2]: Cruze 2014
دراجة بخارية: I Wish
الحالة :
كان يوم جميل جداً
بس الوقت جري بسرعة و معرفتش أقعد مع كل الاعضاء اللي حضروا
شكراً يا أ/كريم على تنظيم المقابلة بالجمال ده
[shfaf2]http://yfrog.com/na02f1gpmalaysia1133j[/shfaf2]
رقم العضوية : 2951
تاريخ التسجيل : 02Nov2007
المشاركات : 3,099
النوع : ذكر
الاقامة : Mansoura
السيارة: A113
السيارة[2]: lanos
دراجة بخارية: لايوجد
الحالة :
مبروك على المقابله
ومبروك للاستاذ كريم على ملكيه الموقع والى الامام دائما ان شاء الله...
بس انا ليا رجاء من اى حد راح المقابله عايزين نعرف الناس الحلوه دى .. لان الى مراحش مش هيميز اى حد
وياريت الصوره ال 3 الى فيها استاذ كريم قاعد ومجموعه كبيره واقفه وراه
سبحان الله وبحمده ... سبحان الله العظيم
رقم العضوية : 4124
تاريخ التسجيل : 13Jan2008
المشاركات : 1,776
النوع : ذكر
الاقامة : التجمع الثالث
السيارة: Verna 1500 2006
السيارة[2]: Cruze 2014
دراجة بخارية: I Wish
الحالة :
[shfaf2]http://yfrog.com/na02f1gpmalaysia1133j[/shfaf2]
رقم العضوية : 32187
تاريخ التسجيل : 05Feb2009
المشاركات : 503
النوع : انثى
الاقامة : https://t.me/pump_upp
السيارة: 83765288637
السيارة[2]: 128
دراجة بخارية: no
الحالة :
مبروك كريم على ملكية المنتدى واضح أنها كانت مقابلة جميلة و ممتازة وهتخلي الواحد يندم على أنه ماراحش المقابلة دي ويتعرف على باقي الأعضاء وا شاء الله تتعوض المرة الجاية
https://t.me/pump_upp
رقم العضوية : 40918
تاريخ التسجيل : 23May2009
المشاركات : 4,852
النوع : ذكر
الاقامة : الجيزة
السيارة: بروتون بيرسونا 2010 اوتو
السيارة[2]: لانسر كريستالة 99 اوتوماتيك
دراجة بخارية: لا يوجد ومش بحبها كمان
الحالة :
هو انا محضرتش الفطار ولا كنت لابس طاقية الاخفاء ولا ايه بالظبط
ماشي يا كريم
المفضلات