المشاركة الأصلية كتبت بواسطة brainstorm
اللي بيتبرمج بعد فك البطارية هما حاجتين, المراوح (ودي مش في كل العربيات الأوبل) والإزاز
نيجي لأول حاجة المراوح :
بعد متركب البطارية وتدور العربية ممكن تلاقي المراوح اشتغلت على طول حتى لو العربية تلج ,المهم إنت تقوم دايس على زرار التكيف علشان يشتغل وبعد كده تقفله على طول (مش لازم تسيب التكيف شغال فترة يعني) وبعد كده بطل العربية ودور تاني هتلاقي المراوح رجعت عادية (الموضوع ده ممكن يتكرر كذا مرة لو المراوح فضلت شغالة برده بس هي بتبقى غالبا مرة واحدة).
تاني حاجة الإزاز :
وده سهل جدا كل اللي عليك تعمله افتح الإزاز وتفضل دايس على زرار الإزاز 10 سواني تحت وبعد كده ارفعوا وافضل دايس 10 سواني برده وبعد كده خلاص هو هيطلع وينزل لوحده .