-
وائل عباس العميل
بصراحة الراجل ده استفزني اوي فتحت المدونة بتاعته (مدونة الوعي الصهيوني) الشهيرة بالوعي المصري
دخلت لقيت اخباره كلها بتنقسم لتلت حاجات:
1)اخبار هات يتشويه في المصريين زي كليب عماد الكبير
2)اخبار بتوقع بين العرب زي الاغنية بتاعة فريق الراب السعودي المغمور جدااااا
3)اخبار بتمجد في نفسه وفي مدونته
تعالي بقي دور اخبار انتهاكات الجيش الامريكى والاسرائيلي مفيييييش
تعالي دور علي اخبار التطبيع مع اسرائيل والغاز المصري مفييييش
اللي شككني فيه حواراته مع قناة الحرة الامريكية و وقوف موقعي جوجل ويوتيوب الامريكيين بجواره بعد حذف فيديوهاته المليئة بالالفاظ البذيئة
الخلاصة ان احنا مانسقفش لكل واحد بيقول لأ ياحكومة
ملحوظة : انا ليس لدي اي اتنمائات سياسية
-
بصراحه انا كنت معجب بيه فى الاول قبل ان يشتهر ولكن بعد ذلك وجدت انه بدأ يعك
واللى جننى منه بقى هو الفاظه البذيئه وسبه الدين علنا فى مدونته
شئ مقزز
-
أتفق معك ولكن ما لا يدرك كله لا يترك كله.
-
أنا لا أكره فيه غير غروره ،،
و انا عملت كذا و سويت كذا و قلت كذا و ده حواري مع كذا ،،
بس أنا مع الحرية بلا حدود ،،،
-
أعتقد هو مهتم جدا بالحريات ومركز على حاجة واحده هى التعذيب والانتهاكات من قبل الشرطة المصريه وده بيقدر يجبها حصريا وليه مصادره
لكن انتهاكات الامريكان والاسرائيلين هيجيبها ازاى ولا هوا فى العراق ولا فى فلسطين
وده الاخبار بتنشرها علنا وكل الناس عارفينها لكن الدور والباقى على الحاجات الخفيه
لكن ياجماعه لا يحق لنا ان نصفه بالعماله او الصهيونيه
-
أنا مش معاك فى تسميته بالعميل لأنى أظنه أبعد ما يكون عن كده ، وتسليط الأضواء عليه فى مصلحة القضايا اللى بيعرضها ، ومش مطلوب منه يكون وكالة أنباء عالمية ، الراجل مهموم بهموم مصر زى ما تكون ، ويوتيوب وياهو وجوجل كائنات تحاول الحفاظ على الحرية.
-
؟؟؟؟؟؟؟؟؟؟؟؟؟؟؟؟؟؟؟؟؟
مين هوا وأئل عباس ؟؟؟
معلش سؤال
أذا كان السؤال ينم عن جهل فدى حدود معلوماتى
وأذاكان الؤال ليه معنى فهوا أن مش كل الناس تعرف وأئل عباس
يعنى موش الشخص المؤثر
-
وائل عباس مواطن عادى عمل مدونة أسماها "الوعى المصرى" واكتسبت شهرة لما فيها من جرأة وتحدى للنظام الحاكم ، ومن الممكن أن تبحث فى جوجل بإسم المدونة وهتتطلع لك فورا.
-
لحد الحرية في نشر الأخبار فعلى عيني و على راسي.. انما لحد البذاءات.. انا مش هنا.. في عدد من المدونات مش باعتبها برجلي.. ما دمت عارفة اني هاقرا فيها كلام يأذيني.. أدخلها ليه؟
اما موضوع عميل و مش عميل دي فماحدش يقدر يحكم عليها.
-
كنت لفتره طويله بتابع مندونه الوعى المصرى
يوميا لحد بعد فتره من المتابعه حسيت ان البلد دى اسوء مكان على الارض وان سكان البلد هما شياطين وبيولد عنك احساس رهيب بانك لازم تكرهه البلد
ولما بحب اتخنق وانكد على نفسسسسسى بدخل المدونه اشوف ايه الاخبار
مش عارفه هو صح ولا هو مزودها شويه فى اظهار السلبيات فقط ومخلى شكل مصر زفت
عموما بعيد عن السياسه يمكن هو معاه حق فى كثير من اللى بينشره لانه واقع اظن الكثير بيلمس الواقع ده فى حياته اليوميه
لكن هو فارض عضلاته حبتين وبيشتم الكبير والصغير وطبعا بالفاظ لا تليق اصلا بشخص بيطالب بالاخلاق والحريه وغيرها
والغريب انه عارف ان مدوناته متركز عليها من جهاز امن الدول حتى الاشخاص اللى بترددوا كثير عليها وبيتفاعلوا معاه
بس برضوه بيششششتم ولا هامه ده اللى مخلينى مستغربه لما يشتك الرئيس ولا وزير الداخليه باسمائهم طيب فين العقاب ؟؟؟
Content Relevant URLs by
vBSEO 3.6.0 PL2