ممل ..
السلام عليكم
عندي زبون في الصيدلية..إسمه هاني
ممل بشكل خيالي
ممل لدرجة إني قرفت منه .. ومن الشغلانة بتاعتنا المقرفة دي
ممل
ممل
...
بييجي الصيدلية كل يوم مش أقل من 5 أو 6 مرات
كل مرة
ييجي يقعد يرغي ..يرغي..يرغي
ويقيس الضغط بتاعه(ماهو ببلاش في الصيدلية)
يرغي .. ويقيس الضغط
يرغي .. ويقيس الضغط
مش أقل من 5 مرات كل يوم
وكل يوم ..بيرغي في نفس الرغي
عنده تعب في القولون
وكل يوم..لازم ييجي يحكيلي نفس القصة بتاعت كل يوم
راح للدكتور الفلاني ..وللدكتور العلاني
وده قاله عندك كذا..وده قاله ماعندكش كذا
لايكل ولا يمل من الرغي في الموضوع ده كل يوم 5 مرات..ولازم يقيس الضغط
شريف bmya ....شاف هاني ده مرة
لا وإيه
مقتنع إن الصيدلي عنده علاج لكل حاجة..لازم
لازم كل مرة ييجي ..عاوز حابيتين..ياخدهم ..يستريح ومايروحش لدكاترة تاني
هوا عنده 26 سنة ..وفلاح
بس ممل
أنا قرفت
قولت أفضفض معاكم شوية..يمكن حد يكون عنده حل ليا