يا جماعه انصحوني استخدم زيت معدني ولا تخليقى ؟؟؟

السلام عليكم

انا قريت هنا في المنتدي موضويع عن زيتوت معدنى وتخليقى !! انا اول مره بصراحه كنت اعرف الموضوع ده بصراحه !!

المهم...انا معايا فيات ريجاتا و حاله موتور جيده و مفيش تسريب او بتكل زيت و زيت مبينصش الا لما اقرب من معاد تغيره و يوم ما ينقص يبقي اقل من ربع

المهم انا كنت بحوط شيل الاصفر...ده 3000 كيلو
بس بيجي عند 2000 كده و لمبه كفائه زيت الي تابلو بتور و لمبه زيت تنزر اكبس ننزين تروح...قولت يبقي طربنه زيت بس طلع ان زيت ده بيخف بسرعه و مبيستحملش الحرق ة سواقتنا الجميله جدا :b4_048:

بقيت احط شيل الاحمر 1500 كيلو و اهو ماشيه

دلوقتي علي حد علمي ان ده زيت تخليقي مظبوط ؟؟؟
انا لو استخدمت زيت معدني هيبقي افضل ؟؟؟ و افضل في ايه ؟؟؟؟؟

شكرا جزيلا مقدما

شيل 1500 و 3000 معدني والزيت التخليقي علي حس علمي بيبتدي من 210 جنية
كمان التخليقي للعربيات الجديدة ال مواتيرها لسة مكملتش 50000 كيلو والمفروض بعد كدا بيتغير لمعدني
بخصوص شيل الاصفر فا انا فعلا لاحظت انة بيتحرق اسرع من موبيل وناوي ان شاء الله اغير لفيسكو 3000 من بنزينة امارات مصر

فى زيت امارات مصر برضة ممتاز وبيتغير على 3000 كيلو اوتمنة معقول بحاجة وخمسين تقريبا 58 جنيةدة معدنى ويستحسن انك متغيرش للتخليقى لانة دة للمحركات الحديثة انما القديم احسن حاجة ليها الزيوت المعدنية

اقتباس:

---

المشاركة الأصلية كتبت بواسطة mahmoudselim

شيل 1500 و 3000 معدني والزيت التخليقي علي حس علمي بيبتدي من 210 جنية
كمان التخليقي للعربيات الجديدة ال مواتيرها لسة مكملتش 50000 كيلو والمفروض بعد كدا بيتغير لمعدني
بخصوص شيل الاصفر فا انا فعلا لاحظت انة بيتحرق اسرع من موبيل وناوي ان شاء الله اغير لفيسكو 3000 من بنزينة امارات مصر

---

شكرا لمعلوماتك بس طبعا عربيه عندي معديه اساسا 700.000 بكده افضلي اني اكون زي ما انا شيل الاحمر زيت معدني و لاغير لزيت تخليقي ؟؟؟

اقتباس:

---

المشاركة الأصلية كتبت بواسطة teto2007

فى زيت امارات مصر برضة ممتاز وبيتغير على 3000 كيلو اوتمنة معقول بحاجة وخمسين تقريبا 58 جنيةدة معدنى ويستحسن انك متغيرش للتخليقى لانة دة للمحركات الحديثة انما القديم احسن حاجة ليها الزيوت المعدنية

---

شكرا لردك :)
يعني افهم من كلامك اني افضل اكون علي نفس زيت المعدني شيل الاحمر او استخدم امارات مصر
و طبعا زيت ده في بنزينه امارات مصر بس و لا بيباع بره في محلات الزيت ؟؟؟

[QUOTE=HotRide;3872967861]شكرا لمعلوماتك بس طبعا عربيه عندي معديه اساسا 700.000 بكده افضلي اني اكون زي ما انا شيل الاحمر زيت معدني و لاغير لزيت تخليقي ؟؟؟





شكرا لردك :)
يعني افهم من كلامك اني افضل اكون علي نفس زيت المعدني شيل الاحمر او استخدم امارات مصر
و طبعا زيت ده في بنزينه امارات مصر بس و لا بيباع بره في محلات الزيت ؟؟؟[/ QUOTE

لا طبعا خليك في المعدني افضل, وممكن تجرب زيت فيسكو ال هوا بيتباع في بنزينة امارات مصر
ممكن تغير لفيسكو 2000

الافضل انك تغير الزيت فى البزينة ومتجبش من تجار الزيوت لانة مش مضمون انما البنزينة بيبقى الزيت بتاعهم وعلية رقابة واشراف وزيت امارات مصر موجود فى البنزينة بتاعتهموعلى فكرة فى معلومة تانية كل انواع الزيوت زى بعض الفرق فقط فى اضافات الزيت يعنى التعاون زى موبيل بس هنا بتفرق فى الاضافات فقط على فكرة انا شغال فى شركة بترول وعملنا زيارة الى مجمع خلط الزيوت فى التعاون هنا فى اسكندرية هى بتخلط لتوتال كمان واسو يعنى الزيت كلة واحد زى ما قلت لحضرتك الفرق فى الاضافات فقط ودة مش كلامى دة كلام داكترة محاضرين كانو بيدونا محاضرات عن الزيوت

استاذى الزيت التخليقى وهو من انقى الزيوت و بيبقى سعرة غالى فوق 200 جنيه زى موبيل 1 و معظم الزيوت اللى هى 10000 كيلو اما الزيت المعدنى اللى هو العادى بتاعنا 3000 او 5000 زى بردة موبيل او شل بالنسبه للزيت التخليقى يستحسن استخدامه فى المحركات الجديدة لانه على كلام واحد صديقى عندة توكيل زيوت كبير انه مش بتاع بهدله عايز من الاخر موتور لسه بحالته اما المعدنى يفضل للمواتير القديمة شويه عشان على الاقل بتنزله كل 3000 او 1500 فبالتالى مبتسبهوش فترة كبيرة فى الموتور وبيزل بالكربون و الرايش بتاع الموتور ونصحيه بردة من صاحبى دة زيت شل مبقاش حلو واحسن حاجة فى السوق و عن تجربه زيوت موبيل بجميع انواعها

لو العربية مبتاكلش زيت غير لتخليقي لانه الافضل
موبيل 1
فيسكو 5000
معتقدش عمر الموتور له علاقة بموضوع الزيت المهم حالة الموتور
الفكرة كلها ان لو العربية بتاكل زيت يبقى حرام تجيب زيت غالي زي التخليقي يستهلك على الفاضي يعني الموضوع اقتصادي وليس تقني
موديل عربيتي 99 وبحطلها تخليقي موبيل 1 وكله تمام وصوت الموتور هادي جدا والاداء ممتاز
........ والله اعلم

اقتباس:

---

المشاركة الأصلية كتبت بواسطة skybird

لو العربية مبتاكلش زيت غير لتخليقي لانه الافضل
موبيل 1
فيسكو 5000
معتقدش عمر الموتور له علاقة بموضوع الزيت المهم حالة الموتور
الفكرة كلها ان لو العربية بتاكل زيت يبقى حرام تجيب زيت غالي زي التخليقي يستهلك على الفاضي يعني الموضوع اقتصادي وليس تقني
موديل عربيتي 99 وبحطلها تخليقي موبيل 1 وكله تمام وصوت الموتور هادي جدا والاداء ممتاز
........ والله اعلم

---

كلام في الجون

لان ببساطة لو العربية بتاكل زيت يبقى مش هيكمل ال10000
انا عربيتي موديل 94 وباحط موبيل وان وبيوفر وجربت شل هيليكس الترا برضه كان ممتاز
بس بيعوز فلتـــــــر أصلي عشان يكمل ال 10000

الزيت التخلقي يختلف تماما عن المعدني....التخليقي متحضر في المعمل او المصنع بالكامل ومفيش اي جزء منه جاي من البترول...بمعنى ادق المفروض انه ميتسماش زيت ويتسمى سائل تزييت...والحكاية دي بتدينا ميزة في ان كل جزيئات الزيت بتكون موحده ومعروفة بعكس الزيت المعدني...فاللي بيحصل فالمعدني انه بعد فترة بتبدأ جزيئاته مع الضغط والحرارة تتعرض لما يسمى بالبلمرة وتبدأ تتحول لشموع وشحوم ممكن لو اتاخرنا في تغيير الزيت تبدأ تترسب في دورة الزيت وتسدها....او تكون ما يسمى ب Sludge اللي هو الشحم او الوحل الاسود داخل المحرك

بالاضافة وجود اضافات التنظيف والتشتيت اللي بتمنع تكون الرواسب وتخلي الذرات الناتجة عن الاحتراق معلقة في الزيت ومتترسبش فتخللي اجزاء الموتور في حالة نظافة دائمه

الميزة الاخرى للزيت التخليقى ولكننا لا نستفيد منها قوي في مصر هو قدرته على البدء في الادارة في الاجواء الباردة لأنه حرارة تجمده منخفضة للغاية فبيفضل سائل تحت كافة الظروف وحتى بنلاحظ ان معظم الزيوت التخليقية في مصر درجة لزوجتها من 5 الى 50 لو موبيل وان او من 5 الى 40 لو شيل هيكس الترا او توتال كوارتز 9000 ...الميزة دي بتديك قدره على التزييت بمجرد بدء الادارة فورا...يعني بتديك ميزة انك ممكن جدا تقلل فترة تسخين العربية الصبح...او لو دورت ومشيت بيبقى الضرر اقل مايمكن بالمقارنة بالزيوت العادية

أتمنى اني اكون اضفت ووضحت

جرب فيسكو 2000 المفروض يقد معاك لحد 7000 كم

شكراً علي المعلومات القيمه دي