حضرتك بتهزر؟
الكوب كله فاضى!
عرض للطباعة
انا عندي في البيت الراوتر بقى لعنة
ورغم انه من انضف نوعيات الراوتر(نت جير)
لكن بيعمل ريستارت بطريقة مش طبيعية بسبب انخفاض الحهد
خاصة في وقت الذروة من 5 عصرا الى 12 مساء
نادرا لو اشتغل
غير كدة شغال بالمودم على طول بسبب انه مش بيثبت
الاجهزة حدث ولا حرك
العمارة نفسها ممكن تلاقي نور عندنا والاسانسير مش لاقي جهد يقومه
هل فعلا في حل اني اظبط الجهد وماينخفضش الانخفاض المريع ده
وهل هايكون عملي
ويتركب فين بالظبط في الشقة
حسبي الله ونعم الوكيل
ههههههههه عندك حق الواحد مش عارف يقول ابه
[QUOTE]
زمااان من اكتر من 5 سنين دكتور جامعة قالى الكلام ده و بقيت مستغرب منه..قالى ياريت أمريكا تيجى تنضف
أختلف معاك فى النقطة دي :)...المحول مش هيعمل حاجة لو الكهرباء جاية اساسا من المصدر ضعيفة...المحول بس بيرفع أو بينزل الجهد و فى المقابل بيعمل العكس فى التيار.
لكن أصلا المصدر من محطات الكهرباء جاي تعبان .. عليه أحمال كتير Overload و القدرة اللى بتوصل للمنازل ضعيفة (جهد و تيار مع بعض) و المحول ملزم بالقدرة اللى بتجيله مش بيزودها و لا ينقصها. على كلامك انت هتجيب محول رافع Step up Transformer هيرفع الجهد بس خرج التيار هيكون أقل و اللى هو أساسا جاي من الشبكة تعبان. الكيلو وات اللى جاي من الشبكة أصلا قليل و برضه هتلاقى الأجهزة مش شغالة مضبوط على التيار العادي بتاعها :120146b
يا باشا فيه نقطة بتغيب على كتيير منا و هى ان المعظم فاكر ان المحطات بتبعت التيار الكهربى للشقق
و لكن العكس هو اللى بيحصل يعنى هما بيبعتوا جهد و احنا بنسحب تيار و كل جهاز بيسحب تيار على قد احتياجه
و كلامى ده طبقا لمبداء سريان التيار الكهربى و تعريف الجهد وفرق الجهد اللى اكيد حضرتك عارفهم
يعنى بالبلدى اى فيشة فى شققنا عليها جهد فقط و يبداء يبقى عليها تيار عند توصيل اى جهاز
اما حوار ال over load بيحصل نتيجة ان تشغيل اى جهاز بيعمل voltage drop على الشبكة بيزيد بزيادة عدد الاجهزة المستخدمة فى المنطقة او الحى
وطالما الباور المنتجة ثابتة القيمة و التيار المسحوب بيزيد فبالتالى بيبداء الجهد يسقط و ليه حلول وسيطة غير زيادة الباور و ده مش موضوعنا
يا باشا المحول الرافع للجهد خافض للتيار بستخدمه لو عاوز انقل كمية ما من الطاقة من نقطة أ الى نقطة ب زى الربط ما بين مصر و الاردن و طبعا بيرفع الى قيمة عالية 220 او 500 كيلو فولتاقتباس:
على كلامك انت هتجيب محول رافع Step up Transformer هيرفع الجهد بس خرج التيار هيكون أقل و اللى هو أساسا جاي من الشبكة تعبان.
و احنا كده كده قولنا انا اللى بسحب تيار من الشبكة مش هى اللى بتجبرنى على تيار معين
و فى حالتنا هنا اللى هيحصل :: هنقول الجهد ساقط الى 190 ~ 200 فولت فانا محتاج محول يرفع الجهد 20 ~ 30 فولت بكتيره و طبعا المحول هيبقى ليه قدرة خرج ( تيار ) مقدرش احمله اكتر منها علشان ميتحرقش
يعنى لو انا عندى جهاز بيسحب 10 امبير فانا محتاج محول بيرفع 30 فولت و خارجه 10 امبير او اكتر
اسف على الاطالة فى الشرح و تحت امرك فى استفسار لو فيه حاجة مش واضحة من كلامى
حلين :
الاول : استبليزر و عيبه انه هيكون غالى يعنى الاستبليزر النص كيلو الصينى اللى ضربه السلك بيعمل 200 جنيه او ازيد و بالتالى لو هتجيب استبليزر 3 كيلو وات لتكييف 2.25 حصان و يكون نوع محترم فتمنه ممكن يقرب من تلتين تمن التكييف او ازيد , قياسا على كده باقى الاجهزة
التانى : نجيب محول رافع للجهد بقيمة صغيرة 20 فولت تقريبا و نراعى ان قدرته تكون اعلى من الحمل ب 20% و يحبذ ان يكون معه مؤشر لقراءة الخرج و طبعا تكلفته هتكون ارخص من الاستبليزر بكتيير
اما التركيب فى الحالتيين اما تركب لكل جهاز وحدة منفصلة او للاجهزة المهمة اما تركب على الشقة كلها بعد الخرج بتاع العداد
نصيحة اخيرة عند تركيب محول يرجى تركيب سكينة باتجاهين علشان تقدر تشغله فقط لما الجهد يسقط و تريحه لما الجهد يكون كويس , و اى كهربائى شاطر هيقدر يضبطلك الدنيا زى ما انت عاوز
فيه حاجة اسمها variac و ده محول رافع بس على نظيف شويتين
و دى صورته
http://danrustebakke.com/projects/teslacoil/Variac.jpg
هو ميزاته انك تقدر تتحكم فى الفولت الخارج بالزياده او النقص + مؤشر للجهد الخارج
انا اشتغالت عليه ايام الكلية و كان كويس جدا
اما الاسعار فباذن انا عن قريب نازل السبتية علشان مش قادر استحمل قرف الكهرباء اكتر من كده