استفسار عن اقصى عزم

**midosalah** · 23-08-2010 07:05 AM

يا جماعة فى حاجه انا نفسى اعرفها علشان اعرف اقارن بين العربيات

انا هقولكو مثال علشان تعرفوا قصدى
مثلا فيه عربية اقصى عزم ليها 150 عند 4800 وفيه عربية اقصى عزم ليها 150 ولكن عند 3500 مثلا
انا عايز اعرف ايه الفرق بينهم .... وأى موتور أحسن فيهم.... وليه احسن..؟
يعنى العربية توصل لاقصى عزم بدرى(يعنى على ار بى ام منخفض) احسن ....
ولا توصل لاقصى عزم متأخر(يعنى على ار بى ام عالى)......؟
لو سمحتم حد يشرحلى الموضوع ده وازاى يأثر على تسارع العربية

شكرا أخوكم محمد صلاح

**tutankhamoun** · 23-08-2010 10:30 AM

بُص يا باشا
الأول لازم نعرف العزم يعني أيه
ببساطة
العزم هو القوة الدافعة للعربية .

و العزم بيكون كمان مرتبط بالوزن العام للعربية

طيب الفرق بين الموتور اللي بيخرج عزمه بدري و التاني اللي بيخرج عزمه متأخر هو سياسة التصنيع الخاصة بالموتور .

العربيات اللي يتخرج عزمها بدري بتكون عربيات للمدينة أكتر
علشان كدا تلاقي العربية اللي بتخرج عزمها متأخر أقل في التسارع من وضع السكون و ا لعكس صحيح .
العربية اللي بتخرج عزمها متأخر .... تسارعها على سرعات عالية بيكون أفضل .

و هاديك مثال
الواجا اللي فيها موتور متسوبيشي و الواجا اللي فيها موتور كامبرو
الأولى عند التسارع من وضع السكون هاتكون أفضل من الكامبروا بس لما توصل ل 100 كم و موتور الكامبرو يفوق هاتلاقي تجميع السرعات أعلى بكتير من الموتور التاني علشان التصميم مختلف في خروج العزم زي ما قلت
بيدخل في القصة دي كمان القوة الحصانية .
القوة الحصانية بقى هي اللي بتحدد زمن وصول العربية لسرعة معينة في زمن معين .
نرجع لموضوع العزم
لو شوفت العربيات النص نقل لها عزم عالي قوي
لو عربية نص نق عزمها مثلا 200 نيوتن - متر
و عربية ملاكي عزمها 150 نيوتن - متر
و الأثنين من وضع الثبات .
و الأثنين طلعوا في نفس الطلعة و تم تغيير الغيار عند نفس رقم أعلى قوة حصانية على أول غيار
هاتلاقي النص نقل أزحت بسرعة أعلى ........... علشان لها عزم عالي .
بس بعد كدا خلاص انتهى دور العزم هنا ......... و التانية بدأت تجمع سرعات علشان بالاضافة للعزم عندها قوة حصانية أكبر .

**Raul_7** · 23-08-2010 05:42 PM

المشاركة الأصلية كتبت بواسطة tutankhamoun

بُص يا باشا
الأول لازم نعرف العزم يعني أيه
ببساطة
العزم هو القوة الدافعة للعربية .

و العزم بيكون كمان مرتبط بالوزن العام للعربية

طيب الفرق بين الموتور اللي بيخرج عزمه بدري و التاني اللي بيخرج عزمه متأخر هو سياسة التصنيع الخاصة بالموتور .

العربيات اللي يتخرج عزمها بدري بتكون عربيات للمدينة أكتر
علشان كدا تلاقي العربية اللي بتخرج عزمها متأخر أقل في التسارع من وضع السكون و ا لعكس صحيح .
العربية اللي بتخرج عزمها متأخر .... تسارعها على سرعات عالية بيكون أفضل .

و هاديك مثال
الواجا اللي فيها موتور متسوبيشي و الواجا اللي فيها موتور كامبرو
الأولى عند التسارع من وضع السكون هاتكون أفضل من الكامبروا بس لما توصل ل 100 كم و موتور الكامبرو يفوق هاتلاقي تجميع السرعات أعلى بكتير من الموتور التاني علشان التصميم مختلف في خروج العزم زي ما قلت
بيدخل في القصة دي كمان القوة الحصانية .
القوة الحصانية بقى هي اللي بتحدد زمن وصول العربية لسرعة معينة في زمن معين .
نرجع لموضوع العزم
لو شوفت العربيات النص نقل لها عزم عالي قوي
لو عربية نص نق عزمها مثلا 200 نيوتن - متر
و عربية ملاكي عزمها 150 نيوتن - متر
و الأثنين من وضع الثبات .
و الأثنين طلعوا في نفس الطلعة و تم تغيير الغيار عند نفس رقم أعلى قوة حصانية على أول غيار
هاتلاقي النص نقل أزحت بسرعة أعلى ........... علشان لها عزم عالي .
بس بعد كدا خلاص انتهى دور العزم هنا ......... و التانية بدأت تجمع سرعات علشان بالاضافة للعزم عندها قوة حصانية أكبر .

**spiderloking** · 23-08-2010 07:15 PM

كلام سليم و جميل

**midosalah** · 23-08-2010 07:52 PM

استاذ توت شكرا جدا للتوضيح
بس بعد إذنك ممكن تقولى ازاى الموضوع ده ممكن يميز الجين 2 عن الفيرنا مثلا او العكس

**Tayer** · 23-08-2010 10:08 PM

منااااااااااااااااااابع

**tutankhamoun** · 24-08-2010 02:27 AM

استاذ توت شكرا جدا للتوضيح
بس بعد إذنك ممكن تقولى ازاى الموضوع ده ممكن يميز الجين 2 عن الفيرنا مثلا او العكس

العفو يا أخي الكريم
بالنسبة لموضوع مقارنة الجين 2 و الفيرنا في الموضوع ده الخاص بالعزم هاقولك
أولا فيه فرق حوالي 150 كجم أقل لصالح الفيرنا
و فرق العزم و الأحصنة مش كبير قوي بين الأثنين .
و بالتالي بسبب موضوع الوزن ممكن تلاقي تسارع الفيرنا مهول خصوصا على السرعات القليلة .
إنما لما العربتين بيأخدوا سرعة خصوصا فوق 100 ........... ( أغلب العربيات 1600 بيكونوا زي بعض تقريبا مع فروق بسيطة )
خصوصا العربيات اللي بتلعب في 110 حصان لغاية 100 حصان .
و الفيرنا برضه بتطلع العزم على سرعات مش صغيرة ....... أعتقد برضه العزم الأقصى للفيرنا بيطلع على 4000 لفة - دقيقة زي الجين 2 تقريبا .
الفرق زي ما قلت في الوزن ......فيه فرق كبير بينهم بيساعد على سرعة الحركة في الفيرنا .... العربية الفراشة .