الموضوع: العربية ابتديت تزهقني

انت عملت كام صيانة لحد دلوقتى
اولا انا من زمااان مشفتش كم المشاكل دى مجتمعة فى عربية واحدة
المفرو

[QUOTE=mido_soliman;3872968098]انت عملت كام صيانة لحد دلوقتى
اولا انا من زمااان مشفتش كم المشاكل دى مجتمعة فى عربية واحدة المفروض يباشا تبعت لايمن على الخاص او هوة لما يدخل ويقرا الموضوع بتاعك واكيد حيتابع معاك وحيظبطلك الدنيا متقلقش بس انت لازم تلحق الدنيا
وعلى فكرة حوار الطرمبة دة حصل معايا مرة فعلا قبل كدة ومن ساعتها مبستناش العربية تيجى للربع بفول على طول وحقولهم عليها بردة فى الصيانة
تحياتى ليك وكلة حيبقى تمام ان شاء الله

روح التوكيل و كل الحاجات دي تتحل ان شا ءالله

انا معايا برسونا 2010 و دي المشاكل اللي في العربية

1- المكن بتاع الزجاج الامامي يمين و شمال بايظ , لما بطلعه و انزله بحس ان انا بفتح جراج


المشكلة دي ممكن يكون حلها بسيط جدا .......... تزييت للمكنة الخاصة بالزجاج .

2- دراع النور لما بجيب النور العالي و ارجع اجيب الواطي ساعات بيعلق , اه مش كتير بس بيعلق
دي محتاجة يتكشف عليها
3- الاشارات بقي , فيه حاجة لاحظتها غريبة , لما الف الدركسيون يمين و ادي اشارة يمين و ارجع الف شمال الاشارة بتفصل تمام بس بتنور الشمال معاها
المشكلة دي شكلها متعلق بالمشكلة اللي قبلها .... محتاج تراجع على الجزء
4- المالتي فانكشن بيهيييييس علي الاخر مع اني غيرته و مش من زمان
المهندس رامي كان شارح قبل كدا ليه هي بتهيس و كان كاتب طريقة الحل ممكن تبقى تراجع الموضوع أكيد موجود في القسم
5- تزييق الكنبة ده طبيعي مش مشكلة بس ساعات بسمع صوته و ساعات لا
تزييق الكنبة أمره سهل كدا ..... شيكرتون على المفاصل الحديد و الصوت هايروح تمام
6- طرمبة البنزين بتهييس تكون عند الربع , دقيقتين بالظبط و الاقي اللمبة نورت

يا باشا طرمبة البنزين مالها و مال عداد البنزين ........ لو تقصد مستوى البنزين في التانك ...... دي العوامة مش الطرمبة و أمرها برضه سهل .

7- طبعا صوت الورشة اللي بيظهر لما بلف في حته فيها نقر , ( مستنيين الحل في التوكيل )
8- اللمبة بتاعت الفوج اليمين اتحرقت و انا لسا مغيرها قبل رمضان
أبقى هات لمبة ماركة حلوة ..... ده حاجة بسيطة أن شاء الله
9- معرفش دي مشكلة ولا عند كل الناس , مروحة التبريد اللي هي درجتين سرعة دي , المفروض لما الواحد يبطل العربية خالص و يشيل المفتاح و يقفل العربية و يمشي , المفروض ان المروحة ماتشتغلش , لا المروحة بتشتغل لوحدها في اي وقت و علي مزاجها , طبعا و انا مدور العربية لازم تشتغل , طيب و انا قافلها , تشتغل برده ؟
لاءة دي مش عند كل الناس ......... أنت محتاج تكشف على العربية و على دائرة الكهرباء

ياباشا إن شاء الله كلها حاجات بسيطة بس أنت لازم تروح التوكيل علشان تكشف على دائرة الكهرباء عموما ..... و الموضوع بإذن الله شكله بسيط و حله سهل بإذن الله .

- المكن بتاع الزجاج الامامي يمين و شمال بايظ , لما بطلعه و انزله بحس ان انا بفتح جراج


المشكلة دي ممكن يكون حلها بسيط جدا .......... تزييت للمكنة الخاصة بالزجاج .

- انا مغير مكن ازاز مرتين و بيبوظ برده ممكن يكون حظي وحش , و تزييت مكن الزجاج مين يقدر يعمله غير التوكيل ؟ و من حقي ان انا اغير مكن الزجاج تاني صح ؟

------------------------

6- طرمبة البنزين بتهييس تكون عند الربع , دقيقتين بالظبط و الاقي اللمبة نورت

يا باشا طرمبة البنزين مالها و مال عداد البنزين ........ لو تقصد مستوى البنزين في التانك ...... دي العوامة مش الطرمبة و أمرها برضه سهل .

فعلا انا اتلخبط دي العوامة


---------------------

المشكلة الاكبر بجد ان انا بروح التوكيل و باقول المشاكل دي هناك يعني مثلا دراع النور لما قلتلهم ده ساعات بيعلق معايا , المهندس جربه هناك و كان شغال تمام فيقولي لا ده مش هيتغير علشان سليم , اقوله لا مش سليم انا عارف لان دي عربيتي المقصود ان فيه حاجات بايظة مش بتبان غير علي فترات


و عندي صوت برده من فتحات التكييف كده غريب , ممكن تكون كل الحاجات دي صغيرة بس متجمعة مع بعض

المشاركة الأصلية كتبت بواسطة أبومريم

انت محظوظ جدا يا باشا
عربية 2010 ويحصل فيها كل ده؟
ياريت تشرفنا مقابلة بروتون ونخلي المهندس أمر يشوف عربيتك

فعلا هوة دة احسن حل ياريت فعلا يباشا تيجى ونعرض الامر على اولى الامر لان احنا بصراحة منحبش ان يبقى فى عربية فيها كل المشاكل دى ومتتحلش وهية مشاكل بسيطة ان شاء الله