بإختصار ياجماعه انا كنت حكيتلكم عن الحادثه بتاعت عربيتي 128 في موضوع قبل كده ... المهم قلت اشدهه اليومين دول قبل ما اسافر قمت شايلهه هيله بيله ووديتهه لواحد معرفه (بتاع دوكو) وبصراحه كنت ناوي اروشهه اوي يعني كنت هعمل كساحات فيبر وطابلوه كورسا وأبيضهه ميتاليك بس مش كل ما يتمناه المرء يدركه...!!
الأستاذ علشان معرفه معارضني في كل حاجه يعني بقوله عاوز بتاع فيبر علشان اعمل كساحات يقولي ومالهه الأصلي بتاعهه سيبك من الكلام ده فذوقيا صرفت نظر عن الفكره تاني يوم قلتله متعرفش كهربائي كويس علشان اركب طابلوه كورسا فطبعا لازم يدخل بوزه ليه بس يا محمود ده كده مش هتظبط معاك ومنظر وخلاص بلاش منه صرفت نظر تاني امبارح بقوله انا هرشهه تركواز ميتالك فقالي ميتاليك ليه ده هيزعلك في اي خدش احنا نرش لون الفبريقه بتاعهه فقولتله لا انا عاوز اللي بقولك عليه فبحده شديده قالي مش هتترش غير اللي بقولك عليه..........:_Alshmokh08[1]:
واحد زي ده اعمل معاه ايه انا عارف انه عشمان وعاوز مصلحتي وكل واحد حر في اللي يعمله وبصراحه محرج اخد العربيه منه رأيكم ايه التصرف الصح