العربية بتترج جامد على التانى

**nimo.mimo** · 23-08-2010 11:01 AM

أنا معايا لادا نيفا الحمد لله , هى عربية أصيلة و مالهاش فى السحب و الشد و أنا الحمد لله راضى.
بس أنا عندى مشكلة لما باجى أعدى مطب صناعى و أبقى هادى على التانى و آجى أطلع بسرعة بلاقى جسم العربية بيترج و المرايات بتتهز جامد.
المهم انى بأتعامل مع الموضوع دوة إما أوقف خالص و أجيب الأول أو إنى أسحب العربية على مهلها خاص لحد ما تاخد سرعتها و بعد كدة على السرعات العادية فوق 20 كم الدنيا ما فيهاش مشاكل إلا إن الأول و التانى و التالت بيعضوا سنة صغيرة و الرابع عادى. المشكلة دية بتقابلنى على الطرق السريعة بس لكن فى وسط البلد الدنيا عادية فا أنا أعتقد إن المشكلة دية مشكلة تظبيط سواقة و الله أعلم و لا إيه

هل أنا عندى العيب فى الفتيس أو الدبرياج و لا دا عيب سواقة (متعلم سواقة على كبر) و لا العربية محتاجة ظبط موتور علما بأن الدبرياج لما بظبط رجلى على التالت و الرابع بتبقى تسحب عادى بس طبعا مش زى العربيات الحديثة.

**engaass** · 23-08-2010 11:05 AM

عيب سواقة بسبب ان سرعة العربية قى عبور المطب يتقل عن السرعة المناسبة للغيار التانى

**nimo.mimo** · 23-08-2010 12:41 PM

المشاركة الأصلية كتبت بواسطة engaass

عيب سواقة بسبب ان سرعة العربية قى عبور المطب يتقل عن السرعة المناسبة للغيار التانى

جزاك الله خيرا كثيرا , ربما يطمنك دايما آمين يارب.

يعنى معنى كلامك إنى الأحسن أجيب الأول أريح للعربية و أمشى براحتى , مش كدة؟

**engaass** · 23-08-2010 03:15 PM

وانت بتعدى المطب خلى الفتيس فى وضع المور وبعدين حسب سرعة العربية حتحدد اذا كنت تجيب التانى ولا الاول
وكل عام وانت بخير

**nimo.mimo** · 23-08-2010 06:00 PM

ربنا يكرمك يا أخى و الله

و كل عام و أنت بخير

**EngAhmedSayed** · 27-08-2010 01:25 AM

بس الغيار الاول للتحريك العربيه من وضع السكون الى الحركه فقط
انتا حضرتك لما تيجى تعدى مطب خلى الفتيس فى وضع المور
و العربيه ماشيه خد الغيار التانى من غير ما تسيب دبرياج قووووى
علشان و سيب دبرياج واحده واحده مع العلم فى نسبه و تناسب ما بين دوسة الدبرياج و البنزين
يعنى قلى هتطلعه بدوسة الدبرياج هتنزله بدوسة البنزين للحد ما تجمع سرعته بس
ياعم جرب و قولى

**nimo.mimo** · 03-09-2010 12:18 PM

المشاركة الأصلية كتبت بواسطة thediesel

بص ريح دماغك و هات الأول و امشي بالراحة بيه انت موش في سباق و العربية لو فضلت كل شوية تجيب الثاني و تمشي بيه و تخلي العربية ترجرج منك هتبدا يحصل فيها ما يسمى بتسقيف الموتور ده الي سمعته من بعض الاخوة ملاك اللادا و صادفتني الحالة دي في عربيتي وهيه زيرو و عرفت انه عيب مني موش حاجة غلط فالعربية

يا سلام أحب الناس الدماغ دية
أنا فعلا الحمد لله بقالى فترة ماش على مهلى و بشويش و كله تمام و الحمد لله.

جزاكم الله خيرا كثيرا