الموضوع: طلب تسعير جيتا 2008

المشاركة الأصلية كتبت بواسطة m.mostafa80

السعر على الحاله المذكوره
من 100 الى 110

شكراً يا باشا ليك ،، وأنا فعلاً سألت الميكانيكي بتاعي وقالي تعملها من 95 إلي 110 وقالي الـ 120 إالي 130 تركبك اللي فيها أوبشنز أكتر زي جنوط ومالتي فنكشن و مثبت وفتحة سقف ... وهكذا ..

بس أنا بصراحة شايف 95 دي بعيده أوي ، وأفتكر إن من 100 إلي 110 مناسب يعني العربيه تمنها يوم ماجابها كانت 159 نقول 160 لو حسبت إستهلاك 10 ٪ كل سنه .. هتبقي تقريبا تقل حوالي 50 ألف

وخد عنك كمان إن في تغيرات حصلت علي الموجوده حالياً زي الفتيس الـ Dsg الجديد وكمان العدادات الجديده اللي تحسسك إنك راكب عربيه فخمه فعلا مش الأزرق القديم .. وربنا يسهل

المشاركة الأصلية كتبت بواسطة banboty

اشترينا عربية لواحد صاحبي من حوالي اسبوع .

basic / 2009 / وكيل / ماشية 27 الف كيلو / فابريكة خارجي / حالة ممتازة و تعتبر فعلا كسر زيرو / اللون فضي
بـ 135 الف و بالعافية

-----

عربيتك بالحالة المذكورة و موديل 2008 / basic / وكيل

تعمل من 122 / 123 الف جنيه

و تمن الطاسات في التوكيل 800 جنيه

بصراحة أنا شايف إن 135 للبيز لاين كتيييير أوي مهما كانت حالتها وممكن حضرتك تبص علي كونتاكت وشوف الأسعار بنفسك .. وعموماً 10000 شكر ليك علي إهتمامك

المشاركة الأصلية كتبت بواسطة banboty

بص ياسيدي

اثناء اللف و الدوران بتاعنا اللى استمر اكثر من شهر و شفنا اكتر من 9 عربيات سواء معارض او انترنت ,

وجدنا الاتى :

ان ممكن زي ما قلت تركب عربية هاي لاين كاملة بأقل من 140 الف

و لكن

فين الحالة الممتازة و عداد الكيلومترات اللى مش ملعوب فيه !! والعربيات العالية دي تحديدا لازم تبقى حالة !

و عشان كده مش هتلاقى عربية حالة نهائيا الا فيما ندر و لو لاقيت الحالة الممتازة مش هتلاقى الكيلو القليل ؟؟ ...

و لو لاقيت الاثنين مع بعض ( هاي لاين كاملة / 2008 ) هتلاقي سعرها معدي 155 الف .. و دي لاقيناها و حاولنا بشتى الطرق تنزل الى 150 الف و لكن منفعش ودي عربية شفناها في معرض في مساكن شيراتون و كان لونها فيراني ... ده اول هام

تانى هام هوضحلك حبة حاجات و فروق بخصوص السعر العالي :

موديل 2009 بيتميز بثلاث حاجات عن موديل 2008

اول حاجة ان 2009 بتنزل بالفتيس الجديد 7 نقلة
ثاني حاجة فيه تصفيح من اول العربية لاخرها و ده مش موجود في موديل 2008 لانك زي ما انت عارف ان العربية واطية شوية

ثالث حاجة ان قدامك سنة اضافية في الضمان عن 2008 ودي بتفرق ( الضمان ثلاث سنوات او 100 الف ايهما اقرب) ..

نصيحة مهمة ليك , اشترى عربية نظيفة و مضمونة بسعر عالي احسن من عربية نص نص بسعر نص نص و ملكش دعوة بالاسعار اللى مكتوبة على النت او اللى بتسمعها . دي ملهاش علاقة بالسوق و 90 % منها عربيات واكلها قطر واغلبهم كدابين حتى لو بتشترى من منطقة و ناس كلاس .

الحقيقة الرد غير دقيق
مثلا الضمان سنتين أو 100.000 كيلو (مش 3 سنوات)
ثانيا موديل 2008 (بتاعى) تصفيح كامل من اسفل من أول العربية لأخرها (مش 2009 بس)
أعتقد برده (بس دى مش متأكد) أن 2009 مش DSG بل فتيس Tiptronic عادى زى السنوات اللى قبلها
لذا لزم التنويه