محتاج مساعده في قطع غيار الاوبترا الاستيراد بعد اذنكم

**mn3em** · 23-08-2010 12:41 PM

معلش هطول عليكم شويه
" جوز اختي " اشتري عربيه اوبترا مستعمله موديل 2009 المهم عمل حادثه من شهرين كانت جامده شويه وصلت للموتور و قاعدة الفتيس لدرجة انها وصلت للتابلوه والتاره
وبصراحه هو في شغله ومش فاضي يعمل فيها حاجه وفوض امره لله ثم ليا انا وحمايا اللي برضوا تعبته معايا المهم ربنا كرمنا وظبطنا كل حاجه واشترينا كل حاجه فيما عدا 3 حاجات مش عارف اعمل فيهم ايه " التابلوه - التاره - وفيه زي سويتش كده في الكابوت بتاع الانذار مش موجود " ومش عارف بصراحه اعمل ايه فيهم
ممكن حد من الاعضاء يقولي مثلا علي شخص او محل قطع غيار الاقي عنده الحاجات دي خاصه ان التاره مصري واللي موجود كله خليجي يعني فيه ايرباج ومش دي المشكله ... المشكله ان التاره الخليجي مش هتركب في القطمه بتاع العربيه يعني لازم اغير القطمه كلها بالتاره طبعا علشان دراع النور ودراع المساحات بس انا عايز اخلي الحل ده الآخر خالص ياريت لو حد يقدر يفدنا وجزاكم الله كل خير

**A.Saad** · 23-08-2010 04:29 PM

ممكن تشوف الحرفيين او ش العشرين فيصل

**mn3em** · 31-08-2010 03:13 AM

المشاركة الأصلية كتبت بواسطة a.saad

ممكن تشوف الحرفيين او ش العشرين فيصل

شكرا يا باشا وانا فعلا لفيت في شارع العشرين وملقتش وربنا يسهل واشوف في الحرفيين مع ان الواحد بيخاف منهم بصراحه

**mn3em** · 31-08-2010 03:14 AM

المشاركة الأصلية كتبت بواسطة brainstorm

طب بعد اذنك أنا كنت عايز اعرف سعر الكبلن الاستيراد بكام والمقص الاستيراد بكام؟

هما دول الحمد لله محصلهمش حاجه بس ان شاء الله لما انزل هسألك وأقولك

**dj_bex** · 31-08-2010 05:38 AM

بص يا منعم بالنسبه للطاره عندي حل ظريف ممكن تكيب طاره اسبور بالزور بتاعها من ارابكم وكده تكون وفرت ..
بالنسبه للتابلوه روح الحرافيين لف على المحالات كلها و شوف الاسعار وقارن ..
بالنسبه للأنذار فكك منه بجد ملوش اي لزمه او لما تروح الحرفين دور عليها بردو

**mn3em** · 02-09-2010 01:39 PM

المشاركة الأصلية كتبت بواسطة dj_bex

بص يا منعم بالنسبه للطاره عندي حل ظريف ممكن تكيب طاره اسبور بالزور بتاعها من ارابكم وكده تكون وفرت ..
بالنسبه للتابلوه روح الحرافيين لف على المحالات كلها و شوف الاسعار وقارن ..
بالنسبه للأنذار فكك منه بجد ملوش اي لزمه او لما تروح الحرفين دور عليها بردو

بصراحه انا لو عربيتي هعمل فيها كده بس هو راجل كبير ومش هيوافق علي الطاره الاسبور
وربنا يسهل واروح الحرفيين واشوف ايه النظام

**mn3em** · 02-09-2010 01:49 PM

فيه بقي مشكله اكبر ومش عارف اعمل ايه فيها
العربيه اوتوماتك .... لما بتاخد غيار زي ال d او 2 العربيه مش بتتحرك من مكانها خااااالص غير لما ازود بنزين جامد
انما r عادي جدا وبتتحرك لوحدها من غير مادوس بنزين مش عارف اعمل ايه ؟؟؟؟؟

-

الموضوع: محتاج مساعده في قطع غيار الاوبترا الاستيراد بعد اذنكم

LinkBack

أدوات الموضوع

عرض

محتاج مساعده في قطع غيار الاوبترا الاستيراد بعد اذنكم - انشر الموضوع فى :

-

-

-

-

-

المواضيع المتشابهه

عباد الرحمن لقطع غيار الاستيراد

عنوان محل سوسو لقطع غيار الاستيراد

مساعده بعد اذنكم اشترى e36 ولا golf 4

محتاج مساعده بخصوص قطع غيار أونو فاير 2006

محتاج مساعده خبراء الاوبل ضرورى جدا بعد اذنكم

الكلمات الدلالية لهذا الموضوع

المفضلات

المفضلات

ضوابط المشاركة