سلام عليكم يا وحوش الميجان
انا عندي مشكله ومحتاج اكلم أيمن momo10000 ضروري
يا ريت لو حد يبعتلي نمرته ضرووووري
عرض للطباعة
سلام عليكم يا وحوش الميجان
انا عندي مشكله ومحتاج اكلم أيمن momo10000 ضروري
يا ريت لو حد يبعتلي نمرته ضرووووري
تحت امرك ....و ان شاء الله خير
أيه ده هو لسه مظبطش معاك ؟؟؟؟؟؟؟؟؟؟؟
أيه يا أيمن.......الأداء قل ليه ؟؟؟
رمضان مأثر ولا أيه ؟؟؟
Done يا باشا وكلو تمام يل كبيير
ولعه نارررررررررررررررر يا أيمن
دكتورررررررراقتباس:
Done يا باشا وكلو تمام يل كبيير
ممكن يا أيمن باشا تبعتلى نمرتك عشان انا داخل على تغيير عفشة ومحتاج مشورة جامدة.....وربنا يستر
يا اكمل ايمن طور نشاطه جامد اليومين دول وبعد ما كان بيشتغل في حاجات تحت السلم ربنا كرمه وطلع للدور الاول
يا جماعة انا مش عارف أقول ايه على الراجل ده بجد انا كنت بطلت افتكر ان لسه فيه ناس كده....
الحقيقة اني بعد ما حطيت الموضوع ده اضطريت انزل احاول اتعامل مع العربية اللي كان فيها مشكلة عفشة مخلياني مقلق اتحرك بيها قبل ما افهم طبيعة المشكلة
المهم اني بعد ما نزلت فوجئت بالموبايل فصل شحن. حطيته يشحن في العربية فترة لغاية ما فتح. اتفاجئت بنمرة غريبة بتكلمني
رديت لقيت اللي بيقولي أنا أيمن مومو ... مش بس كده ده فضل معايا ما بين قطع غيار لصنايعية و تقريبا معايا خطوة بخطوة طول اليوم وبعد الفطار.
بجد مش عارف اقول ايه و اوصف ازاي حد بالأخلاق دي....speechless!
بجد يا أيمن ربنا يجزيك عننا خير
يا باشا دة العادى بتاع ايمن الفلاحاقتباس:
يا جماعة انا مش عارف أقول ايه على الراجل ده بجد انا كنت بطلت افتكر ان لسه فيه ناس كده....
الحقيقة اني بعد ما حطيت الموضوع ده اضطريت انزل احاول اتعامل مع العربية اللي كان فيها مشكلة عفشة مخلياني مقلق اتحرك بيها قبل ما افهم طبيعة المشكلة
المهم اني بعد ما نزلت فوجئت بالموبايل فصل شحن. حطيته يشحن في العربية فترة لغاية ما فتح. اتفاجئت بنمرة غريبة بتكلمني
رديت لقيت اللي بيقولي أنا أيمن مومو ... مش بس كده ده فضل معايا ما بين قطع غيار لصنايعية و تقريبا معايا خطوة بخطوة طول اليوم وبعد الفطار.
بجد مش عارف اقول ايه و اوصف ازاي حد بالأخلاق دي....speechless!
بجد يا أيمن ربنا يجزيك عننا خير
الراجل دة اجدع بكتير من اى حد ممكن يتصور
ماشية حلاوة يا عم ايمن
ههههههههههههه
أنا بجد عاوز أشوف الراجل ده ..... عاوز أشوفه .....
طيب وانا يا جماعة
انا كنت عايز اظبط العفشة انا كمان
علبة دريكسيون ومساعدين وبطاحات ومقصات...وليلة كبيرة
وانا قلقان جدا....وعايز حد يطمنى
انا مش عايز اتعب ايمن مومو....هخليها بعد رمضان علطول....بس حد يطمنى ويقوللى ايه النظام؟
العملية كدة هتتكلف كام؟؟؟؟
جوز مسادين امامي مونرو 800 جنيه
جوز مساعدين خلفي مونرو 700 جنيه
جوز مقصات 425 جنيه
علبة الدركسيون لو هاتتغير بالأصلي 1300 جنيه تقريباً
لو هاتتصلح عن طريق حشو العلبة في نوعين حشو عادي (زي بتاع الفابريكه) يعمله 100 جنيه ولو حشو عاج 250 جنيه تقريباً ودا كويس جداً بيعيش اكتر.
البطاحات ممكن تتشحم وترجع زي الاول لو حالتها كويسه ولو هاتغيرها هاتعملها 175 بالبلي للبطاحة
المصنعيات هاتاخد يوم شغل كامل تقريباً وهاتصرفلها من 250 إلى 350 جنيه انت وشاطرتك
يعني الموضوع لو كله تغير هايعمل 4000 جنيه تقريباً :120146b
ولو تصليح هايعمل حوالي 2500 جنيه:ask:
ايه الوهم ده
الله يطمنك
انت 100/100
بس استحملنى شوية وخد منى شوية استفسارات
ايه موضوع الحشو اللى فى علبة الدريكسيون.....هل هو كويس...مافيهوش مشاكل بعد كدة
ومين بيعمل الموضوع ده....بس ضرورى الله يخليك
وقطع الغيار بالأسعار الحلوة دى من عند مين
ومتشكريين جدا جدا جدا على اهتمامك
وهو دا العشم من وحوش الميجان
يا باشا دا مش الوهم دي الواقعية :majd(4):
بص الحشو دا بيتعمل عند الخراط وفي ناس بتعمل الحشو العادي وبيرجعوا يتشتكوا منه وبتضطر ترجع تغير علبة الدركسيون بالكامل
لكن انا عرفت من كذا مصدر ان حشو العاج دا كويس جداً وبيعيش اطول من الفابريكه كمان
بس لو عاش زي بتاع الفابريكة حتى يبقى حلو قوى بس صراحة انا شفت الحشو دا بس مش عارف ليه بيسموه عاج
انا اعرف ان العاج دا بيبقى في الفيله بس وبيبقى صلب جداً ودا الي احنا اتعلمناه من زمان
هو اكيد مصطلح بيتقال على نوع معين من البلاستك القوي او حاجه زي كده ودا بسبب لونه العاجي والله اعلم برده
وانا تحت امرك في اي سؤال طالما عندي اجابه ليه:satelite:
طيب وهو اللى بيصلح علبة الدريكسيون بالعاج هم اللى انت كتبتهم فى رسالتك عالخاص ....ولا ناس تانية؟
ومعلش استحملنى فى كتر أسئلتى.....انت جربت موضوع الحشو ده؟؟؟؟
وبيفرق كتير فى نعومة العفشة.....زيه زى الجديد بالظبط.....
وهى بتاخد وقت...يعنى عايزة يوم كامل عشان تتحشى...ولا اليوم المطلوب فيه تغيير العفشة داخل فيه حشو العلبة؟؟؟؟؟
وهل اللى بيحشى ممكن يقوللى العلبة ماتنفعش تتحشى؟
ولا اى علبة دريكسيون بايظة بيبقى سبب بوظنها هو الحشو؟
برغى كتير انا .....صح؟؟؟:w6266d
انا بستغل رمضان وعارف ان الناس بتبقى بالها طويل :F_eyeb1[1]:
آه هما بيفكوا العلبة ويبعتوها عند واحد خراط تبعهم تتحشي والحشو بياخد حوالي من ساعة إلى ساعة ونصف بالكتير دا غير زمن فك العلبة قول كمان ساعة يبقى ساعتين ونصف للعلبة فقط
آه طبعاً انا جربته وهو كويس جداً حتى الآن وفعلًا كأني غيرت العلبة بالكامل تحفه ما شاء الله
بص موضوع العلبة ماتنفعش تتحشي دي ماعرفهاش بس عموماً الي بيبوظ في العلبة دايماً الحشو لأن الباقي حديد مش بيبوظ بسهولة
عموماً العلبة دي عبارة عن اسطوانة فيها باره حديد حواليها الحشو وبيخرج منها من الجنبين بارات الميجان الداخلية وفي جزء جاي عمودي على العلبة وليه حاجه زي قاعدة كده بيتربط فيها الدركسيون من داخل السيارة
اهم حاجه في الموضوع دا كله ان اثناء عدم وجود علبة الدركسيون في السيارة مهم جداً انك ما تجيش جنب الدركسيون خالص علشان شريط الايرباج هايتقطع لو حركته لانه مالوش نهاية في الحركة
وسبب التلف بيجى نتيجة ان العلبة دي طبعاً متركبة بطريقة افقية موازيه للأرض والدركسيون عمودي عليها فبالتالي نتيجة المطبات الي في بلدنا الجميلة ومش موجود زيها في بلد الصانع بتتأثر العلبة بالمطبات (يعني الحشو الموجود حوالين البارة الي جوة العلبة بيتآكل نتيجة حركة هذه البارة في المطبات بشكل عمودي على الحشو) ودا الي بيسبب تلف علبة الدركسيون
ولا رغي ولا حاجه اسأل براحتك ما يهماكش خالص سواء في رمضان او بعد رمضان:mad2:
مش عارف أمسك نفسى أكتر من كدة
أستاااااااااااااااااااااا اااااااااااااااااااااااذ والله
توقع مكالمة قريبة منى....قبل التغيير ان شاء الله فى حالة الشعور بأى نصبة حولى
انا بقلق جدا من الصنايعية....وبحس انهم لما بيحسوا ان اللى قدامهم مش فاهم كويس.....بيبهدلوه ويروحوه بيته من غير ولا نكلة
فا ان شاء الله بتأسف ليك مبدذيا عن أى ازعاج ممكن أسببه....بس الموضوع ده جديد على وانا هستعيين بيك لما اتزنق فى أى مشكلة....وألف شكر يا أشرف باشا