مطلوب مقترحاتكم حول انشاء موقع للمنتدى

السلام عليكم ورحمه الله
كلكم شايفين وحاسين بالتغييرات اللي بتتم دلوقتي في المنتدى واللي كتير منكم وانا اولكم مش راضي عنها
ولكنها خطوة لمعرفة فين اقوى منطقة بتجيب دخل للمنتدى عشان الاهتمام بها وخاصة من حيث نوعيات الاعلانات
ده مش موضوعانا ولكن رجاء استحملونا لغاية ما يخلص التطوير وكله للمصلحة العامة


النقطة الاهم اننا في صدد انشاء موقع سيارات كبير يحمل اسم نايل موتورز ويكون واجهة قوية للمنتدى
الموقع سيصمم على اعلى مستوى حرفي ان شاء الله وسيتكلف كثيرا جدا وقت وجهد ومال
لذا لا تبخلو علينا بمقترحاتكم
عايزين ايه من الموقع
متخيلين الواجهة هاتكون ازاي
ايه الابواب والاقسام
لو في موقع عايز تستشهد بيه يكون عالمي ووصل لمرحلة محترمه من الترتيب الدولي او من حيث المحتوى تقدر تحط لينك ليه وتستشهد بيه في كلامك
ومش عايزين المواقع الرسمية لماركات السيارت زي موقع بي ام او موقع كيا
عايزين مواقع افراد وهيئات وليس مواقع شركات تصنيع سيارات
منتظر اقتراحاتكم انا وشركة التطوير المختصة بتطوير المنتدى
ومعانا كمان من فريق تطوير المنتدى استاذ ماركو عادل استشاري التطوير هايكون متابع ليكم ومشاركاتكم
عايزين Mind Storm مع بعض عشان نوصل لافضل شكل نهائي للموقع الرسمي للمنتدى
تحياتي
كريم منير
مدير المنتدى

علم يا فندم ,
حيكون جارى الفكر والتكتكة والبحث من هنا ورايح ,
واى فكرة توصلى او تتجمع فى مخى , حبلغك بيها يا كيمو , وحقولك عليها على طول
وربنا يوفقك على النقلة الكبيرة دى

الله ينور ياباشا و ربنا يوفقك

و اي افكار او خواطر سنقوم بطرحها عالفور

اعتقد المطلوب تغيير الشكل بس انما لو كان موقع بس فا مش هيكون فيه فرصه لناس كتير تكتب علشان المحررين هيكونو معروفين وخايف ننتهى نهاية كونتاكت كده ..عموما جارى عصر الدماغ :)

رمضان كريم ياكريم

فكره اكثر من رائعه ومحترمه

وربنا يوفق للاحسن ان شاء الله

فى موقع مصرى كنت عايز استشهد به

بس خايف يكون اعلان

ان شاء الله هارسله عالخاص وشكرا

من أفضل مواقع السيارات:

Worldcarfans

إقتراحاتي المتواضعة :

إنشاء قسم للسيارات الجديدة بحيث يضم القسم معلومات عن جميع السيارات الجديدة و صور لها و أسعارها ( معلومات دقيقة ) علشان يكون مرجع لزوار الموقع

قسم للاخبار المحلية و العالمية

قسم لرياضة السيارات يضم معلومات و أخبار دقيقة

قسم الميكانيكا ينقسم لشقين الاول تعليمي يضم معلومات تعليمية عن السيارة بشكل عام
الشق التاني هو قسم الأعطالو حلولها

قسم للصور ( الخاصة بالسيارات فقط )

قسم للفيديو

القسم الأخير و مش عارف هل هينفع و لا لا هو قسم تجارب القيادة و التقييم بحيث ان احنا نختار اي اخ عزيز معانا في المنتدى علشان يقوم بقيادة السيارات المختلفة و يقيمها و يدعمها بالفيديو و الصور


اما عن المواقع اللي أنصح بها هي

www.autocar.co.uk
www.motortrend.com


و كل دة علشان يكون الموقع المرجع العربي الأول لمحبي مجال السيارات بدل اللجوء للمواقع الاجنبية

عندى ليك فكره يا استاذ كريم لو تم تطبيقها كما اتخيل هتبقى عندك اكبر محتوى لموقع سيارات فى مصر كله

كون فريق بس يكون من ناس فعلا عندها وقت تشتغل طحن , اعمل حصر لكل موضوعات الورشه التعليميه والتجارب وتقارير السيارات اللى فى المنتدى ومكتوبه بأيدى اعضاء المنتدى

اعاده صياغه بسيطه ليها كلها بشكل اكثر احترافيه بعد إذن كاتبيها طبعا , وانزل بيهم على الصفحه الرئيسيه كموضوعات ارشيف للمنتدى

كل عربيه الانطباعات وتجارب قيادتها تتعمل فى موضوع واحد بس , بحيث كل الافكار اللى فى كل التقارير دى تتذكر فى تقرير واحد رسمى للموقع

وكل مواضيع التعليمى تتفهرس تحت ما تتبع ليه بحيث تبقى تقريبا انت غطيت معظم اجزاء السياره كشرح

كدا شكرا انت قبل ما تكتب ولا كمله بقا عندك محتوى تنافسى

واللى هيتكتب من بعد كدا فى المنتدى هياخد نفس شكل اللى فى الرئيسى ويبقى المنتدى بيفيد الرئيسيه بدل ما تحتاج تجيب محررين للرئيسيه مخصوص

كذلك يبقى فى زى باب ميكانيكى فى الرئيسيه , المحرر بتاعه وظيفته يدخل كل يوم على الورشه والاقسام يشوف الاعطال اللى الناس اشتكت منها وتم تقديم حلول ليها وينسخها بشكل احترافى فى الرئيسيه بحلولها بحيث تكون مرجع لمتابع الرئيسيه دون المنتدى

زى مثلا العربيه بتدور مبرجله , الناس دخلت قالت بص على كذا وكذا وطبعا دى حلول ثابته لكل العربيات , ده محتاج يطلع برا ويمكن بعد كدا تتفهرس الحلول دى وتبقى سهل الوصول للعطل وحله

عندى افكار تانيه كتير بس كلها محتاجه شغل انتحار , فريق العمل سامعهم بيدعوا عليا فى الفطار :)

زي موقع كونتاكت كارز بالضبط وخاصة اتاحة عرض العربيات للبيع

تقارير محترفة عن العربيات ونصائح اجابية لكل اللي بيفكر يشتري عربية.
http://www.nilemotors.net/Nile/16815...year-20xx.html
حاجة زي كده هتعمل شهرة واسعة للمنتدي وهتعمل تأثير عالي للمنتدي والموقع علي المستخدمين وإللي بيفكر يشتري وبالتالي التوكيلات وحتي الصناع. والمنتدي أو الموقع ممكن يكون صوت المستهلك المصري للشركات العالمية (احنا طرقنا ومتطلباتنا في العربية مختلف عن أوروبا وامريكا)
بس ده هيحتاج نقاد محترفين للكتابة غير أراء ملاك اللي هتكون رأي ملاك حقيقيين مش صحفيين بيجربو العربية 100 كيلو والسلام.

مثلا موقع Top Gear هو موقع كل مهمته يعمل Support للبرنامج بس البرنامج فيه كلام أكتر. الموقع برده ممكن يشوق الناس للمنتدي بمواضيعه المتميزة بس عشان الناس تشوف تجارب الملاك ورأيهم وحلول مشاكلهم ويتفاعلوا يدخلوا المنتدي.
Cars, driving, Jeremy Clarkson, James May, Richard Hammond - BBC Top Gear

اقتباس:

---

المشاركة الأصلية كتبت بواسطة د.محمود صلاح

زي موقع كونتاكت كارز بالضبط وخاصة اتاحة عرض العربيات للبيع

---

iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiii
انا مع الراى ده بس مش بالضبط لانه فى الحالة دى هيكون استنساخ ونفقد هويتنا لكن اقصد نقطة اتاحة السيارات للبيع يعنى التركيز على بيع وشراء المستعمل لان ده هو اللى مخلى كونتاكت مشهور فى هذا المجال وفى النهاية مبروك يااستاذ كريم على كل درجة سلم بتصعدها ومعاك المنتدى والى الامام والرفعة دائما

بالتوفيق ان شاء الله يا استاذ كريم.. واى فكره حلوه هنقولها هنا علطول
بس اتمنى ميبقاش التطوير على حساب مشاركات الاعضاء لان الى فهمته ان التطوير هيخلى الموقع رسمى شويه...ياريت حد يفهمنى الصوره كامله عشان كمان نفكر صح
ورمضان كريم

فكره هايله

فكرة جميلة بس ياريت يتغير شكل الموقع ويكون فى مؤثرات 3d مثال :
SEAT Good Stuff

او كدة http://arabic.arabia.msn.com/ramadan/

بمعنى الشكل يتطور ويدخل فية عناصر متحركة ويتغير النظام العادى والدخول للمنتدى والاقسام والقوايم تتظهر بصورة مختلفة بدل كوباية اللبن اللى فى background

فكرة حلوة اوى واقتراحاتى
1- ترتيب المواضيع وتنقيتها من المواضيع اللى غير مفيده
2- ترتيب الارشيف وحذف المواضيع المكررة
3- وضع 3مشرفين لكل قسم على الاقل لمراجعة وتنقية المواضيع
4- عمل قسم بيع السيارات المستعمله بالصور ويكون هناك فريق متنقل يذهب الى من يرغب البيع يصور العربيه وتكون بأجر رمزى فيه قليل من الربح للمنتدى وبذلك يكون مصدر اضافى للدخل غير الاعلانات (محدش يقول زى كونتاكت كار لان المنتدى مميز وبه خدمات اكتر من اى موقع تانى واضافة فكرة زى كونتاكت كار هى زياده وليست اساسيه)
4-تفعيل استيكر المنتدى وجعل الخصومات اكتر من 10%
5- ممكن التعاقد مع ورشه او اكثر تكون تحت مسئولية المنتدى وتكون ثقه حتى يتعامل معهم اعضاء المنتدى ومحلات بيع قطع الغيار ويكون هناك خصم مغرى لاعضاء المنتدى الحاملين للاستيكر وحتى ديسكفرى لنقل السيارات المعطله ويكون الخصم اكتر من 20% للعربيات اللى واضعه استيكر المنتدى

بالتوفيق يا رب و ان شاء الله يكون فاتحة خير

انا فى فدماغى حاجة دلوقتى بس مش عارف تنفيذها هايكون سهل او ينفع اصلا ولا مش هاينفع ,,,, اكيد طبعا ها يتعمل reviews عن عربيات كتير
اية رأيكم لو الكلام دة يكون من التوكيل كمان يعنى المحرر يروح التوكيل يحاول يعمل مع مهندس من هناك او مختص من التوكيل الريفوو دة
وممكن لو يعرف يوصل للمدير او صاحب التوكيل يعمل معاه حوار برضو بس مش تقرير بئى لا حوار عن التوكيل و والعربيات الجديدة والعربيات الحالية وكل شىء لية علاقة بالتوكيل ,, افتكر موجوة فى جرنال السيارت فقط انما على اى موقع فى النت هنا فى مصر مش موجودة
,,,,,,,,
وان شاء الله اجيب افكار جديدة

بالتوفقيه ان شاء الله ياكريم وانا شايف الاعضاء قالت معظم الاقترحات ونوح قال معظم كل الى انا عايز اقوله

اقتباس:

---

المشاركة الأصلية كتبت بواسطة medo_2060

بالتوفيق ان شاء الله يا استاذ كريم.. واى فكره حلوه هنقولها هنا علطول
بس اتمنى ميبقاش التطوير على حساب مشاركات الاعضاء لان الى فهمته ان التطوير هيخلى الموقع رسمى شويه...ياريت حد يفهمنى الصوره كامله عشان كمان نفكر صح
ورمضان كريم

---

الموقع هيكون جنبا الى جنب مع المنتدى مش هيبدل المنتدى!!!!

ماشاء الله لاقوة الا بالله
فكرة جميلة جدا
وتقريبا كل الاعضاء قالوا الافكار اللى فى دماغى
وانا عندى فكرة كمان ان شاء الله تكون كويسة
ان يببقى فى مسابقات شهرية عليها
جوايز قيمة مدعمة من المعلنين علشان يبقى فى اقبال على الموقع
وتكون الجوايز دى برضة متعلقة بالسيارات
وان شاء الله الموضوع يتم على خير

الموقع ده انا شايف انه تحفه وفى افكار جامده
http://www.nilemotors.net/Nile/173549-a.html

المشاركه دي كنت ضيفتها في أحد مواضيع قسم المقترحات قبل ما اشوف الموضوع ده

اقتباس:

---

المشاركة الأصلية كتبت بواسطة pro_samir

بالتوفيق و ربنا ييسر الأحوال

وفكرة انشاء موقع رئيسي غير المنتدي فكره ممتازه بس يا رب يبقي علي مستوي عالي (بلاش يطلع زي المجله)

وأكيد من أهم الأفكار اللي ممكن تكون فيه موضوع البيع والشراء كما في كونتاكت علي سبيل المثال اكيد ده هيعمل زوار كتير علي الموقع نفسه

وممكن الأستفاده من تقارير وموضوعات المنتدي بالموقع نفسه عن طريق الربط بين الموقع و الموضوعات المتميزه بحيث تظهر بتنسيق الموقع وليس المنتدي أو حتي يتم نسخها للموقع ويتم اضافه رابط الموضوع من المنتدي في أخر الصفحه

يعني مبدأيا (بيع وشراء - تقارير أو تقييم السيارات - العروض المقدمه للأعضاء بالتعاون مع المنتدي - موضوعات مختاره من القسم التعليمي وما شابه - المقارنات )

وكل ما يمكن استغلاله من المنتدي في الموقع الرئيسي علشان افتتاح الموقع ميكونش فاضي وغير جذاب زي ما حصل مع المجله سابقا سواء من حيث الأقسام أو الداتا لأن المفترض ان زوار الموقع مش شرط يكونو اعضاء في المنتدي وبالتالي لازم يكون دسم جدا

---

شكرا لمقترحاتكم ومستني المزيد
يا جماعة دي مقترحات لعمل موقع سيارت وليس تطوير المنتدى عشان الناس ماتهدرش تفكيرها
احمد يا نوح (بتقرا افكاري) انت خطر يا واد :-)
مجدي انت قصدك على car100100
الشركة اللي بتطور موقعنا هي اللي طورت كار ميه ميه :-)


يا جماعة احنا مش بنطور موقع
احنا بنبتدي موقع من الصفر عشان كدة بنجمع افكار وابواب
الشكل طلبت منكم امثلة عشان المطورين يشوفو امثلة
الله المستعان ومستني افكاركم