احذروا النصب بالمحمول

**Dr.SherifMansy** · 23-08-2010 03:01 PM

حاسبوا يا جماعة ...

فيه طريقة جديدة شكلها نصب ، او على الأقل لسرقة البيانات الشخصية و بيعها لأى حد يعوزها (شركات الأعلانات مثلا) او استعمالها للنصب (بادعاء النصاب انه عارف بياناتك و بالتالى تطمن له).

بتلاقى واحد بيتصل بيكم على المحمول و يقول انه فلان الفلانى من شركة كيت و كيت و انها تابعة لشركة المحمول بتاعتك (حسب خطك ما يكون ، اتصالات و لا فودافون و لا موبينيل) بموجب اتفاق كذا و كذا و انهم بيعرفوا معلومات من العملاء عن مدى جودة الشبكة و الخدمة ...

و يبتدى يسأل اسئلة عن الأسم و نوع التليفون و خط و لا كارت و محل السكن و العمل و بيانات تانية ، و لما رفضت اديها له قعد يقنعنى انى مش هاخسر حاجة و ان دى مهمة لتحسين الخدمة و تقوية الشبكات ..

و هنا حبست دمه لما سألته "مادام فيه اتفاق بينك و بين الشركة بتاعة المحمول ، و هما اللى ادوك تليفونى ، ازاى البيانات الشخصية بتاعتى مش معاك ؟؟؟ خدها من الشركة"

و هنا لقيته اتلجلج و بقى مش عارف يتكلم و قفل بعد ما سمع كلمتين حلوين منى..

المهم انى اتصلت بخدمة العملاء بالشركات الثلاثة و سألتهم عن الحكاية دى (اتكررت مع واحد صاحبى بس خطه تبع شركة محمول تانية)[caution]و طلع ان مافيش ولا شركة من موبينيل أو فودافون أو إتصالات عاملة اى اتفاقيات مع حد لجمع معلومات او عمل احصائيات ...[/caution]

[warning]الموضوع كله نصب فى نصب فاحذروه ....[/warning]
و انا عن نفسى ناوى ابلغ مباحث التليفونات عن النمرة اللى اتصلت بى..

و ربنا يحفظنا جميعا

و تحياتى

**احمد المصرى** · 23-08-2010 03:21 PM

جزاك الله كل خير على التنبيه

**ASKAFRAWY** · 23-08-2010 03:42 PM

جزاك الله خير يا دكتور

**yascro** · 23-08-2010 03:49 PM

جزاك الله خيرا

**mohfud** · 23-08-2010 03:51 PM

جزاك الله خيرا

**sara2001** · 23-08-2010 04:00 PM

حصلت معايا قبل كده من فودافون
بس كنت مشغوله فقلت له يتصل بعد ساعه
طبعاً مفيش حد اتصل
اتصلت بخدمة العملاء قالوا ان مفيش تحديث بيانات ولا حاجه
بس هو بعد ما ياخد البيانات هيعمل ايه؟

**Dr.SherifMansy** · 23-08-2010 04:47 PM

المشاركة الأصلية كتبت بواسطة sara2001

حصلت معايا قبل كده من فودافون
بس كنت مشغوله فقلت له يتصل بعد ساعه
طبعاً مفيش حد اتصل
اتصلت بخدمة العملاء قالوا ان مفيش تحديث بيانات ولا حاجه
بس هو بعد ما ياخد البيانات هيعمل ايه؟

أولا ممكن تلاقى سيل من المكالمات اللى بتعمل دعاية عن اى منتجات ، او الأشتراك فى كروت تخفيضات لفنادق او منتجعات ... الخ ... و مش محتاجين نقول انها كلها تقريبا وهمية

و ده اضعف و أخف الأحتمالات...

ثانيا ممكن حاجات أخطر ، ..

ان مثلا تلاقى حد جاى على العنوان و معاه فاتورة مكتوب عليها اى لوجو و مثلا يطلب مبلغ الفاتورة على انه ممثل لشركة المحمول و ان دى مبالغ متأخرة أو تسويات أو أو أو ... و طبعا هايذكر لم بياناتك بالتفصيل لأثبات انه فعلا من الشركة (البيانات اللى اخدوها منك قبل كده) ...

ممكن ينصبوا على حد و يستعملوا البيانات بتاعتك دى فى النصباية و بكده يحاولوا يلصقوا التهمة بحد تانى (طبعا عرفنا مين ...)

دى مجرد أمثلة و السيناريوهات فى الواقع كتيرة جدا ، المعلومات الشخصية خطر أى حد ياخدها علشان كده

-

الموضوع: احذروا النصب بالمحمول

LinkBack

أدوات الموضوع

عرض

احذروا النصب بالمحمول - انشر الموضوع فى :

-

-

-

-

-

المواضيع المتشابهه

يا اهل الرينو ... احذروا هذا النصاب ... متخصص في النصب على ملاك الرينو

ركن السيارات بالمحمول في واشنطن!

الكلمات الدلالية لهذا الموضوع

المفضلات

المفضلات

ضوابط المشاركة